Wuj Richin Bix Chire ri Dios 106:24 - Kaqchiquel Bible

²⁴ Stape' keri', ri winaqi' xa kan xketzelaj k'a ri ruwach'ulew ri kan rayixel. Man xkikuquba' ta kik'u'x rik'in ri ruch'abel rija'.

Wuj Richin Bix Chire ri Dios 106:24 ပူးပေါင်းရင်းမြစ်များ

Deut 1:32

Y man rik'in ri' man xikuquba' ta ik'u'x rik'in ri Jehová ri qa-Dios.

Ez 20:6

Ri q'ij ri' kan xinya' k'a ri nuq'a' pa kiwi' y xinya' nutzij chike chi yin yenwelesaj-pe chiri' y yenk'uaj chupan jun ruwach'ulew ri kan kichin rije' ri akuchi niwachin ronojel ruwech tiko'n, jun ruwach'ulew ri kan jebel chikiwech konojel.

Wuj Richin ri Q'axanri'il 14:31

Rix xibij chi ri iwalk'ual xke'uk'uex-el koma ri winaqi' ri e etzelanel iwichin. Jak'a yin man xtinya' ta q'ij chi keri' xtibanatej, roma ja yin xkiyuqen-el kichin, y xkenk'uaj chupan ri ruwach'ulew ri xiwixowaj rix.

Hebreos 4:6

Ri qati't-qamama' xkak'axaj ri utzilej ruch'abel ri Dios, jak'a man xkinimaj ta ri xkak'axaj, y roma ri' man xe'ok ta chupan ri uxlanen. Y roma ri' roj kan xya'ox q'ij chiqe chi yojtikir yojok chupan.

Judas 1:5

Y wakami ninwajo' k'a ninnataj chiwe ri xuben ri Dios ojer kan. Rix iwetaman chi ri Dios xerelesaj-pe ri qati't-qamama' chupan ri ruwach'ulew Egipto. Jak'a toq xekolotej yan pe, k'ari' xeruk'is ri man xkikuquba' ta kik'u'x rik'in.

Hebreos 12:16

Man jun tujech-ri' chupan ri itzel k'aslen y nuq'ej ruwi' ri ruch'abel ri Dios; achi'el xuben ri Esaú ri xa roma jun q'utun xuk'ayij ri kan k'o chi nuk'ul rija' roma nimalaxel,

Hebreos 4:2

Roma ri utzilej rutzijol ri ruch'abel ri Dios tzijon chiqe roj, kan achi'el xtzijox chike ri qati't-qamama' ri ojer kan. Jak'a rije' xa man xkikuquba' ta kik'u'x, y roma ri' man jun utz xuk'en-pe chike.

Hebreos 3:12

Wach'alal, tichajij ri ik'aslen chi'ijujunal, richin chi beneq ta ruwech kuqul ik'u'x rik'in ri Dios, y chi man ta k'o itzel ri pa taq iwánima, richin keri' man ta xtiya' kan ri k'aslik Dios.

San Mateo 22:5

Jak'a ri xe'oyox, man xeniman ta pe rik'in ri xbebix chik jun bey chike y xebe k'a pa taq kisamaj; ch'aqa' xebe pa juyu' y ek'o xa xebe pa taq kik'ayij.

Wuj Richin ri Jeremías 3:19

Xinben chiwe richin xixok achi'el walk'ual y xinya' jun ruwach'ulew chiwe ri kan janila rayixel, ri kan janila jebel ok chuwech chijun ruwach'ulew. Y yin xinch'ob chi rix nibij nata' chuwe y man jun bey chik xtijech'ej kan iwi' wik'in.

Deut 9:23

Y toq ojk'o pa Cadés-barnea, ri Jehová kere' xubij chike: Kixjote-el richin niwichinaj ri ruwach'ulew ri nuya'on chik chiwe, xcha'. Jak'a rije' man xeniman ta chire ri ruch'abel. Man xkikuquba' ta kik'u'x rik'in y kan man xkinimaj ta rutzij.

Wuj Richin ri Q'axanri'il 14:11

Ri Jehová xubij chire ri Moisés: ¿K'a jampe' k'a xketane' re winaqi' richin yinketzelaj? ¿K'a jampe' xtapon ri q'ij richin chi rije' nikikuquba' ta kik'u'x wik'in, stape' rije' kan kitz'eton ri meyel taq banobel ri nubanon chikiwech?

Wuj Richin ri Rutikeribel 25:34

Keri' k'a xuben ri Jacob, xuya' k'a kaxlan-wey y ri keq kineq' chire ri rubanon, y ri Esaú jebel xwa', xuk'ya' y xyakatej-el y xbe. Keri' k'a xuben ri Esaú, kan man jun rejqalen xuya' chire chi ja rija' ri nimalaxel.

Hebreos 4:14

Roj kan k'o k'a jun qanimalej sacerdote apowineq chila' chikaj ri kan xapon rik'in ri Dios, y ri' ja ri Jesús ri Ruk'ajol. Roma ri' man tiqaya' kan ruq'alajirisaxik chi qaniman.

Wuj Richin ri Q'axanri'il 13:32

Y rije' kan xkitaluj k'a rutzijol chikikojol ri winaqi' chirij ri xbekitz'eta' kan ri pa ruwach'ulew y xkibila' k'a chike: Ri ruwach'ulew ri xbeqanik'oj kan roj, jun ruwach'ulew ri akuchi xa kan xaxe qakamik xtibeqila'; y konojel ri winaqi' ri xeqatz'et kan chiri' kan janila nima'q kipalen.

Wuj Richin ri Q'axanri'il 14:2

Y konojel k'a xkichop yech'on chirij ri Moisés y chuqa' chirij ri Aarón y nikibila' k'a: Más ta utz xa ta xojken kan pan Egipto, o re wawe' pa tz'iran ruwach'ulew.

Wuj Richin ri Q'axanri'il 14:9

Ri nrajo' ja ri man kixyakatej chirij ri Jehová, chuqa' man tixibij-iwi' chikiwech ri winaqi' ri richin ri ruwach'ulew ri', roma roj kan chaqba' xkeqach'ek, roma rije' kan man jun chik xtito'on ta kichin, jak'a roj kan k'o ri Jehová qik'in, xecha'.

Deut 1:26

Y man rik'in ri', rix man xiwajo' ta xixbe-el, xa xipaba-iwi' y man xitaqej ta ri ruchojmilal ri ruya'on kan chiqe ri Jehová ri qa-Dios.