Wuj Richin Bix Chire ri Dios 104:5 - Kaqchiquel Bible

⁵ Ja rat xajikiban ri ruxe' ri ulew, richin kan man jun k'a xtisilon.

Wuj Richin Bix Chire ri Dios 104:5 ပူးပေါင်းရင်းမြစ်များ

Wuj Richin ri Achin Job 26:7

Ri Dios kan xuben k'a y xuripiba' k'a kan ri kaj ri richin ri chiri' pa xaman, ri akuchi man jun k'o, y kan xuk'oloba' k'a kan ri nimalej ruwach'ulew ri pa kaq'iq'.

Wuj Richin Bix Chire ri Dios 24:2

Pa ruwi' ri palou xuben-wi ri ruwach'ulew. Xuya' kixe' ri ruwach'ulew chupan ri ya' ri nej e qajineq-wi.*f23*

Wuj Richin Bix Chire ri Dios 33:9

Roma kan xaxe k'a toq xubij rija' jari' toq xbanatej. Achi'el xubij rija' keri' xk'oje' kan ronojel.

Wuj Richin Bix Chire ri Dios 96:10

Tiqabij k'a chike ri winaqi' ri man nikitzeqelibej ta ri Jehová chi ja rija' ri niq'aton-tzij. Ja rija' ri xjikiban ri ruwach'ulew y kan man jun xtisilon richin. Kan ja rija' ri xtiq'aton-tzij pa qawi' rik'in ruchojmilal.

Apocalipsis 20:11

Chirij ri' xintz'et k'a jun tz'uyubel richin q'atbel-tzij ri kan nirepelun, y xintz'et ri tz'uyul chupan, ri achoq chuwech xe'animej-wi ri kaj y ri ruwach'ulew y man jun bey chik xetz'etetej.

2 Pedro 3:10

Kan xtipe na wi ri q'ij ri rubin kan ri ajaw, y man jun etamayon jampe', achi'el nuben jun eleq'om toq nok pa jun jay. Y chupan ri q'ij ri', ri kaj kan xtik'is roma xtijinin pa q'aq'. Chuqa' re ruwach'ulew y ronojel ri k'o pa ruwi' xkek'at chuqa'.

Wuj Richin Bix Chire ri Dios 136:6

Xurik' ri ruwach'ulew pa ruwi' ri ya':*f119* Roma ri rujoyowanik rija' kan richin jantape'.

Wuj Richin Bix Chire ri Dios 93:1

Ri Jehová jari' ri rey y xuwiq k'a ri' rik'in ruwaq'ijaj. Rija' kan k'o ruchuq'a' y xuch'okoba' k'a jebel ri ruwach'ulew, xuben chire chi man nisilon ta ri akuchi k'o-wi.

Apocalipsis 6:14

Y ri kaj xuk'ol-el ri achi'el nibot-el jun wuj. Y ronojel juyu' y ri ruwach'ulew ri ek'o pa taq ya' xe'elesex-el pa taq kik'ojelibal.

Wuj Richin ri Molojri'il 1:4

Qonojel roj winaqi' kan yojken k'a el, y ek'o k'a ri ye'alex, jak'a ri ruwach'ulew man jun bey xtijalatej.

1 Sam 2:8

Nuben chire ri man jun k'o rik'in, richin nrelesaj-pe pa rumeba'il. Jak'a ri molonel nrelesaj-pe pa q'ayis richin nitz'uye' chikikojol ri tata'al, richin niya'ox ruq'ij. Roma ja ri Jehová rajaw ri ruch'okolibal ri ruwach'ulew y pa ruwi' ri' xuch'okoba-wi ri ruwach'ulew.

Wuj Richin Bix Chire ri Dios 119:90

Rat kan naben-wi ri asujun pa kiwi' ri chi sol chi sol winaqi'. Ja rat xajikiban richin ri ruwach'ulew y kan jari' k'o wakami.

Wuj Richin Etamabel-Tzij 8:29

Yin kan ink'o chik k'a toq ri Dios nuya' kan rubeyal pa ruwi' ri palou, y ri ya' ri' kan man tikirel ta k'a chi nuq'ej ri rupixa' ri Dios; kan ink'o-wi k'a toq ri Dios xutik kan ri ruxe' re ruwach'ulew.