Wuj Richin Bix Chire ri Dios 109:2 - Kaqchiquel Bible

² roma ri winaqi' ri xaxe q'oloj nikiben kan janila pa kichi' chuwij. Kan janila k'a tzij xkitz'uk chuwij.

Wuj Richin Bix Chire ri Dios 109:2 ပူးပေါင်းရင်းမြစ်များ

Wuj Richin ri Rutikeribel 40:15

Yin xa in jun hebreo, y xa in eleq'an-pe chupan ri nutinamit, y man jun achike roma ink'o wawe', roma xa man jun numak nubanon, xcha'.

2 Sam 17:1

K'ari' ri Ahitófel xubij chire ri Absalón: Taya' q'ij chuwe richin yencha-el e 12,000 achi'a' y xtintzeqelibej ri David chupan re aq'a' re'.

Wuj Richin Bix Chire ri Dios 140:3

Ri kaq' kan achi'el k'a ri raq' ri kumetz. Kan achi'el k'a ri ya' kamisanel richin ri kumetz, keri' rubanon ri pa kichi'.

Wuj Richin Bix Chire ri Dios 31:13

Kan yentz'et k'a ri winaqi' yech'owiyaj pa taq kixikin y yexebexot chuwij. Nikimol k'a ki' richin nikajo' yinkikamisaj.

Wuj Richin Bix Chire ri Dios 31:18

Kan ketane' k'a qa ri e tz'ukuy taq tzij, roma rije' yech'on rik'in janila nimirisanen, y kan janila k'a itzel yech'on chirij ri choj ruk'aslen.

Wuj Richin Bix Chire ri Dios 52:4

Xa ja ri itzel taq ch'abel ri niqa' chawech, ri awaq' xa kan q'olonel.

Wuj Richin Etamabel-Tzij 12:19

Ri ch'abel ri yerubij jun wineq ri xaxe ri qitzij ri nubij, kan yeyaloj k'a; jak'a ri ch'abel ri yerubij jun wineq ri xa tz'ukuy-tzij, xaxe ok richin jun ti ramaj.

Wuj Richin Etamabel-Tzij 15:28

Ri ránima ri wineq ri choj ruk'aslen, kan nuch'ob na jebel ri nubij chire ri nik'uluben richin; jak'a ri pa ruchi' ri wineq itzel, kan yecholol ye'el-pe ri itzel taq ch'abel.

Wuj Richin Etamabel-Tzij 6:17

Y jare' k'a ri wuqu' banobel ri más nretzelaj rija': Ri nimirisanen; ri tz'ukuj-tzij; ri banoj kamik;

Wuj Richin ri Jeremías 9:3

Y ri Jehová nubij: Xa kan beneq ruwech ye'el-pe tz'ukun taq tzij pa kichi' chikij ch'aqa' chik winaqi' achi'el toq yek'aq k'iy ch'ab. Chupan ri ruwach'ulew ri' más tz'ukun taq tzij ri yeban ke chuwech ri qitzij. Pa ruk'exel utz nikiben xa ja ri etzelal ri más nikiben. Kan man nikajo' ta nikibij chi ja yin ri in ki-Dios.

Wuj Richin ri Jeremías 9:5

Chikijujunal nikiq'ol-qa-ki' y man jun nibin ri qitzij. Xa kan ruk'ulun chik chike richin xaxe tz'ukun-tzij ri nikiben. Kan janila k'iy mul yemakun chupan ri q'ij y re' kan ruk'amon-pe kosik chike rije'.

Hechos 6:13

Xekik'uaj k'a achi'a' richin chi nikitz'uk-tzij chirij ri Esteban. Ri achi'a' ri' nikibij k'a: Re jun achin re' man nitane' ta k'a richin nubij itzel chirij re rachoch ri Dios y chirij ri pixa' richin ri Moisés.