Wuj Richin Bix Chire ri Dios 109:29 - Kaqchiquel Bible

²⁹ Ri e etzelanel wichin kan ta k'a xtikiya' kik'ix. Kan ta k'a xtiqaqa ri sachibel-k'u'x chikij achi'el xa ta jun tzieq.

Wuj Richin Bix Chire ri Dios 109:29 ပူးပေါင်းရင်းမြစ်များ

Wuj Richin Bix Chire ri Dios 132:18

Jak'a kik'in ri e etzelanel kichin xtaben chike chi xtisach kik'u'x. Jak'a ri e rijatzul kan ri David jantape' k'a xkebe pa jotol.

Wuj Richin Bix Chire ri Dios 35:26

Xa kan ke'ak'ixbisaj y tasacha' kik'u'x konojel ri yekikot chuwij roma ink'o pa q'axo'n. Taqasaj kiq'ij ri xkinimirisaj-ki' chinuwech yin.

Wuj Richin ri Achin Job 8:22

Roma ri' ri xke'etzelan awichin kan janila xkek'ixbitej; y ri kixjayilal y ri kalk'ual ri itzel taq achi'a' xa xkek'is.

Wuj Richin ri Jeremías 20:11

Jak'a rat Jehová atk'o wik'in yin. Ja rat at nukolonel ri k'o nimalej uchuq'a' awik'in. Roma ri' ri e etzelanel wichin kan xkech'akatej. Y man xketikir ta xkinkich'ek. Xa ja rije' ri xkek'ixbitej y kan xtaqasaj kiq'ij richin jantape'.

Wuj Richin ri Miqueas 7:10

Rix ri ix etzelanel qichin kan xtitz'et ri xtibanatej. Kan xkixk'ixbitej k'a janila, rix ri xixtze'en chiqij, ri kan nibila' chiqe chi akuchi k'o-wi ri Jehová ri qa-Dios. Wakami k'a xtiqatz'et ri xtiberuk'uluwachij ri iruwach'ulew. Rix kan xkixbexolq'otix achi'el ri ch'abeq ri k'o pa taq bey.

Dn 12:2

E k'iy k'a awinaq ri e kaminaqi' chik el, ri xkek'astej chik pe; jujun xkek'astej-pe richin yek'ase' chik richin q'asen, y ch'aqa' chik xkek'astej-pe richin ruk'ixbilal y richin qasanri'il.

Wuj Richin Bix Chire ri Dios 140:9

Man taya' q'ij chi ri e etzelanel wichin yinkich'ek. Tabana' chike chi ri ch'abel ri yekibila', chikij ta k'a rije' xtiqaqa-wi.

Wuj Richin Bix Chire ri Dios 6:10

Ri e etzelanel wichin, xkek'ixbitej y xtikixibij-ki'. Xa xke'animej k'a chaq k'ate'.