Wuj Richin Bix Chire ri Dios 106:13 - Kaqchiquel Bible

¹³ Man rik'in ri', xa kan chi'anin k'a xkimestaj-qa ri nimalej rubanobal ri Jehová. Man xkinimaj ta k'a ri rupixa' rija'.

Wuj Richin Bix Chire ri Dios 106:13 ပူးပေါင်းရင်းမြစ်များ

Wuj Richin Bix Chire ri Dios 78:11

Xa kan xkimestaj k'a ronojel ri xuben kik'in. Xkimestaj ri meyel taq banobel ri xuk'ut chikiwech.

Ex 15:24

Y ri winaqi' xkichop yexebexot chirij ri Moisés y nikibila' k'a: ¿Achike k'a xtiqaqum wakami?, yecha'.

Ex 16:2

Chiri' pa tz'iran ruwach'ulew ri winaqi' israelita xa yexebexot k'a chirij ri Moisés y chirij ri Aarón,

Wuj Richin Etamabel-Tzij 1:25

rix xa nijech'ej kan ri pixabanik ri ninya' chiwe, y xa niwetzelaj ri ch'olinik ri ninben chuqa' chiwe.

Wuj Richin Bix Chire ri Dios 107:11

Kere' xban chike roma kan xkipaba-ki' chuwech ri Jehová, roma xketzelaj ri pixa' ri ruya'on rija'.

Ex 17:2

Y roma ri' toq ri winaqi' xkich'ojij k'a kiya' chire ri Moisés, jak'a ri Moisés xubij chike: ¿Achike roma toq xa chuwe yin nich'ojij-wi ri iya'? ¿Y achike roma toq rix nich'ob chi ri Jehová man nitikir ta nuya' iya' richin niqum?, xcha' chike.

Wuj Richin Etamabel-Tzij 1:30

Chuqa' roma ri man jun rejqalen xiben chire ri pixabanik ri xinya' chiwe, y kan xiniwetzelaj toq yin xixinch'olij.

Ex 17:7

Y rije' xkibij Masá y Meribá*f7* chire ri abej ri'. Keri' xubini'aj ri chiri' roma ri koyowal ri israelita y roma xkitejtobej ri Jehová y xkibij: ¿Kan k'o k'a ri Jehová chiqakojol, o xa maneq?, xecha'.

Ex 15:17

Rat xke'ak'uaj y xke'atik pa ruwi' ri juyu', ri xtaya' chike. Ri chiri', ri akuchi atk'o-wi rat Jehová Dios. Ri akuchi abanon rat Jehová, chi chiri' nak'ul-wi aq'ij.

Wuj Richin ri Isaías 51:13

Rix xa kan xinimestaj yin Jehová ri xibanon iwichin. Ja yin ri xirik'o ruwech ri kaj, y xinben ri ruxe' ri ruwach'ulew. ¿Achike k'a roma ronojel mul nixibij iwi' chikiwech ri yetz'ilo iwichin? ¿Y akuchi ek'o-wi rije' wakami?