Wuj Richin Bix Chire ri Dios 106:5 - Kaqchiquel Bible

⁵ richin kan xtintz'et k'a ri utzilej k'aslen kik'in ri ch'aqa' chik ri e acha'on; y richin yikikot kik'in ri kan e awichin rat.

Wuj Richin Bix Chire ri Dios 106:5 ပူးပေါင်းရင်းမြစ်များ

Wuj Richin Bix Chire ri Dios 105:43

Xrelesaj k'a pe ri rutinamit rik'in kikoten. Y rik'in k'a raqoj-chi'ij richin kikoten xe'el-pe chiri' ri e rucha'on rija'.

Efesios 1:18

Chuqa' nink'utuj chi tusaqirisaj más ri inojibal, richin chi niq'ax ta chiwech ri utzil ri qoyoben, ri achike roma toq xojroyoj ri Dios. Y chuqa' richin niq'ax ta chiwech ri rejqalen ri k'o chi niqichinaj roj ri oj richin chik rija'.

San Juan 15:16

Ri xcha'on iwichin rix, ja yin, y xa man ja ta rix ri xixcha'on wichin yin. Y yin xixincha' richin chi niwachin jebel ri ik'aslen. Y re' kan richin ta k'a jantape' richin keri' ri achike k'a ri xtik'utuj chire ri nata' pa nubi' yin, rija' kan xtuya-pe chiwe.

Wuj Richin ri Zacarías 9:9

Kan kixkikot k'a janila rix aj-Sión. Kan kixbixan k'a rik'in kikoten rix aj-Jerusalem, roma ri i-rey xa kan xtipe k'a iwik'in. Rija' jun choj laj achin y kan ch'akonel-wi. Kan jun achin ri kan yalan ch'uch'uj. Rija' ch'okol-pe chirij jun alaj bur.

Wuj Richin ri Sofonías 3:14

Chupan ri q'ij ri' rix kan kere' k'a xtibij toq xkixbixan: Rix winaqi' richin ri tinamit Sión kan kixbixan k'a, kan kixsik'in k'a roma kikoten rix tinamit Israel. Kan kixkikot y kixnimaq'ijun rix aj-Jerusalem. Kan kixkikot k'a rik'in ronojel iwánima.

Wuj Richin ri Isaías 66:10

Roma ri' kixkikot k'a rik'in ri tinamit Jerusalem, janipe' chiwe rix yixajowan yixkikot rik'in. Kan kixnimaq'ijun k'a rix iwonojel ri ixk'o pa bis roma rija'.

Wuj Richin ri Isaías 12:6

Kan qojsik'in rik'in kikoten. Kan qojbixan qonojel roj winaqi' aj-Sión, roma ri qa-Dios kan nim chiqakojol.

Wuj Richin Bix Chire ri Dios 105:6

Tibana' keri' rix ri ix rijatzul kan ri Abraham ri rusamajel, rix ri ix ralk'ual kan ri Jacob, y kan ix rucha'on.

Wuj Richin Bix Chire ri Dios 1:3

Re wineq re' kan achi'el k'a jun che' ri tikil chuchi' jun raqen-ya', ri kan nuya' ruwech toq napon ri ruq'ijul y ri ruxaq kan man yetzaq ta el. Ronojel ri nuben kan utz k'a nel chuwech.

Apocalipsis 17:14

Rije' kan xtikiben k'a oyowal rik'in ri Karne'l. Jak'a ri Karne'l kan k'o pa kiwi' konojel rey y ajaw richin ronojel ajawaren. Y roma ri' ri xkeyakatej chirij, xa xkech'akatej roma rija', y ri e peteneq rik'in, kan e cha'on y kuqul-kik'u'x rik'in ri Dios, xcha' ri ángel.

2 Tesalonicenses 2:13

Jak'a roj beneq ruwech k'o chi yojmatioxin chire ri Dios iwoma rix qach'alal, ri janila yixajowex roma ri ajaw, roma kan pa rutikeribel-pe jari' toq xixrucha' yan richin yixkolotej chupan ri imak. Y xixkolotej roma xikuquba' ik'u'x rik'in ri qitzij, y roma ri rusamaj ri Loq'olej Espíritu.

Filipenses 3:3

Ja roj ri oj uk'uayon ri qitzij etal ri', y man ta rije'; roma roj kan niqaya' ruq'ij ri Dios rik'in ri Loq'olej Espíritu y yojkikot rik'in ri jun qabanon rik'in ri Cristo Jesús. Roj kan man niqakuquba' ta qa qak'u'x qik'in roj.

