Wuj Richin Bix Chire ri Dios 109:23 - Kaqchiquel Bible

²³ Ri nuk'aslen xa achi'el ri mach'ach'il toq nik'is-el. Roma maneq chik wuchuq'a', ri kaq'iq' yiruxupupej achi'el nuben chire ri sak'.

Wuj Richin Bix Chire ri Dios 109:23 ပူးပေါင်းရင်းမြစ်များ

Ex 10:19

Y ri Jehová kan chi'anin k'a xujel rubey ri kaq'iq' y xuben chi ja chik ri pa qajbel-q'ij xbek'ulun-wi-pe y xeruk'uaj-el konojel ri sak' y xeberuya' kan k'a chupan ri Kaqa-Palou y kan man jun chik k'a sak' xk'oje' kan pan Egipto.

Wuj Richin ri Achin Job 14:2

Ri k'aslen nik'ulun-pe, achi'el nik'ulun-pe jun kotz'i'j, y xa chi'anin nimayer-qa. Chuqa' achi'el ri muj ri xa junanin niq'ax-el.

1 Crón 29:15

Chawech rat xa oj q'axel achi'el ri qati't-qamama', y ri qak'aslen achi'el muj ri niq'ax chuwech re ruwach'ulew.

Santiago 4:14

Chiwech rix jebel ri ich'obonik, jak'a xa man iwetaman ta achike xtik'uluwachij ri chua'q-kabij. Roma ri qak'aslen xa achi'el jun ti sib ri nik'oje-el juba', y xa chi'anin nik'is-el.

Wuj Richin ri Molojri'il 8:13

Ri aj-maki', ri maneq Dios chikiwech xa maneq ruki'il ri kik'aslen y xa man niyaloj ta. Xa kan achi'el ok jun muj ri xa niq'ax chi'anin.

Wuj Richin ri Molojri'il 6:12

Roma ¿kan k'o ta kami jun ri etamayon achike nik'atzin chire ri wineq chupan ri ruk'aslen ri xa kan chi'anin niq'ax-el, ri kan niq'ax-el achi'el jun muj? Y ¿k'o ta kami jun ri nik'utu chuwech ri wineq ri achike xtibanatej chuwech ri ruwach'ulew toq rija' xa maneq chik?

Wuj Richin Bix Chire ri Dios 144:4

Ri wineq xa kan chi'anin niq'ax-el, achi'el ri kaq'iq'. Ri q'ij richin ri ruk'aslen xa achi'el ok ri muj ri xa chi'anin niq'ax.

Ex 10:13

Y keri' ri Moisés xutzeqej ri ruch'ame'y pa ruwi' ri Egipto, y ri Jehová xuben chi xpe jun nimalej kaq'iq' pa relebel-q'ij chire ri ruwach'ulew. Ri kaq'iq' ri' xuben jun q'ij y jun aq'a' y ri nimaq'a' ruka'n q'ij, ri kaq'iq' e ruk'amon k'a pe ri sak'.

Wuj Richin Bix Chire ri Dios 102:12

Jak'a rat Jehová kan jantape' k'a atk'o tibe-q'ij tibe-seq. Ri utzilej atzijol kan jantape' k'a xtinatex koma ri chi wiq chi tanaj winaqi'.