Wuj Richin Bix Chire ri Dios 11:4 - Kaqchiquel Bible

⁴ Ri Jehová chupan k'a ri loq'olej rachoch k'o-wi; chila' chikaj k'o-wi ri rutz'uyubal richin nuq'et-tzij, rija' kan rutzuliben k'a pe ronojel ri nikiben ri winaqi'.

Wuj Richin Bix Chire ri Dios 11:4 ပူးပေါင်းရင်းမြစ်များ

Wuj Richin Bix Chire ri Dios 103:19

Ri Jehová kan k'a chila' chikaj k'o-wi ri rutz'uyubal richin niq'aton-tzij. Rija' kan nuq'et k'a tzij pa ruwi' ronojel.

Wuj Richin Bix Chire ri Dios 18:6

Chupan k'a ri nimalej bis ri' xich'on rik'in ri Jehová, xink'utuj utzil chire richin yiruto'. Rija' kan xirak'axaj-pe k'a ri akuchi-k'o-wi, ri nuch'owen rik'in, xapon k'a chuwech rija' y kan xrak'axaj.

Wuj Richin Bix Chire ri Dios 2:4

Jak'a ri Dios ri k'o chila' chikaj xa xtitze'en, kan nikikot ri ajaw chikij rije'.

Wuj Richin ri Habacuc 2:20

Jak'a ri Jehová kan k'o-wi chupan ri rachoch, roma ri' konojel tzobaj winaqi' richin re ruwach'ulew man keq'ajan chuwech.

Wuj Richin ri Isaías 66:1

Ri Jehová nubij: Ri nutz'uyubal k'o wawe' chikaj, y ri rupalibal ri waqen, ja ri ruwach'ulew. ¿Akuchi kami nich'ob rix richin nipaba-q'anej jun wachoch? ¿Akuchi kami nich'ob niben-wi jun k'ojelibel richin yinuxlan juba'?

Wuj Richin ri Jeremías 23:24

Y roma ri', man yixtikir ta niwewaj-iwi' chinuwech. Yin kan nintz'et ri akuchi ixk'o-wi, roma yin nunojisan ri kaj y ri ruwach'ulew.

Wuj Richin Bix Chire ri Dios 33:13

Ri Jehová nitzu'un k'a pe k'a chikaj richin yerutz'et-pe ri winaqi'.

Apocalipsis 4:2

Y kan jari' chupan ri achi'el achik' ri', xintz'et k'a chi ri chikaj k'o jun tz'uyubel y chupan ri tz'uyubel ri' k'o jun tz'uyul.

Hebreos 4:13

Roma man jun k'a ri nitikir newan-ri' chuwech ri Dios, y ronojel ri k'o kan e tz'etel chuwech rija'. Y chire rija' k'o chi niqajech-wi ronojel ri yeqabanala'.

2 Tesalonicenses 2:4

Rija' xtiyakatej y xtupaba' ri' chuwech ronojel ri nibix dios chire, y ri niya'ox ruq'ij. Man xaxe ta ri' roma xa kan xtibetz'uye' chupan ri rachoch ri Dios, y xtubij chi ja rija' ri Dios.*f2*

San Mateo 23:21

Ri niya'on rutzij pa rubi' ri rachoch ri Dios, xa kan nunataj chuqa' rubi' ri Dios ri k'o chiri'.

San Mateo 5:34

Jak'a yin ninbij chiwe chi man jun bey tiben jun ya'on-tzij pa rubi' ri kaj, roma kan ja ri chila' chikaj k'o-wi ri rajawaren ri Dios.

Wuj Richin Bix Chire ri Dios 66:7

Rija' rik'in uchuq'a' niq'aton-tzij richin jantape'; kan e rutzuliben k'a konojel ri winaqi' richin ri ruwach'ulew, ri nikipaba-ki' chuwech, kan man xtuya' ta q'ij chike chi xkebe pa jotol.

2 Crón 16:9

Keri' xuben ri Jehová roma rija' kan rutzuliben-pe chijun ri ruwach'ulew richin nuya' kuchuq'a' ri kan qitzij kijachon-ki' pa ruq'a' rik'in ronojel kánima. Rat xa kan achi'el jun nakanik na'oj ri xaben, y roma ri' re wakami chiqawech-apo xtipe más labal chawij, xcha' ri Hananí.

1 Crón 17:5

Roma yin kan man jun bey ri ink'o ta pe chupan jun utzilej jay. Kan ja toq xenwelesaj-pe ri tinamit Israel pan Egipto, k'a re wakami. Xa kan xaxe ink'o-pe pa jalajoj kiwech jay ri e banon rik'in tzieq.

Hechos 7:49

Ri Jehová nubij: Ri nutz'uyubal k'o wawe' chikaj, y ri rupalibal ri waqen, jari' ri ruwach'ulew. ¿Akuchi kami nich'ob rix richin nipaba-q'anej jun wachoch? ¿Akuchi kami nich'ob niben-wi jun k'ojelibel richin yinuxlan juba'?

Wuj Richin Etamabel-Tzij 15:3

Ri rutzubal ri Jehová, xabakuchi k'a napon-wi; ri runaq' taq ruwech kan ek'o k'a pa kiwi' ri utzilej y ri itzelej taq banobel.

Wuj Richin ri Zacarías 2:13

Roma ri' man jun chik k'a wineq xtich'on ta chirij ri Jehová, roma rija' k'o pa rachoch, y kan nuchojmirisaj chik ri' richin nipe qik'in. Keri' xtabij, xcha' ri ruka'n ángel chire ri jun chik.

Wuj Richin ri Jeremías 17:10

Jak'a yin Jehová yitikir nintz'et ri ránima y kan wetaman jebel ronojel. Kan ninya' ri rutojbalil pa kiwi' chikijujunal achi'el ri kibanobal.

Wuj Richin Bix Chire ri Dios 44:21

¿Kan man ta kami nanabej rat? roma rat kan awetaman k'a ronojel ri k'o pa qánima.

Wuj Richin Bix Chire ri Dios 9:11

Tibixaj rubi' ri Jehová, ri k'o chiri' pa Sión. Titaluj k'a rutzijol ri pa taq tinamit ri nima'q taq rubanobal.

Wuj Richin ri Miqueas 1:2

Tiwak'axaj k'a rix winaqi' richin ronojel tinamit; rix winaqi' richin chijun ruwach'ulew, kan tiya' k'a ixikin, roma ri Jehová ri qajaw qonojel nich'on-pe k'a chupan ri rachoch. Rija' xtuq'alajirisaj k'a ronojel ri ibanobal.

Wuj Richin ri Achin Job 24:23

Rija' nuben chike chi jikil y kuqul kik'u'x e k'es; jak'a ri bey ri kik'uan kan tzuliben roma rija'.

Wuj Richin Bix Chire ri Dios 14:2

Ri Jehová nitzu'un-pe k'a chila' chikaj pa kiwi' ri winaqi', richin chi nutz'et wi k'o ta jun aj-na'oj, jun ri kan nikanon ri Dios.

Wuj Richin Bix Chire ri Dios 113:5

¿Achike chik ta k'a jun k'o achi'el ri Jehová ri qa-Dios, ri kan k'a más nej chire ri kaj tz'uyul-wi?

Wuj Richin Bix Chire ri Dios 139:23

Nimalej Dios, tanik'oj k'a ri nuk'aslen y tatz'eta' ri wánima; kinatejtobej y tatz'eta' ri nuch'obonik;