Wuj Richin Bix Chire ri Dios 11:1 - Kaqchiquel Bible

¹ Rik'in ri Jehová nukuquban-wi nuk'u'x. ¿Achike roma nibij chuwe: katanimej, kabiyin pa taq juyu' achi'el nuben jun aj-xik' chikop?

Wuj Richin Bix Chire ri Dios 11:1 ပူးပေါင်းရင်းမြစ်များ

2 Crón 14:11

Ri Asá xuk'utuj to'onik chire ri Jehová ri ru-Dios y xubij: ¡Jehová, chawech rat junan richin ye'ato' ri aj-labal ri k'o kuchuq'a', y ri maneq kuchuq'a'! Y roma ri' qojato' Jehová ri at qa-Dios, roma kan awik'in rat qakuquban-wi qak'u'x, y pan abi' rat oj peteneq-wi chikij re achi'a' re'. ¡Jehová ja rat at qa-Dios; tak'utu' k'a awi' chi awik'in rat kan man jun nitikir!, xcha'.

2 Crón 16:8

¿Kan man noqaqa ta chi'ak'u'x toq ri aj-Etiopía y ri aj-Libia kan janila kuchuq'a' y e k'iy achi'a' ri yech'oke' chirij kiej y janila ki-carruaje, y man rik'in ri' ri Jehová xerujech pan aq'a', roma kan xakanoj rija'?

Wuj Richin ri Nehemías 6:11

Y yin kere' xinbij: Jun achin achi'el yin ¿ruk'amon kami chi nanimej? ¿Utz kami chi yin ninkol-el-wi' pa rachoch ri Dios richin ninkol ri nuk'aslen? ¡Ni! Yin man xkinok ta pa rachoch ri Dios, xicha'.

Wuj Richin Bix Chire ri Dios 16:1

Nu-Dios yin, tabana' utzil kinachajij, roma kan nukuquban nuk'u'x awik'in.

Wuj Richin Bix Chire ri Dios 25:2

Nu-Dios yin, kan nukuquban nuk'u'x awik'in. Kan man jun bey ta k'a yik'ixbitej. Kan man taya' q'ij chi ri e etzelanel wichin yekikot chuwij.

Wuj Richin Bix Chire ri Dios 31:14

Jak'a yin kan nukuquban nuk'u'x awik'in rat Jehová, roma kan ja rat at nu-Dios.

Wuj Richin Bix Chire ri Dios 56:11

Yin kan nukuquban nuk'u'x awik'in rat, ¡Roma ri' kan man xtinxibij ta wi' chire ri achike xtikiben chuwe ri winaqi'!

Wuj Richin Bix Chire ri Dios 7:1

Jehová nu-Dios, awik'in rat nukuquban nuk'u'x. Kinakolo' k'a pa kiq'a' ri e yakatajineq chuwij.

Wuj Richin Bix Chire ri Dios 7:2

Roma rik'in juba' nikelesaj ri nuk'aslen y xkinkiwech' achi'el nuben jun koj, y kan man jun xkikolon pa kiq'a'.

Wuj Richin Bix Chire ri Dios 9:10

Jehová kan awik'in k'a rat xtikikuquba-wi kik'u'x ri ketaman awech, roma rat, man jun bey ye'amalij kan ri yekanon awichin.

Wuj Richin Etamabel-Tzij 6:5

Xa kan titija' k'a iq'ij nikol-iwi' chuwech ri k'as, achi'el nukol-ri' ri masat chuwech ri kanonel, kan tikolo-iwi' achi'el nuben ri aj-xik' chikop chuwech ri pikbel richin ri chapoy-chikop.

Wuj Richin ri Jeremías 48:14

Man tibij rix aj-Moab chi maneq xibinri'il chiwech y ix aj-labal ri kan k'o janila iwuchuq'a',

San Lucas 13:31

Chupan chuqa' ri q'ij ri', ek'o fariseo ri xe'apon rik'in ri Jesús, y xkibij chire: Ri Herodes Antipas nrajo' yarukamisaj. Roma ri' katel-el wawe' chi'anin, xecha' chire.

1 Sam 19:11

Y ri Saúl chi'anin xeruteq-el rusamajela' chirachoch ri David richin chi tikichajij, y nimaq'a' yan tikikamisaj kan. Jak'a ri Mical xubij chire ri David: Wi man xtakol ta el awi' chupan re aq'a' re', chua'q nimaq'a' yan xkakamisex, xcha'.

1 Sam 20:38

K'ari' ri Jonatán xsik'in chik apo jun bey chire ri ti ala' y xubij: Chi'anin ri', man yapa'e-qa, xcha'. Y ri ti ala' xeberusik'a-pe ri kokoj raqen-ch'ab, y xtzolej-pe rik'in ri Jonatán.

1 Sam 22:3

Y chiri' pa ruwach'ulew Judá xel-wi-el, y xbe k'a pa tinamit Mispá pa ruwach'ulew Moab, y xubij chire ri rey: Yin nink'utuj utzil chawe richin yek'oje' ta kan juba' ri nte-nata' awik'in, k'a ja toq xtinwetamaj na achike xtuben ri Dios wik'in, xcha'.

1 Sam 23:14

Y ri David xebek'oje' k'a chuwi' taq juyu' richin xbekewaj-ki' pa taq jul chiri' pa tz'iran ruwach'ulew richin Zif. Y ri Saúl kan ronojel k'a q'ij xerukanoj, jak'a ri Dios man xeruk'ut ta chuwech.

1 Sam 27:1

Ri David xubij-qa pa ránima: K'o na jun q'ij xkiberukamisaj ri Saúl. Wakami k'a, más utz yinanimej-el chi'anin y yibe pa kiruwach'ulew ri aj-Filistea, richin chi man yiruch'ob ta chik, y man chaq yirukanoj ta chupan re ruwach'ulew Israel. Keri' xtinkol-el-wi' pa ruq'a', xcha-qa.