Wuj Richin Bix Chire ri Dios 104:32 - Kaqchiquel Bible

³² Rija' xaxe nutzu' ri ruwach'ulew y ri ruwach'ulew kan nik'ark'ot. Xaxe nuneq juba' kiwi' ri juyu' y ri juyu' ri' kan yebuqulin-pe sib chupan.

Wuj Richin Bix Chire ri Dios 104:32 ပူးပေါင်းရင်းမြစ်များ

Wuj Richin Bix Chire ri Dios 144:5

Nimalej Jehová, tajaqa' k'a ri kaj y kaqaqa-pe. Ke'achapa' ri juyu' richin ye'el-pe sib chupan.

Ex 19:18

Kan chijun k'a ri juyu' Sinaí nibuqun pa sib, roma ri Jehová xqaqa-pe pa ruwi' ri juyu' ri' rik'in q'aq'. Y ri sib ri' kan achi'el k'a ri rusibil jun horno nuben, y chijun ri juyu' nisilon janila.

Wuj Richin ri Habacuc 3:10

Toq ri juyu' xatkitz'et, kan xkixibij-ki'. Xq'ax k'a ri nimalej raqen-ya' richin ri job. Ri palou kan niwajin k'a, rokik ri ya' nibolqo't y rik'in uchuq'a' nipa'e' chikaj.

Wuj Richin Bix Chire ri Dios 114:7

Kan xaxe k'a chuwech ri Jehová nisilon chijun ruwach'ulew; kan xaxe k'a chuwech ri ru-Dios ri Jacob.

Apocalipsis 20:11

Chirij ri' xintz'et k'a jun tz'uyubel richin q'atbel-tzij ri kan nirepelun, y xintz'et ri tz'uyul chupan, ri achoq chuwech xe'animej-wi ri kaj y ri ruwach'ulew y man jun bey chik xetz'etetej.

Am 8:8

Kan xtisilon ri iruwach'ulew roma ronojel re'. Chi'iwonojel rix kan xkixoq'. Ri iruwach'ulew xtijote' y xtiqaqa achi'el nuben ri raqen-ya' Nilo.

Wuj Richin ri Jeremías 5:22

¿Kan man nixibij ta k'a iwi' chinuwech?, nubij ri Jehová. ¿Kan man yixbaybot ta k'a chinuwech yin, ri xinya' ri sanayi' richin ruk'ulba't ri palou, jun k'ulba't ri man nitikir ta nuq'axaj ri ya'? Xtibolqo't k'a ri ruwi' ri ya', jak'a xa xtik'is-qa; kan xtiwajin, jak'a man xtiq'ax ta chire ri ruk'ulba't. Yin Jehová ri yibin.

Wuj Richin Bix Chire ri Dios 77:16

Toq rat xabek'ulun-pe, ri ya' kan xesilon roma xkixibij-ki' chawech; ri siwan ri k'o chupan ri ya' ri' kan xesilon chuqa'.

Wuj Richin Bix Chire ri Dios 50:3

Ri qa-Dios nipe k'a rik'in nimalej rutzijol. Chuwech rija' peteneq jun q'aq' ri kan nuk'is ronojel. Y pa runik'ajal jun nimalej kaq'iq', chiri' peteneq-wi rija',

Apocalipsis 19:3

K'ari' ri ch'abel ri niwajin ri chikaj, xubij chuqa': Tinimirisaj rubi' ri Dios, roma ri Babilonia ruchapon nik'at, y ri rusibil kan nijote' k'a richin tibe-q'ij tibe-seq, xecha'.

Wuj Richin Bix Chire ri Dios 77:19

Chupan k'a ri palou xaq'ax-wi chupan k'a ri janila chi ya' xaben-wi ri abey; jak'a ri retal ri akuchi xaq'ax-wi man jun bey xtz'etetej.