Wuj Richin Bix Chire ri Dios 109:17 - Kaqchiquel Bible

¹⁷ Rija' ja ri etzelanik ri xqa' chuwech y jari' ri xqaqa pa ruwi'. Man xqa' ta chuwech ri urtisanik, roma ri' kan man xqaqa ta urtisanik pa ruwi' rija'.

Wuj Richin Bix Chire ri Dios 109:17 ပူးပေါင်းရင်းမြစ်များ

San Mateo 7:2

Kan achi'el wi k'a rubanik ri niben rix chike ri winaqi', keri' chuqa' xtiban chiwe rix. Janipe' chi ch'owen ri xtiben chikij, ja chuqa' ri' ri xtiban chiwij rix.

Wuj Richin Etamabel-Tzij 14:14

Ronojel k'a ri nutik-qa ri wineq kan xtuwachij-wi; kan xtuwachij k'a stape' ja ri utz o ri man utz ta.

Ez 35:6

Jak'a yin Jehová, kan ninya' nutzij chi kan xkixinjech pa ruq'a' ri kamik y ri kamik kan xkixrutzeqelibej. Roma rix kan xe'iwetzelaj ri iwach'alal, ri kamik kan xkixrutzeqelibej.

Apocalipsis 16:6

Roma kan naya' rutojbalil chike ri xekamisan kichin ri awalk'ual y ri e asamajela' ri xeq'alajirisan ri ach'abel. Y kan utz rubanik naben chike chi tikiqumu' kik', roma jari' ri ruk'amon chi nikik'ul, xcha'.

2 Crón 18:21

Y ri espíritu ri' xubij chi rija' xtibe y xtok jun espíritu richin tz'ukuj-tzij, y xtuben chike ri achi'a' ri e q'alajirisanela' richin xtikitz'uk-tzij. Y k'ari' ri Jehová xubij chire chi tibe y tiberubana' roma kan nitikir nuben chire ri Acab chi nibe y niken kan.

Wuj Richin ri K'uxla'anik 3:65

Takowirisaj k'a ri kánima, Taya' q'ij chi niqaqa ri etzelanik pa kiwi'.