Efesios 1:4

Roma toq k'a man jani k'o ta re ruwach'ulew, jari' toq ri Dios xojrucha' yan richin xojok richin rija' roma ri xaxe jun xqaben rik'in ri Cristo. Richin chi xojok loq'olej y man ta jun mak k'o pa taq qak'aslen. Kan roma k'a ri ajowabel ri k'o rik'in ri Dios.

San Juan 16:22

Kan keri' k'a rix; wakami k'o bis ri pa taq iwánima, jak'a xa kan yipe chik iwik'in jun bey richin yixintz'et. Y jari' k'a toq xtitzolin chik pe ri kikoten ri pa taq iwánima, y ri' kan man jun chik xtitikir xtelesan iwik'in.

Joel 2:23

Roma ri' kixkikot chuqa' rix winaqi' aj-Sión; kan kixkikot y kan kixnimaq'ijun chuwech ri Jehová ri qa-Dios, roma kan pa ruq'ijul xuya-pe ri nabey taq job. Chuqa' rija' kan xtuya-pe ri job pa ruk'isibel. Rija' kan jantape' xtuya-pe ri job achi'el rubanon-pe.

Wuj Richin ri Isaías 45:25

Jak'a yin, Jehová, xtinben chi ri winaqi' israelita kan xkech'akon, y kan xtel utzilej kitzijol, ncha' ri Dios.

Wuj Richin ri Isaías 35:10

Ri xketzolin-pe, ja ri winaqi' ri xkerukol-pe ri Jehová. Y rije' rik'in bix xke'ok-apo chupan ri tinamit Sión. Jantape' xkek'oje' rik'in kikoten, y kan xtikil utz k'aslen. Y chuqa' kan xtik'is ri bis y ri oq'ej.

Wuj Richin Bix Chire ri Dios 118:15

Ri pa taq kachoch ri choj kik'aslen nak'axatej ch'abel richin kikoten y kolotajik. Y rije' nikibij: Ri Jehová kan nuben k'a meyel taq banobel.

Wuj Richin Bix Chire ri Dios 48:11

Kan yekikot k'a ri winaqi' aj-Sión; kan yetzopiyaj k'a roma kikoten ri kokoj taq rutinamit, roma ri ruchojmilal ri naben.

Wuj Richin Bix Chire ri Dios 14:7

K'ate' ta chiri' pa juyu' Sión xtipe-wi ri kolonel qichin roj. Toq ri Jehová xtuya' chik urtisanik pa qawi' roj ri oj israelita, jari' toq xqojkikot qonojel.

Deut 7:6

Roma rix kan ix jun tinamit ri kan ix ch'aron chire ri Jehová ri qa-Dios; rija' kan xixrucha' chikikojol chijun ri ruwach'ulew ri ek'o, richin keri' rix xkixok jun rutinamit ri kan k'o rejqalen chuwech rija'.

1 Pedro 2:9

Jak'a rix kan ix jun tinamit ri kan ix cha'on roma rija', roma ja rija' ri xelesan-pe iwichin chupan ri q'equ'm y xixruya' chupan ri saqil. Xuben chi xixok ru-sacerdote, jun loq'olej rutinamit y xixok ruwinaq richin chi nitzijoj ri meyel taq rubanobal.

Santiago 2:5

Wach'alal ri kan yixinwajo', tich'obo' k'a jebel re xtinbij chiwe. Ri Dios ja ri winaqi' ri man jun ok k'o kik'in chuwech re ruwach'ulew ri xerucha' richin yebeyomer rik'in ri kikuqubabel-k'u'x, y nikichinaj ri ajawaren ri rusujun chike ri ye'ajowan richin.

Hechos 9:15

Y ri ajaw xubij chire: Tabekanoj k'a ri Saulo, roma ja yin ri xicha'on richin, richin nibe chuq'alajirisaxik ri nubi' chikiwech ri winaqi' ri xa man e judío ta, chuwech ri ki-rey, y chuqa' ri winaqi' judío.

Deut 32:9

Roma ri Jehová ja ri qatinamit ri xucha', kan ja roj ri oj rijatzul kan ri Jacob ri xojrucha' rija'.

2 Sam 20:19

Re qatinamit roj kan achi'el jun te'ej ri nuya' pixabanik chike ri ral. Kan jun tinamit ch'uch'uj y kan nuben ri nubij. Jak'a rat xa natej aq'ij richin nak'is re jun te'ej tinamit. ¿Achike k'a roma nawajo' nak'is ri ruya'on ri Jehová chiqe?, xcha'.