Wuj Richin Bix Chire ri Dios 109:16 - Kaqchiquel Bible

¹⁶ Roma re wineq re' kan man xoqaqa ta chuk'u'x richin xuben ta juba' utzil. Xa xerutzeqelibej winaqi' ri e poqonatajineq, k'o nik'atzin chike y niq'axon ri kánima, xerutzeqelibej richin xerukamisaj.

Wuj Richin Bix Chire ri Dios 109:16 ပူးပေါင်းရင်းမြစ်များ

Wuj Richin Bix Chire ri Dios 34:18

Ri Jehová kan naqaj k'o chike ri niq'axon kánima richin nrelesaj ri q'axo'n ri'. Chuqa' kan yeruto' ri man jun chik oyobenri'il k'o kik'in.

Santiago 2:13

Roma wi man xtijoyowaj ta kiwech ri ch'aqa' chik winaqi', ri Dios man xtujoyowaj ta chuqa' iwech rix chupan ri q'ij toq xtuq'et-tzij. Jak'a wi xtijoyowaj kiwech ri ch'aqa' chik, xkixch'akon, roma ri Dios chuqa' xtujoyowaj iwech rix chupan ri q'ij ri'.

Wuj Richin Bix Chire ri Dios 37:14

Ri e banoy etzelal kan nikelesaj k'a ri ki-espada y nikichojmirisaj ri rute-ch'ab richin yek'aqon, richin chi yekitzeq ri ek'o pa meba'il y ri man jun k'o kik'in, y richin yekikamisaj ri choj kik'aslen.

San Mateo 5:7

Jebel ruwa-kiq'ij ri kan nikijoyowaj kiwech ch'aqa' chik, roma rije' kan xtijoyowex chuqa' kiwech.

Wuj Richin Bix Chire ri Dios 37:32

Ri banoy etzelal kan chaq nuq'elebej ri choj ruk'aslen, y nukanoj rubanik richin nukamisaj.

Wuj Richin Bix Chire ri Dios 10:14

Rat kan atzuliben ri tijoj-poqonal ri nikik'owisaj ri winaqi', kan ach'obon chik richin xke'ato'. Ri man jun nito'on kichin, kan awik'in rat kikuquban-wi kik'u'x; rat kan at to'onel kichin ri meba'i'.

Wuj Richin Bix Chire ri Dios 10:2

Ri banoy etzelal rik'in nimirisanen rutzeqeliben ri k'o pa meba'il. Ri pikbel ri rubanon xa ja rija' ri xtitzaq chupan.

Wuj Richin ri Rutikeribel 42:21

Y rije' xkibila' k'a qa chikiwech: Kan qitzij na wi janila oj itzel xqaben rik'in ri qachaq' José. Man xqanimaj ta rutzij toq rija' xuk'utuj utzil chiqe richin tiqajoyowaj ruwech, y kan xqatz'et chi janila nibison ri ránima, y roma ri' xoqaqa pa qawi' re jun bis re', xecha' rije'.