Wuj Richin Bix Chire ri Dios 104:34 - Kaqchiquel Bible

³⁴ Ri nuch'obonik rik'in rija', kan janila jebel, yin kan jantape' k'a xkikikot rik'in.

Wuj Richin Bix Chire ri Dios 104:34 ပူးပေါင်းရင်းမြစ်များ

Filipenses 4:4

Jantape' k'a tikikot ri iwánima rik'in ri Cristo; kan ninkamuluj k'a rubixik chiwe chi kan tikikot ri iwánima beneq-ruwech.

Wuj Richin Bix Chire ri Dios 1:2

Pa ruk'exel ri' xa kan rik'in ri rupixa' ri Jehová nikikot-wi. Ri rupixa' ri Jehová jari' ri nuquqa-rij chi paq'ij chi chaq'a'.

San Lucas 1:47

Ri wánima kan nikikot rik'in ri Dios, ri nukolonel.

Wuj Richin Bix Chire ri Dios 9:2

Kan xkikikot y xkinimaq'ijun awik'in rat. Kan xtinbixaj ri abi', rat ri atk'o pa ruwi' ronojel.

Wuj Richin Bix Chire ri Dios 119:111

Yin kan nubanon chire ri apixa' chi jari' ri wichinan kan richin q'asen, roma kan nuya' kikoten pa wánima.

Wuj Richin Bix Chire ri Dios 77:12

Xtinsol k'a rij ronojel ri rusamaj, kan xtinch'ob chik k'a pa kiwi' ri meyel taq rubanobal.

Wuj Richin Bix Chire ri Dios 32:11

Kan kenimaq'ijun y kekikot rik'in ri Jehová, ri kikuquban kik'u'x rik'in. Kebixan rik'in kikoten konojel ri choj kibanobal chuwech ri Dios.

Wuj Richin Bix Chire ri Dios 119:167

Yin jantape' ninnimaj ri apixa', roma janila ninwajo'.

Wuj Richin Etamabel-Tzij 24:14

Kan ta keri' rukabil xtana' rat chire ri na'oj, chupan ri ak'aslen; y toq awilon chik k'a ri na'oj, k'o utz ri xtabewila-apo ri chawech; y ri awoyoben-apo, kan qitzij k'a xtel chawech.

Wuj Richin ri Rutikeribel 24:63

Toq xqaq'ij yan qa, rija' xbebiyaj juba' pa juyu', jari' toq xerutz'et ri camello e peteneq.

Wuj Richin Bix Chire ri Dios 35:9

K'ari' xtikikot k'a ri wánima awik'in rat Jehová. Y xkikikot rik'in ri akolotajik.

Wuj Richin Bix Chire ri Dios 105:3

Kan kixkikot k'a rik'in ri loq'olej rubi'. Ri yekanon richin ri Jehová, kan kekikot k'a.

Apocalipsis 10:10

Yin kan xink'ul ri ti wuj pa ruq'a' ri ángel, y xintej-qa. Y xinna' na wi pa nuchi' chi kan achi'el ruki'il ri kab, jak'a ri pa nupan kan k'ey-k'ey na wi xuben.