Wuj Richin Bix Chire ri Dios 107:7 - Kaqchiquel Bible

⁷ Xeruyuqej k'a chupan jun ch'ajch'oj bey, richin chi xe'apon pa jun tinamit akuchi utz yek'oje-wi.

Wuj Richin Bix Chire ri Dios 107:7 ပူးပေါင်းရင်းမြစ်များ

Wuj Richin ri Jeremías 31:9

Xkepe rik'in oq'ej y nikik'utuj utzil chuwe. Y yin xkenk'uaj chunaqaj ch'uti'n raqen taq ya', pa jun bey ri kan choj nibe, ri akuchi ri kan man xtikipajk'ij ta kaqen. Roma yin kan in jun tata'aj richin ri tinamit Israel y ri Efraín ri nabey nuk'ajol.

Hebreos 12:22

Jak'a roj ri qaniman chik ri Jesucristo, chuxe' ri juyu' Sión oj apowineq-wi-apo; ojk'o chik naqaj chire ri tinamit richin ri k'aslik Dios, ri nibix Jerusalem aj-chikajil chire, akuchi ek'o-wi e k'iy ángel ri kan man e ajlatel ta.

Wuj Richin Bix Chire ri Dios 77:20

Xe'ayuqej k'a ri qawinaq achi'el jun q'ataj karne'l, ja ri Moisés y ri Aarón xe'akusaj richin xeyuqen kichin.

2 Pedro 2:15

Y kiya'on chik k'a kan rubanik ri k'aslen choj. Kan e sachineq-wi kan. Y kan kik'uan k'a ri k'aslen achi'el ri xuk'uaj ri Balaam, ruk'ajol ri Beor. Rija' kan janila xurayij ri méro, stape' richin itzel ch'akoj beneq-wi.

Hebreos 11:16

Jak'a koyoben jun ruwach'ulew ri más utz, ri' ja ri chila' chikaj, y roma ri' ri Dios man nik'ix ta nubij chi ja rija' ri ki-Dios; y kan runaban chik ri kitinamit.

Wuj Richin ri Isaías 30:21

Y wi xtichop xtich'er kan iwi' rik'in, jari' toq xtiwak'axaj chi xtuk'ut ri rubey chiwech.

Wuj Richin Bix Chire ri Dios 107:36

Chiri' k'a xeruya-wi ri winaqi' ri yewayjan. Y rije' kan nikipaba' k'a q'anej tinamit richin yek'ase' chupan.

Wuj Richin Bix Chire ri Dios 107:4

Pa rutikeribel jujun chike rije' kan e sachineq k'a pa tz'iran ruwach'ulew. Kan man nikil ta k'a kibey y kiyon rije' xek'oje' chiri'. Kan man jun k'a tinamit nikil chiri' richin ta xek'ase' chupan.

Wuj Richin Bix Chire ri Dios 78:52

K'ari' xerelesaj-pe ri qawinaq chikikojol ri aj-Egipto; Xeruyuqej-pe pa tz'iran ruwach'ulew achi'el jun q'ataj karne'l.

Wuj Richin ri Nehemías 11:3

Jujun chike ri e sacerdote, ri e levita, ri yesamej pa rachoch ri Dios, ri kijatzul ri e rusamajela' kan ri Salomón y ch'aqa' chik qawinaq xebek'oje' k'a pa taq kokoj tinamit. Jak'a ri aj-raqen pa kiwi' konojel winaqi' y chuqa' ri winaqi' benjamita xek'ase' pa Jerusalem. Ri rubi' ri jun chike ri aj-raqen ja ri Ataías ri ruk'ajol kan ri Ozías, ri Ozías ruk'ajol kan ri Zacarías, ri Zacarías ruk'ajol kan ri Amarías, ri Amarías ruk'ajol kan ri Sefatías, ri Sefatías ruk'ajol ri Mahalalel, ri Mahalalel rijatzul kan ri Fares.

2 Pedro 2:21

Roma xa más ta utz chi man ta jun bey xketamaj rubanik jun k'aslen choj chuwech ri Dios ke chuwech xketamaj y xa xkimalij chik kan.

Wuj Richin ri Jeremías 31:24

Ri winaqi' xkek'oje' k'a pa taq kitinamit chupan ri ruwach'ulew Judá. Jujun chike rije' xtikiben-qa kitiko'n y jujun chik xke'ok yuq'unela' kichin tzobaj taq awej.

Wuj Richin ri Jeremías 6:16

Yin Jehová ninbij chiwe: Kixpa'e' pa taq bey; titz'eta' y tik'utuj ri akuchi ek'o-wi ri utzilej taq bey richin ojer richin xtiwil uxlanibel-k'u'x. Jak'a rix xa xibij chi ni, roma rix man niwajo' ta nitzeqelibej ri bey ri'.

Wuj Richin ri Isaías 48:17

Ri Jehová nubij: Ja yin ri in ikolonel rix, y kan xaxe yin ri in i-Dios. Ja yin Jehová ri nink'ut chiwech ri más jebel chiwe rix, y yin yik'utu chiwech ri utzilej bey, ri akuchi ruk'amon richin yixbe.

Wuj Richin Bix Chire ri Dios 136:16

Kan xeruyuq'uj k'a ri qati't-qamama' chupan ri tz'iran ruwach'ulew: Roma ri rujoyowanik rija' kan richin jantape'.

Wuj Richin ri Q'axanri'il 9:22

Wi ri sutz' nipa'e' pa ruwi' ri rachoch ri Dios jun ka'i' q'ij, o jun ik', o jun juna'; rokik pa'el chiri', ri winaqi' israelita yek'oje' chiri' y man yesilon ta el. Jak'a toq ri sutz' niyakatej-el, rije' chuqa' ye'el-el chiri' y yebe.

Wuj Richin ri Isaías 32:18

Y ri winaqi' ri e richin ri Dios kan xkek'oje' chupan jay akuchi k'o uxlanibel-k'u'x, ri kan man jun xtinaqo kichin, y xketikir xke'uxlan rik'in ch'uch'ujil.