Wuj Richin Bix Chire ri Dios 109:10 - Kaqchiquel Bible

¹⁰ Ri ralk'ual xaxe ta k'a xkebiyajilan chuk'utuxik ri nik'atzin chike. Stape' yek'oje' pa jun jay wuluwik, kan xke'elesex ta k'a el chiri'.

Wuj Richin Bix Chire ri Dios 109:10 ပူးပေါင်းရင်းမြစ်များ

Wuj Richin Bix Chire ri Dios 37:25

Yin wakami xirijix yan, y chupan chijun ri nuk'aslen, man jun bey nutz'eton chi ri wineq choj ruk'aslen malin ta kan roma ri Dios, ni man jun bey nutz'eton chi ri ralk'ual, ye'ok ta molonel.

Wuj Richin ri Isaías 16:2

Ri ixoqi' aj-Moab xa ye'animej; Kitalun-el-ki' chupan ri raqen-ya' Arnón, achi'el niban chike ri aj-xik' taq chikopi' toq ye'elesex-el pa kisokaj.

Wuj Richin Bix Chire ri Dios 59:15

Kebiyajlan k'a chukanoxik ri k'o chi nikitej, y wi man jun nikil richin yech'uch'u' ta juba', kan tikiq'axaj k'a ri aq'a' rik'in jiloj.

2 Rey 5:27

Roma kere' xaben, ri ruyabil ri Naamán xtiq'ax chawij rat y chikij ri awijatzul richin q'asen, xcha' ri Eliseo. Keri' ri Guehazí xel-el chiri' rik'in ri Eliseo, y kan nojineq ri ruch'akul rik'in ri yabil, y kan seq-seq rubanon achi'el ri chuma-tew.

2 Sam 3:29

Y xubij chuqa': Ri Joab y ri e aj pa rachoch kan xtikejqalej k'a re mak re'. Kan jantape' ta k'a xtikiq'axaj yabil, sokotajik ri jantape' xtipujan, ruyabilal ri ch'akulaj, q'ajtajik, kamik rik'in espada o wayjal, xcha'.

Wuj Richin ri Achin Job 5:4

Roma ri' ri ralk'ual kan man jun xtito'on kichin; kan xkeya'ox k'a pa tijoj-poqonal ri chiri' chuchi' ri tinamit, y kan man jun k'a xtikolon kichin.

Wuj Richin ri Achin Job 27:14

Y stape' kan e janila e k'iy kalk'ual xkek'oje', xa pa labal xkebeken-wi kan, y ri más kokoj xa xkeken roma wayjal.