Wuj Richin Bix Chire ri Dios 103:2 - Kaqchiquel Bible

² Yin kan jantape' xtinnimirisaj ruq'ij ri Jehová. Kan man xtinmestaj ta k'a ri rutzil ri ruya'on pa nuwi'.

Wuj Richin Bix Chire ri Dios 103:2 ပူးပေါင်းရင်းမြစ်များ

Wuj Richin ri Isaías 63:7

Yin kan ninwajo' yich'on pa ruwi' ri rajowabal ri Dios, y kan ninbixaj bix richin ninya' ruq'ij roma ri xuben pa qawi'. Roma ri nimalej rajowabal pa ruwi' ri tinamit Israel, kan xuk'ut chi kan xojrupoqonaj y kan janila k'iy ri xuben pa qawi'.

Wuj Richin Bix Chire ri Dios 116:12

¿Achoq ik'in ta k'a xkitikir xtintojbej chire ri Jehová, pa ruk'exel ronojel ri rutzil ri rubanon wik'in?

Wuj Richin Bix Chire ri Dios 105:5

Toqaqa chiqak'u'x ri meyel taq banobel ri rubanon rija'. Toqaqa chiqak'u'x ri pixa' ri eleneq pa ruchi'.

Deut 6:12

man timestaj k'a ri Jehová ri xixelesan-pe pa ruwach'ulew Egipto, ri akuchi xixxime' pa samaj.

2 Crón 32:25

Jak'a man rik'in ri', rija' xa man xumatioxij ta ri xuben ri Dios rik'in. Xa xpe pa ránima richin janila xunimirisaj-ri', y roma ri' ri Jehová xuya-pe ri royowal pa ruwi' rija' y pa kiwi' konojel ri aj-Judá.

Deut 32:18

Rix winaqi' israelita xa xiya' kan ri nimalej abej ri akuchi xiwil-wi to'onik, y ja nimalej abej ri', ri xixkolon. Rix xa ximestaj kan ri Jehová ri xya'on ik'aslen.

Deut 32:6

¿Man ja ta kami rix ri maneq ina'oj y ix ch'ujerineq, richin chi itzel rutojbalil ri niya' chire ri Jehová? ¿Man ja ta kami rija' ri itata'? ¿Man ja ta kami rija' ri tz'ukuy iwichin? ¿Man ja ta kami rija' ri xmolon iwichin y xa jun xuben chiwe?

Wuj Richin Bix Chire ri Dios 106:21

Xkimestaj k'a kan ri Dios ri nikolon kichin, ri xbanon nima'q taq banobel pan Egipto,

Wuj Richin Bix Chire ri Dios 106:7

Ri qati't-qamama' toq k'a ek'o na pan Egipto, kan man xq'ax ta chikiwech ri meyel taq abanobal rat Jehová, kan man xoqaqa ta chikik'u'x ri janila chi joyowanik ri xaya' pa kiwi'. Y xa kan xkipaba' k'a ki' chawech chiri' chuchi' ri Kaqa-Palou.

Wuj Richin ri Isaías 63:1

K'o k'a jun q'ij toq k'o jun ri xtuk'utuj: ¿Achike kami ri peteneq pa ruwach'ulew Edom, y k'o pa tinamit Bosrá, ri kan nich'ich'an ri rutziaq? ¿Achike kami ri rukusan-pe jun tzieq ri kan nitz'intz'ot y kan peteneq rik'in uchuq'a'?, xticha'. Ja yin Jehová ri yich'on pa ruchojmilal, y k'o wuchuq'a' richin yixinkol.

Wuj Kichin ri To'onela' 5:2

Qaya' ruq'ij ri Jehová, roma kan k'a ek'o achi'a' pan Israel, ri kan xeq'ax chikiwech ri aj-labal; achi'a' ri kan xkisuj-ki' rik'in ronojel kánima roma ri kitinamit.

Wuj Kichin ri To'onela' 5:9

Yin kan yikikot k'a iwik'in rix aj-raqen richin Israel, y chuqa' iwik'in rix nuwinaq ri kan rik'in ronojel iwánima xisuj-iwi' richin niben labal. ¡Kan tiqaya' k'a ruq'ij ri Jehová!