Wuj Richin Bix Chire ri Dios 109:12 - Kaqchiquel Bible

¹² Man jun ta k'a xtijoyowan ruwech. Y toq rija' xtiken, man jun ta k'a xtijoyowan kiwech ri ralk'ual.

Wuj Richin Bix Chire ri Dios 109:12 ပူးပေါင်းရင်းမြစ်များ

Santiago 2:13

Roma wi man xtijoyowaj ta kiwech ri ch'aqa' chik winaqi', ri Dios man xtujoyowaj ta chuqa' iwech rix chupan ri q'ij toq xtuq'et-tzij. Jak'a wi xtijoyowaj kiwech ri ch'aqa' chik, xkixch'akon, roma ri Dios chuqa' xtujoyowaj iwech rix chupan ri q'ij ri'.

San Lucas 6:38

Wi rix rik'in ronojel iwánima ye'ito' ri winaqi' rik'in ri nik'atzin, ri Dios xtuya' chuqa' ri rajel-ruk'exel chiwe, achi'el toq nanojisaj jun chakech rik'in ixin. Kan nasiloj jebel richin k'iy nibe chupan. K'ari' jebel napitz'-qa, y napulisaj. Kan achi'el ri niben rix kik'in ri winaqi', kan keri' chuqa' xtuben ri Dios iwik'in rix.

San Mateo 27:25

K'ari' konojel ri winaqi' nikibij: Xa pa qawi' k'a roj y pa kiwi' ri e qami'al-qak'ajol, xtiqaqa-wi ri rukamik, yecha'.

Wuj Richin ri Isaías 27:11

Y toq ri ruq'a' ri che' ri' xtiq'aj-el roma nichaqi'j-qa, k'ari' xkepe ri ixoqi' richin nikisik'-el, y nikibox kiq'aq' rik'in. Xtibanatej ronojel re' roma ri qawinaq maneq kinojibal. Roma ri' ri Dios ri xbanon qichin man xtujoyowaj ta kiwech, ni man jun utzil xtuben chike.

Wuj Richin ri Isaías 13:18

Jak'a ri nikajo' rije', ja ri yekikamisaj ri alaboni' rik'in ri kich'ab. Kan man xtikijoyowaj ta kiwech ri k'a juba' ke'alex, y man xtikipoqonaj ta kiwech ri ak'uala' toq xkekikamisaj.

Wuj Richin ri Isaías 9:17

Xa roma ri' ri Jehová kan man xtujoyowaj ta kiwech; ri alaboni', ri meba'i' y ri malkani'. Roma konojel rije' xa xkimalij kan ri Dios, y kan janila e itzel. Konojel xaxe yoq'onik ri k'o pa kichi'. Y man rik'in ri' man ik'owineq ta qa ri royowal ri Jehová. Xa kan k'a ruya'on na q'ij richin yek'is konojel.

Wuj Richin ri Achin Job 5:4

Roma ri' ri ralk'ual kan man jun xtito'on kichin; kan xkeya'ox k'a pa tijoj-poqonal ri chiri' chuchi' ri tinamit, y kan man jun k'a xtikolon kichin.