Wuj Richin Bix Chire ri Dios 104:13 - Kaqchiquel Bible

¹³ Jehová, kan k'a chila' chikaj akuchi atk'o-wi, naya'aj-pe re ruwach'ulew. Rik'in k'a ri asamaj rat yech'uch'u' konojel ri ek'o chuwech re ruwach'ulew.

Wuj Richin Bix Chire ri Dios 104:13 ပူးပေါင်းရင်းမြစ်များ

Wuj Richin Bix Chire ri Dios 147:8

Ja rija' nibanon chi ri kaj ninoj ruwech chi sutz'. Nunaba' k'a ri job richin nuya'aj ri ruwach'ulew. Chuqa' nuben chi nik'iy-pe ri q'ayis pa taq juyu'.

Wuj Richin ri Jeremías 10:13

Naben chi nel-el ri sutz' chuwech re ruwach'ulew. Y toq najin job, naben chi nich'ich'an-pe ri koyopa' y chuqa' ja rat ri yabanon chi niq'ajan-pe ri koqolajay. Y ja rat ri yabanon richin nipe ri kaq'iq'.

Wuj Richin ri Jeremías 14:22

¿K'o kami jun chike ri wachibel ri xa man qitzij dios ta, ri nitikir ta nuya-pe job? ¿Ja kami ri kaj ri niya'on-pe ri job? ¡Ni, Jehová ri qa-Dios roj! Xaxe rat ri yaya'on-pe ri job, ja rat ri yabanon re ronojel re'. Roma ri' ronojel niqoyobej awik'in rat, xicha' chire.

Deut 11:11

Jak'a ri xtiwichinaj rix, kan jun ruwach'ulew ri kan k'o juyu' y taq'aj, ruwach'ulew ri kan niya'ex roma ri job.

Wuj Richin ri Achin Job 38:37

¿K'o kami jun ri kan k'o na'oj rik'in richin nitikir yerajlaj janipe' sutz' ri k'o chikaj? ¿K'o ta kami chuqa' jun ri kan nitikir nuben chike ri sutz' chi nibekiq'eja-pe ri job,

Hechos 14:17

jak'a kan ruq'alajirisan-wi k'a ri' chikiwech, rik'in ri nuya-pe job ri chikaj, nuya-pe tiko'n, y kan nuya' k'a pe ronojel richin nitij, richin keri' nikikot ri kánima. Kan ruya'on-wi-pe rutzil pa qawi' qonojel, xecha' ri Pablo y ri Bernabé.

San Mateo 5:45

Richin keri' kan niq'alajin-wi chi rix ix ralk'ual ri aj-chikajil qatata'. Roma rija' kan utz wi k'a pa qawi' qonojel. Kan k'a chila' chikaj nuben-pe chi k'o ri rusaqil ri q'ij pa kiwi' ri winaqi' e utz y pa kiwi' ri winaqi' e itzel; kan k'a chila' k'a chuqa' nuben-pe chi k'o job pa kiwi' ri winaqi' e choj y ri man e choj ta.

Am 9:6

Ri Jehová chila' chikaj xuben-wi ri rachoch, y ri ruxe' ri rachoch k'o-pe chuwech ri ruwach'ulew. Rija' kan yerumol ri ya' richin ri palou, y k'ari' nuya'aj chijun ri ruwach'ulew. Jehová jari' ri rubi' rija'.

Wuj Richin Bix Chire ri Dios 104:3

Kan xajikiba' ri ruwi' ri awachoch pa ruwi' ri sutz'.*f99* Ri sutz' xe'ok achi'el jun carruaje uk'uey awichin. Rat kan yabiyin pa ruwi' ri kaq'iq'.