Wuj Richin Bix Chire ri Dios 107:34 - Kaqchiquel Bible

³⁴ Ri qasanbel taq ulew kan nuben chire chi man yewachin ta chik. Kere' nuben chire roma ri kimak ri winaqi' ri ek'o chuwech.

Wuj Richin Bix Chire ri Dios 107:34 ပူးပေါင်းရင်းမြစ်များ

Wuj Richin ri Rutikeribel 14:3

Re wo'o' rey re' y ri aj-labal xa xkitun-ki', y xkimol-ki' chupan ri ruwa-taq'aj richin Sidim y chiri' k'o-wi ri Tzayi-Choy re wakami.

Wuj Richin ri Rutikeribel 13:10

Y ri Lot xutz'et-apo ri ruwa-taq'aj richin ri ruchi' ri raqen-ya' Jordán ri napon k'a rik'in ri tinamit Sóar y kan jebel ya' k'o chupan, y re ya' re' kan achi'el ruya'an ri ulew, achi'el ri qejoj ri kan nik'ases, y jebel chuqa' achi'el ri ruwach'ulew Egipto, y chuqa' achi'el ri tinamit Sodoma y ri Gomorra toq ri Jehová man jani keruk'is rik'in q'aq'.

Ez 47:11

Jak'a akuchi ri niq'ate-wi rubey ri ya' y ri ch'abeq xa kan jantape' tzey, richin chi chiri' nel-wi-pe ri atz'an.

Wuj Richin ri Rutikeribel 13:13

Y ri winaqi' ri ek'o chiri' pa Sodoma janila ketzelal y e aj-maki' chuwech ri Jehová.

Wuj Richin ri Rutikeribel 4:12

Roma wi xtasamajij chik ri ulew, xa kan man xtik'ase' ta chik ri atiko'n y kan xaxe k'a xkabe-kela' xkabe-kela' xtaben pa ruwi' re ruwach'ulew y kan man jun k'a akuchi xkak'oje-wi-qa, xcha'.

Wuj Richin Bix Chire ri Dios 68:7

Nimalej Dios, toq rat xatik'o-pe chuwech ri atinamit, toq xaq'axaj ri tz'iran ruwach'ulew,

Wuj Richin ri Jeremías 5:25

Ja ri imak rix, ri xbanon chi xjalatej ronojel re' y ja ri imak ri xq'aton richin niqaqa ri utz pan iwi'.

Wuj Richin ri Jeremías 12:4

¿K'a janipe' k'a xtibanatej?, roma ri ruwach'ulew janila chaqi'j y ri ichaj ri ek'o pa taq juyu' xemayamo-qa. Roma ri itzel taq kibanobal ri winaqi' ri', ri chikopi' y ri aj-xik' taq chikopi' kan yekamiyaj k'a. Pa ruwi' ri', ri winaqi' ri' kan nikich'ob chi rat man ye'atz'et ta pe rik'in ri itzel taq kibanobal, xicha' chire rija'.

Ez 12:19

Y tabij chike ri awinaq wawe' pa Babilonia chi kere' ninbij yin Jehová pa kiwi' ri aj-Jerusalem y ri aj-Judá. Toq rije' nibekitija' ri kiway, xtikiben rik'in janila xibinri'il y kan yek'ark'ot k'a. Y toq xkebe'uk'ya' kan xtikina' janila bis. Ri ruwach'ulew kan xtibewulatej y xtibetole' kan, roma ri itzel taq kibanobal ri winaqi' ri'.