Wuj Richin Bix Chire ri Dios 109:18 - Kaqchiquel Bible

¹⁸ Achi'el ri winaqi' jantape' kikusan kitziaq, keri' nuben rija' jantape' nroyoj etzelal pa kiwi' ri winaqi'. Kan ta k'a xtubeq' ri etzelal achi'el nuqum ruya'. kan ta k'a ri etzelal ri' xtapon chupan ri rubaqil, achi'el ri aceite.

Wuj Richin Bix Chire ri Dios 109:18 ပူးပေါင်းရင်းမြစ်များ

Wuj Richin Bix Chire ri Dios 73:6

Roma ri' ri nimirisanen ri k'o kik'in, kan achi'el jun wiqobel kibanon chire, ri kamik ri nikiben, kan yekikot rik'in.

Colosenses 3:12

Ri Dios yalan yojrajo', xojrucha' y xuben chiqe chi xojok loq'olej. Roma ri' nik'atzin chi beneq ruwech tik'oje' ri joyowanik qik'in, utz qana'oj tiqabana', man ta niqanimirisaj-qi', oj ch'uch'uj ta y yojkoch'on ta.

1 Pedro 5:5

Y rix ri k'a ix ak'uala' na, tinimaj k'a kitzij ri e uk'uayon iwichin. Y kan chi'iwonojel tinimala' tzij chiwech. Man tinimirisaj-iwi', roma chupan ri ruch'abel ri Dios ri tz'iban kan, nubij:*f8* Ri Dios man yeqa ta chuwech ri nikinimirisaj-ki'. Jak'a ri nikiqasaj-ki', rija' nuya' ri rutzil pa kiwi', nicha'.

Colosenses 3:8

Jak'a re wakami xkanej yan kan ronojel. Man k'a ketike' oyowal pa taq iwánima, man tibuqu iwik'in roma iwoyowal, man ke'ibanala' ri man ruk'amon ta, man tiyoq' rubi' ri Dios, y man tibij itzel taq tzij.

Hechos 1:25

richin nok kan jun taqon roma ri Cristo pa ruk'exel ri Judas, richin nipa'e' chuwech ri samaj. Roma ri Judas xa xuya' kan ri samaj, roma ri itzel xerubanala'. Y wakami rija' xapon yan akuchi ruk'amon chi napon-wi, xecha'.

Hechos 1:18

Rik'in ri méro ri xuk'ul toq xujech ri Jesús, rik'in ri' xuloq' jun ulew y chiri' xtzaq-wi; rija' xkubuku' ri rupan y xel ronojel ri rixkolob.

San Mateo 26:24

Kan qitzij wi chi yin, ri xiqaqa-pe achi'el wineq chi'ikojol, kan xkibe-wi k'a pa kamik. Kan xtibanatej achi'el ri tz'ibatel kan. Jak'a toq'ex k'a ruwech ri xtijacho-el wichin yin; utz ta chi man ta xalex, xcha' ri Jesús.

Wuj Richin ri Achin Job 29:14

Ri chojmilal k'a ri e nubanon ri pa nuk'aslen, kan yiruwiq k'a achi'el ri nutziaq. Y ri nubanobal e choj, kan yinkikuch k'a, achi'el nuben ri tzieq ri ninkusaj chuwij y ri pa nujolon.

Wuj Richin ri Q'axanri'il 5:27

Wi re ixoq re' man ch'ajch'oj ta ruk'aslen roma ruk'amon ruwech jun chik achin y xa xuq'ol ri rachijil, re k'ayilej-ya' nuben chire chi nuk'en-pe ri q'axo'n chire; xtisipoj y kan xtiq'ey ri rupan. Keri' xtiq'alajin chikiwech ri winaqi' chi rija' xqaqa etzelanik pa ruwi'.

Wuj Richin Bix Chire ri Dios 109:19

Ri mak jari' ta ri xtikuchu rij achi'el xa ta rutziaq. Chuqa' jari' ta ri xtijitz'on richin, achi'el xa ta ri ximibel rupan.