Wuj Richin Bix Chire ri Dios 106:19 - Kaqchiquel Bible

¹⁹ Ri qati't-qamama' xkiben k'a ruwachibel jun alaj achij wákix chiri' pan Horeb. Kan xkiya' k'a ruq'ij ri wachibel ri xa ya'erisan pa q'aq'.

Wuj Richin Bix Chire ri Dios 106:19 ပူးပေါင်းရင်းမြစ်များ

Ex 32:35

Y ri Jehová kan xuya-wi-pe jun nima-yabil pa ruwi' ri tinamit, roma kan xkiya' ruq'ij ri ruwachibel ri nima-alaj achij wákix, ri xuben ri Aarón.

1 Corintios 10:7

Man k'a tiya' kiq'ij kiwachibel ch'aqa' chik dios, achi'el xkiben jujun chike ri qati't-qamama', achi'el tz'ibatel kan chupan ri ruch'abel ri Dios*f12* toq nubij chi ri winaqi' xetz'uye' richin xewa-xe'uk'ya', y konojel xeq'aber y xekibanala' itzel taq banobel.

Hechos 7:41

Kan xkiben k'a ruwachibel jun ti wákix. Y janila k'a yekikot rik'in ri xa ja rije' ri xebano-qa. Kan xekikamisala' k'a chikopi' chuwech, richin nikiya' ruq'ij.

Wuj Richin ri Nehemías 9:18

stape' toq xkiben jun ruwachibel alaj achij wákix ya'erisan pa q'aq' y xkibij chi ja ri' ri ki-dios ri xelesan-pe kichin pan Egipto. Chuqa' man xe'amalij ta kan toq rije' xkiben ch'aqa' chik itzel banobel ri kan xuben chawe richin xmulun ak'u'x.

Deut 9:21

Xeri' xinchop ri ruwachibel ri nima-alaj achij wákix ri xkiben, ri achoq ik'in xemakun-wi, xinwulaj y xinporoj. K'ari' xinben poqolaj chire, y xinjopij pa ruwi' ri ch'uti'n raqen-ya' ri xulan-pe kojol juyu'.

Deut 9:8

Chiri' pan Horeb kan xiyek janila royowal ri Jehová, y xoyower k'a iwik'in y xrajo' chi xixruk'is ta chiri'.

Ex 32:1

Y jak'a toq ri winaqi' xkitz'et chi ri Moisés xa xyaloj yan y xa man qajineq ta pe pa ruwi' ri juyu', ri winaqi' jari' toq xkimol-apo-ki' chirij ri Aarón y xkibij chire: Wakami ja rat k'a ri kayakatej y tabana' jun qa-dios richin jari' ri niyuqen qichin, roma ri Moisés ri xojelesan-pe pan Egipto, man jun qetaman ri achike xuk'uluwachij, xecha'.

Deut 9:19

Yin kan janila k'a xinxibij-wi' chuwech ri royowal ri Dios pa kiwi' rije', roma kan xrajo' chi xeruk'is ta rik'in ri royowal. Jak'a rija' kan xerak'axaj chik.