Wuj Richin Bix Chire ri Dios 104:23 - Kaqchiquel Bible

²³ Jari' toq nel-el ri achin richin nibe pa samaj. Nuben k'a ri rusamaj y k'a niqaqa na ri q'ij k'ari' nitane'.

Wuj Richin Bix Chire ri Dios 104:23 ပူးပေါင်းရင်းမြစ်များ

Wuj Richin ri Rutikeribel 3:19

Xkatz'oqpin na k'a chubanik ri asamaj richin xtach'ek ri achike ri xtik'atzin chawe, k'a toq xkatok chik jun bey ulew ri achoq ik'in xatinben-wi; roma kan at ulew-wi, y kan keri' xkatok chik jun bey, xcha'.

Efesios 4:28

Wi k'o jun ri xuben eleq', man chik teleq'. Pa ruk'exel ri' nik'atzin chi nukusaj ri ruq'a' richin nisamej, roma re' kan utz wi, y rik'in re' nitikir chuqa' yeruto' ri k'o nik'atzin chike.

Wuj Richin ri Molojri'il 5:12

Jun choj samajel kan ki-ki' ri ruwaran, stape' jebel xwa-qa o xa juba' ok ri xutej-qa; jak'a ri beyom ja ronojel ri k'o rik'in ri man niya'on ta q'ij chire chi niwer jebel.

Wuj Kichin ri To'onela' 19:16

Y k'o k'a jun ti ri'j achin tzolejineq-pe pa rusamaj toq nok yan qa ri aq'a'. Re ti achin re' man aj chiri' ta; rija' xa aj chuwi' taq juyu' richin ri tzobaj Efraín, jak'a chiri' pa Guibeá richin ri tzobaj Benjamín k'o rulew, y roma ri' chiri' nuk'owisaj-wi ri aq'a'.