Wuj Richin Bix Chire ri Dios 109:5 - Kaqchiquel Bible

⁵ Ja ri itzel nikiben chuwe, pa ruk'exel ri utzil ri ninben chike. Nich'upun k'a kik'u'x chuwij pa ruk'exel ri ajowabel ri ninya' chike.

Wuj Richin Bix Chire ri Dios 109:5 ပူးပေါင်းရင်းမြစ်များ

Wuj Richin Etamabel-Tzij 17:13

Ri wineq ri xa itzel ruk'exel nutzolij chire ri jun chik wineq ri k'o utz ri nuben chire; ri pa rachoch ri nibanon itzel, kan man jun bey xke'uxlan ta juba' pa ruq'a' ri etzelal.

Wuj Richin Bix Chire ri Dios 38:20

Yin xinben ri utz kik'in, jak'a rije' pa ruk'exel ri', xinkiya' pa k'ayew. Roma ninwajo' ninben ri utz, kan itzel yinkitz'et.

Wuj Richin ri Rutikeribel 44:4

Y toq e eleneq chik el chupan ri tinamit y man jani nej ta kebiyin, jari' toq ri José xubij chire ri rusamajel: Kabiyin y kebe'aq'i' ri achi'a' y tabij chike: ¿Achike roma xiben ri man ruk'amon ta y xa utz ri xban-pe chiwe? ¿Achike roma xiweleq'aj-pe ri ruqumbal ri wajaw ri banon rik'in saqipueq?

San Juan 13:18

Kan ninbij k'a chi man chi'iwonojel ta keri' xtiben, roma yin kan wetaman iwech chi'iwonojel ri xixincha'. Y chuqa' ri tz'ibatel kan, k'o k'a chi nibanatej na, roma nubij: Jajun ri wachibil ri kan nutej ruway wik'in, kan xyakatej chuwij, nicha'.*f18*

San Lucas 6:16

ri Judas ri rach'alal ri Jacob o, y ri Judas Iscariote ri xtibek'ayin richin ri Jesús.

2 Sam 15:31

Y ri David kan retaman chik k'a chi ri Ahitófel k'o chikikojol ri e yakatajineq chirij. Roma ri' xuk'utuj utzil chire ri Dios chi xtuyoj ta ronojel ri ruch'obonik ri Ahitófel.

2 Sam 15:12

Rokik ri Absalón nusuj ri kamelabel chuwech ri Jehová, jari' toq xroyoj ri Ahitófel ri aj-Guiló, pixabanel richin ri David. Y ri yakatajinenri'il ri' kan ik'owineq chik ruwi' ri ruchuq'a', y kan e k'iy k'a ri winaqi' ri xetzeqeliben richin ri Absalón.

1 Sam 19:5

Y chuqa' kan xuya' ri ruk'aslen pa kamik toq xukamisaj ri Goliat. Ri Jehová xuya' kolotajik pa ruwi' ri qaruwach'ulew Israel. Rat xatz'et ri', y kan janila xakikot rik'in. ¿Achike k'a roma wakami nawajo' nakamisaj y xa maneq rumak rubanon chawech?, xcha' ri Jonatán chire ri rutata'.

Wuj Richin ri Jeremías 18:20

Toqaqa k'a chi'ak'u'x chi yin in ch'owineq awik'in pa kik'exel rije', richin chi nink'utuj chawe chi man naya' ta pe ruk'ayewal pa kiwi'. ¿Kan rik'in kami ri itzel nitoj-wi ri utz? ¿Achike k'a roma rije' xkik'ot jun jul richin yinkichop yin?