Wuj Richin Bix Chire ri Dios 106:7 - Kaqchiquel Bible

⁷ Ri qati't-qamama' toq k'a ek'o na pan Egipto, kan man xq'ax ta chikiwech ri meyel taq abanobal rat Jehová, kan man xoqaqa ta chikik'u'x ri janila chi joyowanik ri xaya' pa kiwi'. Y xa kan xkipaba' k'a ki' chawech chiri' chuchi' ri Kaqa-Palou.

Wuj Richin Bix Chire ri Dios 106:7 ပူးပေါင်းရင်းမြစ်များ

Wuj Richin Bix Chire ri Dios 78:42

Man xoqaqa ta k'a chikik'u'x ri ruq'a' ri ruya'on pa kiwi', ri q'ij toq xerukol-pe chupan ri ximonri'il.

Wuj Richin Bix Chire ri Dios 78:11

Xa kan xkimestaj k'a ronojel ri xuben kik'in. Xkimestaj ri meyel taq banobel ri xuk'ut chikiwech.

Efesios 2:11

Toqaqa chi'ik'u'x rix ri man ix judío ta, ri xixetzelex koma ri winaqi' ri kik'uan ri etal chire ri kich'akul,*f1* roma rix maneq ri etal ri' chire ri ich'akul.

Marcos 4:12

Xa roma ri' toq yin yenkusaj k'ambel taq tzij richin yich'on kik'in. Roma xa kan man niq'ax ta chikiwech, stape' kan nikitzu' y nikak'axaj. Jak'a man niq'ax ta chuqa' chikiwech richin keri' man nitzolej ta pe kik'u'x y man nikuyutej ta kimak roma ri Dios.

Wuj Richin ri K'uxla'anik 3:32

Stape' xuben chiqe chi xqaq'axaj tijoj-poqonal, xa kan nujoyowaj chik k'a qawech, roma ri rajowabal man jun bey xtik'is.

Wuj Richin ri Isaías 63:7

Yin kan ninwajo' yich'on pa ruwi' ri rajowabal ri Dios, y kan ninbixaj bix richin ninya' ruq'ij roma ri xuben pa qawi'. Roma ri nimalej rajowabal pa ruwi' ri tinamit Israel, kan xuk'ut chi kan xojrupoqonaj y kan janila k'iy ri xuben pa qawi'.

Wuj Richin ri Isaías 44:18

Ri wineq ri nibanon keri', man nowineq ta richin nretamaj achike ri nuben. Kan e tz'apel ri runaq' taq ruwech y ri runojibal chire ri qitzij.

Wuj Richin Etamabel-Tzij 1:22

Rix ri kan man k'iy ta ok iwetaman, ¿kan jantape' k'a xtiqa' chiwech chi man k'iy ta iwetaman? Rix ri xa maneq ik'ix, ¿kan jantape' k'a xtiqa' chiwech ri xa k'ixbel chikiwech ri winaqi'? Rix ri nik'atzin chi k'o ta iwetamabal, ¿kan jantape' k'a xtiwetzelaj ri etamabel?

Wuj Richin Bix Chire ri Dios 106:45

Kan xuch'ob pa ruwi' ri jikibel-tzij ri rubanon kik'in. Y roma ri janila chi rajowabal kan ja ri utz ri xuben kik'in.

Wuj Richin Bix Chire ri Dios 105:5

Toqaqa chiqak'u'x ri meyel taq banobel ri rubanon rija'. Toqaqa chiqak'u'x ri pixa' ri eleneq pa ruchi'.

Wuj Richin Bix Chire ri Dios 51:1

Nu-Dios yin, tabana' utzil tajoyowaj nuwech roma ri awajowabal ri man k'isel ta. Roma ri awutzil tayojo' ronojel ri numak.

Wuj Richin Bix Chire ri Dios 5:7

Jak'a yin, roma ri nimalej awutzil ri aya'on pa nuwi' xkinok chupan ri awachoch. Chiri' xtinya' k'a aq'ij achi'el ri ruk'amon chawe rat.

Deut 29:4

Stape' rik'in ronojel re xitz'et, rix kan man niq'ax ta chiwech.

Deut 15:15

Man timestaj chi roj chuqa' xojxime' pa samaj chiri' pan Egipto, y ri Jehová ri qa-Dios xojrelesaj-pe chiri'. Roma ri' wakami ninbij re jun ruchojmilal re' chiwe.

Wuj Richin ri Isaías 42:20

Rix kan itz'eton janila chi banobel, jak'a xa man nich'ob ta rij jebel. Kan ijaqon jebel ri ixikin, jak'a xa man jun niwak'axaj.