Wuj Richin Bix Chire ri Dios 103:18 - Kaqchiquel Bible

¹⁸ Ronojel re' nuben pa kiwi' ri nikitaqej ri rujikibel-tzij, y pa kiwi' ri jantape' k'o chikik'u'x ri rupixa' ri Dios.

Wuj Richin Bix Chire ri Dios 103:18 ပူးပေါင်းရင်းမြစ်များ

Deut 7:9

Kan tiwetamaj k'a chi ri Jehová ri qa-Dios jari' ri qitzij Dios y kan nuben ri nubij achi'el ri rutzij ri rujikiban, y kan nujoyowaj iwech ri yixajowan richin y nitaqej ri rupixa' ri richin jantape', stape' yeq'ax janila chi sol winaqi' chuwech ri ruwach'ulew.

San Lucas 1:6

Re juk'ulaj winaqi' re' choj kik'aslen chuwech ri Dios, y kan nikiben ri nubij ri pixa'.

San Mateo 28:20

Y tik'utu' chikiwech chi tikitaqej ronojel ri nubin kan. Y yin kan q'ij-q'ij k'a xkik'oje' iwik'in; k'a toq re ruwach'ulew xtapon chupan ri ruk'isibel q'ij, xcha'. Kan keri' ta k'a.

Wuj Richin Etamabel-Tzij 3:1

Rat walk'ual, man k'a tamestaj ri tijonik ri nuya'on chawe, xa kan tayaka' pan awánima ri nuchilaben chawe chi naben,

Wuj Richin Bix Chire ri Dios 132:12

Chuqa' xabij chi wi ri ralk'ual nikitaqej ri jikibel-tzij ri', rije' chuqa' kan xketz'uye' jantape' chupan ri tz'uyubel richin ri q'atbel-tzij ri'.

Wuj Richin Bix Chire ri Dios 25:10

Kan jantape' k'a naya' ri utzil y ri qitzij pa kiwi' ri nikitaqej ri apixa'.

Ex 24:8

K'ari' ri Moisés xberuk'ama-pe ri nik'aj chire ri kik' ri e ruya'on chupan ri nima'q taq k'ojelibel y xuchikaj pa kiwi' ri winaqi' y xubij: Rik'in re kik' re' niq'alajin ri jikibel-tzij ri nuben ri Jehová iwik'in y chuqa' nijike' kan pa kiwi' ri ch'abel ri xebitej-qa, xcha'.

Hechos 24:16

Roma ri' yin kan nintej k'a nuq'ij chi man ninben ta ri itzel chuwech ri Dios y chikiwech chuqa' ri winaqi'. Keri' ri wánima kan utz wi k'a nuna'.

Ex 19:5

Wakami k'a, wi kan xtinimaj k'a ri nuch'abel y nitaqej ri jikibel-tzij ri nubanon iwik'in, rix kan xkixok k'a jun tinamit ri janila iwejqalen chikiwech ri ch'aqa' chik tinamit. Man rik'in ri' chijun re ruwach'ulew kan wichin yin.

2 Crón 34:31

K'ari' ri rey xbepa'e' rik'in ri pilar ri akuchi nipa'e-wi jantape' richin xujikiba' rutzij chuwech ri Jehová. Xujikiba' k'a chi kan choj xtibebiyin chuwech y kan rik'in ronojel ránima y ronojel ruk'u'x xtutaqej ronojel ri rupixa' ri ruya'on chire ri tinamit, y kan xtuben k'a achi'el ri tz'ibatajineq kan chupan ri wuj ri'.

Deut 4:23

Xaxe k'a ninchilabej chiwe chi man timestaj ri jikibel-tzij ri xuben ri Jehová ri qa-Dios qik'in roj. Man jun wachibel ri tipaba-q'anej, ni man jun chuqa' ruwachibel ri xabachike xke'ipaba-q'anej, roma ri Jehová ri qa-Dios rubin chi man tiban.

1 Tesalonicenses 4:1

Toq xojk'oje' iwik'in, xqabij chiwe achike ri niqa' chuwech ri Dios, y chi jari' ri utz niben. Y rix kan keri' ibanon. Y kan k'a k'o k'a ri niqajo' niqak'utuj chiwe pa rubi' ri Jesucristo, chi kan más k'a titija' iq'ij chi niben ri niqa' chuwech ri Dios.

Wuj Richin ri Q'axanri'il 15:40

Y keri' noqaqa ta chi'ik'u'x ri nupixa', y niben ta ronojel ri nubij. Chuqa' kan xtijech ta iwi' chuwe yin Jehová, ri i-Dios.

Deut 7:12

Wi rix kan xtiwak'axaj ronojel ri pixa', kan xtitaqej y kan xtiben, ri Jehová ri qa-Dios kan xtuben k'a chuqa' achi'el ri rusujun chiwe rix y xtuk'ut k'a ri rajowabal ri rujikiban chike ri qati't-qamama'.

Wuj Richin ri Isaías 64:4

Kan man jun bey ak'axan ta, ni man jun bey tz'eton chi k'o ta chik jun Dios achi'el rat, ri nibanon chi nusiloj ri nima'q taq juyu'.