Wuj Richin Bix Chire ri Dios 103:13 - Kaqchiquel Bible

¹³ Ri Jehová kan nujoyowaj k'a qawech roj ri niqaya' rejqalen rija'. Kan achi'el k'a jun tata'aj ri nujoyowaj kiwech ri ralk'ual.

Wuj Richin Bix Chire ri Dios 103:13 ပူးပေါင်းရင်းမြစ်များ

Wuj Richin ri Jeremías 31:20

Jak'a yin Jehová ninbij chi rix israelita ix achi'el jun nuk'ajol ri kan janila ninwajo'. Stape' k'iy mul ixinch'olin, kan jantape' k'a ixk'o chinuk'u'x. Y roma ri' kan janila ninjoyowaj iwech y yixinwajo'. Yin Jehová ri yibin.

Wuj Richin Bix Chire ri Dios 103:17

Jak'a ri rujoyowanik ri Jehová, pa kiwi' ri k'o rukiy chikiwech, kan richin tibe-q'ij tibe-seq. Y ri ruchojmilal ri nuben kan niyaloj richin jantape'.

Wuj Richin Etamabel-Tzij 3:12

Roma ri Jehová kan keri' nuben chike ri yerajo'; achi'el jun tata'aj toq nuch'olij ri ralk'ual ri janila nrajo'.

Wuj Richin ri Jeremías 31:9

Xkepe rik'in oq'ej y nikik'utuj utzil chuwe. Y yin xkenk'uaj chunaqaj ch'uti'n raqen taq ya', pa jun bey ri kan choj nibe, ri akuchi ri kan man xtikipajk'ij ta kaqen. Roma yin kan in jun tata'aj richin ri tinamit Israel y ri Efraín ri nabey nuk'ajol.

Wuj Richin ri Malaquías 4:2

Jak'a rix ri k'o nukiy chiwech kan pa ruchojmilal k'a ri xtinben iwik'in. Ri ruchojmilal kan xtiyik'lun pan iwi' achi'el niyik'lun ri q'ij. Y chupan ri q'ij ri', rix kan xtik'ul raxnaqil achi'el toq nimeq'e-pe ri q'ij. Kan xkixropiyaj k'a roma kikoten achi'el yeropilan ri taq alaji' wákix toq yebe'el-pe pa ki-coral.

Wuj Richin Bix Chire ri Dios 147:11

Ri Jehová nikikot kik'in ri winaqi' ri k'o rukiy chikiwech, kik'in ri koyoben ri rutzil rija'.

San Mateo 6:32

Ri winaqi' ri man ketaman ta ruwech ri Dios xa nikiben ronojel re'. Jak'a roj k'o ri qatata' chila' chikaj ri kan retaman chik chi jare' ri nik'atzin chiqe.

Wuj Richin Bix Chire ri Dios 103:11

Ri rajowabal rija' kan janila nim pa qawi' roj ri niqaqasaj-qi' chuwech. Ri kaj y ri ruwach'ulew man yetikir ta nikitemej ri nimalej rajowabal rija'.

Hechos 13:26

Rix nuwinaq judío, ri kan oj rijatzul kan ri qatata' Abraham, y rix ri man ix judío ta, ri kan niya' ruq'ij ri Dios, ninbij k'a chiwe chi ri ruch'abel ri Dios, ri kan nich'on k'a chirij ri kolotajik, kan qichin k'a roj ya'on-pe.

San Juan 20:17

K'ari' ri Jesús xubij chire ri María: Man kinaq'etej roma man jani kibe rik'in ri nata' ri chila' chikaj. Xa kabiyin chubixik chike ri e nutijoxela', chi yin kan yibe k'a rik'in ri nata', ri kan itata' chuqa' rix. Kan yibe k'a rik'in ri nu-Dios, ri i-Dios chuqa' rix, xcha'.

San Mateo 6:9

Roma ri' toq rix yixch'on rik'in ri Dios kere' k'a tibij: Qatata' Dios ri atk'o chila' chikaj, kan jantape' ta k'a xtinimirisex ri loq'olej abi' rat.

Deut 3:5

Ronojel k'a re tinamit re' e sutin-kij rik'in nimaq taq tz'aq, ri kichi' kan jebel e tz'apen y kan e q'ebalon ch'ich' chirij. Ek'o chuqa' ch'aqa' chik tinamit ri man xe'ajlex ta, y man e sutin ta kij chi tz'aq.

Wuj Richin ri Q'axanri'il 11:12

¿Ja kami yin ri xinalk'ualan kichin konojel re winaqi' re'? ¿Ja kami yin xibanon chi rije' xe'alex chuwech re ruwach'ulew? ¿Nabij chuwe richin yench'elej-el, achi'el niban kik'in ri ne'y ri k'a yetz'uman na? ¿Y k'o chi yenk'uaj k'a chupan ri ruwach'ulew ri akuchi asujun chike ri qati't-qamama'?

Wuj Richin ri Chojmirisabelri'il 26:44

Man rik'in ri' stape' ek'o pa kiruwach'ulew ri etzelanel kichin, man kan ta jumul xkenmalij kan richin man xkek'is ta jumul ri iwijatzul, richin keri' man xtik'is ta ri jikibel-tzij ri qabanon iwik'in rix israelita, roma ja yin Jehová ri i-Dios.