Wuj Richin Bix Chire ri Dios 106:21 - Kaqchiquel Bible

²¹ Xkimestaj k'a kan ri Dios ri nikolon kichin, ri xbanon nima'q taq banobel pan Egipto,

Wuj Richin Bix Chire ri Dios 106:21 ပူးပေါင်းရင်းမြစ်များ

Wuj Richin ri Jeremías 2:32

¿Kan numestaj kami jun xten, ri ruwi' ruxikin, ri retz'aba'l ruwi-ruq'a', ri richinaj y ronojel ri nukusaj? o ri xten ri nibek'ule' yan ¿Numestaj kami ri ruwiqobal richin ri ruk'ulubik? Jak'a rix ri nutinamit, kan k'o yan chik k'iy q'ij ri in imestan kan.

Wuj Richin Bix Chire ri Dios 135:9

Rija' kan xuben meyel taq banobel chupan ri ruwach'ulew Egipto. Pa kiwi' k'a ri ki-rey y ri e rusamajela' xuben-wi ronojel re'.

Wuj Richin Bix Chire ri Dios 106:13

Man rik'in ri', xa kan chi'anin k'a xkimestaj-qa ri nimalej rubanobal ri Jehová. Man xkinimaj ta k'a ri rupixa' rija'.

Deut 10:21

Kan tiqanimirisaj k'a ri rubi' ri Jehová, roma kan xuben k'a nima'q taq banobel ri kan nak'en rukiy qoma roj, y re' kan xqatz'et.

Deut 4:34

Kan man jun chik k'a dios ri nuben achi'el xuben ri qa-Dios roj, ri xojrucha' chikikojol ri ch'aqa' chik nimalej tzobaj winaqi' achi'el xuben qik'in roj richin xojrelesaj-pe pan Egipto, ri kan rik'in k'iy tejtobenik, rik'in nima'q taq retal, rik'in nima'q taq banobel, rik'in labal y rik'in nimalej uchuq'a'. Rik'in k'a ronojel banobel re' ri kan xe'itz'et rik'in ri runaq' taq iwech, xojrelesaj-wi-pe,

Tito 2:10

ni man ta ye'eleq' kik'in. Kan utz ta nikiben chire ronojel y kan nikiya' ta kiq'ij, richin utz ta yetz'et koma ri kajaw, y keri' ri winaqi' ri' xtiketamaj chi kan jebel ri ruch'abel ri Dios ri qakolonel.

Tito 1:3

Y xapon k'a ri q'ij toq ri Dios qakolonel xuq'alajirisaj ri ch'abel ri', y xuya' k'a q'ij chuwe richin nintzijoj. Y kan janila xuchilabej chuwe chi kan ta ninben re samaj re'.

Os 1:7

Jak'a ri e aj-Judá xtinjoyowaj kiwech, ja yin ri in ki-Dios ri xkikolon kichin. Kan xkenkol k'a y man rik'in ta rute-ch'ab ni espada, ni man rik'in ta labal, ni man rik'in ta kiej y ni man kik'in ta achi'a' ri yech'oke' chirij kiej, xcha' chuwe.

Wuj Richin ri Isaías 63:8

Y rija' kere' xubij pa ruwi' ri qatinamit Israel: Rije' e nutinamit yin, alk'ualaxela' ri man jun bey xkinkimalij kan, xcha'. Y roma ri' rija' kan xerukol-wi.

Wuj Richin ri Isaías 45:21

Kixch'on k'a y tibij-apo achike ri ruk'amon chi niben. Kixch'on k'a junan pa ruwi' re'. Ja yin ri xiya'on rutzijol ri ojer kan. Xich'on pa ruwi' re' ri kan pa rutikeribel-pe. Ja yin Jehová ri xibin. Kan man jun chik Dios achi'el yin. Yin in jun Dios choj y kolonel.

Wuj Richin ri Isaías 12:2

Kan qitzij Dios, ja rat ri qakolonel. Roj kan xtiqakuquba' qak'u'x awik'in y man xtiqaxibij ta qi', roma kan ja rat ri yaya'on ri quchuq'a', y naya' jun bix chiqe. Chuqa' naya' qakolotajik.

Deut 6:22

Roj xqatz'et ronojel ri nima'q taq rubanobal ri xeruben chiri' pan Egipto, y xuben chike chi xebaybot konojel ri winaqi' y chuqa' ri rey y konojel ri aj pa rachoch.

San Lucas 1:47

Ri wánima kan nikikot rik'in ri Dios, ri nukolonel.

Wuj Kichin ri To'onela' 8:34

Ri israelita ni man xoqaqa ta k'a chikik'u'x ri Jehová ri ki-Dios ri xkolon kichin chikiwech ri e etzelanel kichin ri ek'o chikinaqaj;

Wuj Richin ri Isaías 17:10

Kan xinimestaj yin ri xikolon iwichin, y kan man xoqaqa ta chi'ik'u'x chi ja yin ri itobal. Jak'a pa ruk'exel, rix nitik k'a ruwech ri qejoj ri kan jebel niwachin, richin niya' kiq'ij ri ch'aqa' chik dios.