Wuj Richin Bix Chire ri Dios 103:5 - Kaqchiquel Bible

⁵ Ja rija' niya'on chiqe ronojel ri utz, richin nuben k'ak'a' chiqe, y nik'oje' k'ak'a' quchuq'a', achi'el ri kot.

Wuj Richin Bix Chire ri Dios 103:5 ပူးပေါင်းရင်းမြစ်များ

Wuj Richin ri Isaías 40:31

Jak'a ri kikuquban kik'u'x rik'in ri Jehová kan xtikik'ul k'ak'a' uchuq'a', achi'el uchuq'a' ri k'o kik'in ri kot toq anineq yebe chikaj. Kan xke'anin y man xkekos ta. Kan xkebiyin janila y kan man xtik'is ta ri kuchuq'a'.

Wuj Richin Bix Chire ri Dios 107:9

Roma rija' nuya' kiya' ri nichaqi'j kichi', y kan nuya' kiway ri yewayjan.

1 Timoteo 6:17

Y rat Timoteo, tabij chike ri qach'alal ri e beyoma' chi man tikinimirisaj-ki', ni man tikoyobej chi ri beyomel nuk'en-pe ronojel chike, roma ri beyomel xa nik'is. Pa ruk'exel ri' xa kan tikikuquba' kik'u'x rik'in ri Dios ri niya'on ronojel ri utz chiqe paruk'iyal richin nikikot ri qánima.

2 Corintios 4:16

Jari' ri nibanon chiqe roj chi man jun bey niqamalij qak'u'x, stape' ta ri ch'akulaj ri qak'uan kan nuna-wi janila. Jak'a ri qa-espíritu, pa ruk'exel chi nik'is ta qa ruchuq'a', xa q'ij-q'ij más ruchuq'a' nik'oje-el.

Wuj Richin Bix Chire ri Dios 63:5

Xaben k'a chi xch'uch'u' ri wánima achi'el xa ta jebel in wayneq. Kan rik'in k'a kikoten xtinbixaj bix chawe richin ninya' aq'ij.

Wuj Richin Bix Chire ri Dios 104:28

Rat naya' chike y rije' nikimol kan. Najeq ri aq'a' richin naya' chike ri k'atzinel y rije' yech'uch'u' rik'in ri utzil ri'.

Wuj Richin Bix Chire ri Dios 23:5

Rat Jehová kan naben jun nimaq'ij richin yiwa' chikiwech ri e etzelanel wichin. Kan naya' k'a utz peten chuwe, Y kan nanojisaj k'a ri nuqumbal, k'a toq nipulin-el.

Wuj Richin Bix Chire ri Dios 65:4

Kan jebel k'a ruwa-qaq'ij roj ri xojacha' rat richin yojk'oje' awik'in, richin chi yojk'oje' chuwa-jay chire ri awachoch. Kan xqojch'uch'u' k'a rik'in ri utzil ri k'o chupan ri awachoch.

Os 2:15

Xtintzolij chik k'a chire ri rutiko'n richin uva. Ri taq'aj k'o kojol juyu' richin Acor kan xtok k'a ruchi' ri oyobenri'il chire rija'. Chiri' pa tz'iran ruwach'ulew xtibixan chik k'a rik'in kikoten achi'el ri q'ij toq xk'oje' chupan ri ruq'opojil, achi'el ri q'ij toq xel-pe pan Egipto.

Wuj Richin ri Josúe 14:11

Jak'a yin kan k'a janila in kow nina' kan k'a achi'el ri q'ij ri' toq xojruteq-pe ri Moisés, richin xoqanik'oj re ruwach'ulew re'. Y k'a k'o na wuchuq'a' richin yibe pa labal.

Wuj Richin ri Achin Job 33:25

Xeri' ri ruch'akul kan xtok chik k'a achi'el ruch'akul jun ak'ual, y kan xtik'oje' chik k'a ruchuq'a' achi'el toq kan k'a ala' na.