Wuj Richin Bix Chire ri Dios 105:2 - Kaqchiquel Bible

² Kan tiya' k'a ri bix chire; tibixaj ri rubi'. Kixtzijon pa ruwi' ri meyel taq rubanobal.

Wuj Richin Bix Chire ri Dios 105:2 ပူးပေါင်းရင်းမြစ်များ

Wuj Richin Bix Chire ri Dios 119:27

Tabana' chuwe chi niq'ax chinuwech ri apixa', roma yin kan ninwajo' yich'obon pa ruwi' ri meyel taq abanobal.

Wuj Richin Bix Chire ri Dios 98:5

Tibixaj bix chire ri Jehová rik'in arpa. Tiq'ojomaj k'a jalajoj ruwech q'ojom.

Wuj Richin Bix Chire ri Dios 77:12

Xtinsol k'a rij ronojel ri rusamaj, kan xtinch'ob chik k'a pa kiwi' ri meyel taq rubanobal.

Wuj Richin Bix Chire ri Dios 98:1

Kan tibixaj k'ak'a' taq bix chire ri Jehová, roma rija' rubanon nima'q taq banobel. Rija' kan xch'akon k'a roma ri ruchuq'a' ri loq'olej ruq'a'.

Efesios 5:19

Tipixabala-iwi' rik'in ri ch'abel ri kik'uan ri jalajoj kiwech bix. Y kan kixbixan k'a richin tiya' ruq'ij ri Dios.

Wuj Kichin ri To'onela' 5:3

Tiwak'axaj k'a rix achi'a' ri ix rey; kan tiya' ixikin rix q'atoy taq tzij. Kan xtiqabixaj k'a rubi' ri Jehová, kan xtiqabixaj k'a bix chire ri Jehová, ri qa-Dios richin ri Israel.

Ex 13:14

Y toq ri chua'q-kabij xtikik'utuj chiqe ri qalk'ual chi achike roma kere' niqaben, roj xtiqabij k'a chike: Roj janila k'a k'iy juna' ri xojyuqe' pa samaj ri pan Egipto y k'a ja na ri Jehová ri xkolon-pe qichin, rik'in ri nimalej ruchuq'a' rija'.

Wuj Richin Bix Chire ri Dios 77:13

Nimalej Dios, ronojel ri ye'aben qik'in roj kan e utz-wi; ¿Achike ta chik k'a jun dios k'o ri más nim chawech rat ri at qa-Dios roj?