Wuj Richin Bix Chire ri Dios 103:20 - Kaqchiquel Bible

²⁰ Tinimirisaj k'a ruq'ij ri Jehová, rix ri ix samajela' aj-chikajil; rix ri kan rik'in uchuq'a' niben ri nubij chiwe, richin ninimaj ri rutzij.

Wuj Richin Bix Chire ri Dios 103:20 ပူးပေါင်းရင်းမြစ်များ

Hebreos 1:14

Ri ángel ri' choj e rusamajela' ri Dios y ja rije' ri yetaq roma ri Dios richin yekito' ri xkekolotej.

Wuj Richin Bix Chire ri Dios 148:2

Chi'iwonojel rix ri ix aj-chikajil rusamajela' ri Dios kan tiya' ruq'ij. Chi'iwonojel ri ixk'o chikaj, kan tinimirisaj ruq'ij.

San Lucas 1:19

Ri ángel xubij: Ja yin ri in Gabriel, ri kan ink'o-apo rik'in ri Dios. Roma ri' xiruteq-pe awik'in richin nonbij kan chawe re jun utzilej rutzijol re' ri nuk'en-pe kikoten chawe.

San Mateo 26:53

¿Rat nach'ob chi yin man yitikir ta ninwoyoj ri nata' y rija' yiruto'? Rija' nitikir yeruteq-pe kablajuj tzobaj ángel chinuto'ik.

2 Rey 19:35

Chupan ri aq'a' ri' ri Jehová xuteq jun ángel richin xerukamisaj e 185,000 achi'a' aj-Asiria ri ek'o-qa chiri'. Y toq xseqer-pe, konojel e punupuxineq chik ke taq ri'.

Wuj Richin Bix Chire ri Dios 78:25

Kan ja ri kiway ri aj-chikajil ri xkitej ri winaqi' ri'; kan pa ruk'iyal k'a ri xuteq-pe richin jebel xnoj kipan.

San Mateo 6:10

Ri awajawaren rat ja ta ri' ri xtik'oje' qik'in. Kan nibanatej ta k'a ri nawajo' rat richin nibanatej wawe' chuwech re ruwach'ulew achi'el nikiben ri ek'o awik'in ri chila' chikaj.

Joel 2:11

Ri Jehová kan ik'owineq chikiwech ri nikiben oyowal pa rubi' rija'; kan nuben chi niq'alajin ri ruch'abel chikij. Kan man e ajlatel ta ri ek'o rik'in, ri nikiben ri nubij rija' kan janila kuchuq'a'. Roma kan janila nim ri q'ij richin ri Jehová, kan nuya' janila xibinri'il. Y re' kan man jun nikoch'on.

Wuj Richin Bix Chire ri Dios 29:1

Tiya' ruq'ij-ruk'ojlen ri Jehová rix ri ix aj-chikajil. Titzijoj ri utzilej rutzijol roma ri ruk'ojlen y ri ruchuq'a'.

Wuj Richin ri Isaías 6:2

Y pa ruwi-el rija' ek'o k'a serafín,*f1* y chikijujunal rije' k'o k'a waqi' kixik'. Rik'in ri ka'i' kixik' kitz'apen ri kipalej; rik'in ri ka'i' kitz'apen ri kaqen, y rik'in ri ka'i' chik kixik' yexik'an.

Wuj Richin Bix Chire ri Dios 148:5

Konojel re' tikiya' ruq'ij ri Jehová, roma ja rija' xbanon kichin.

Dn 11:1

Y kan ja yin chuqa' ri xik'oje' chupan ri nabey juna' chire ri q'atbel-tzij richin ri Darío ri aj-Media y kan xinya' k'a ri ruchuq'a' y xinben chire chi kow xk'oje'.