Wuj Richin Bix Chire ri Dios 103:1 - Kaqchiquel Bible

¹ Yin kan jantape' xtinnimirisaj ruq'ij ri Jehová. Kan rik'in k'a chijun nuk'aslen xtinimirisaj ri loq'olej rubi' ri Dios.

Wuj Richin Bix Chire ri Dios 103:1 ပူးပေါင်းရင်းမြစ်များ

San Juan 4:24

Ri Dios kan espíritu wi. Roma ri' ri winaqi' ri yeya'on ruq'ij, kan nik'atzin chi k'o ri Loq'olej Espíritu kik'in richin nikiya' ri qitzij ruq'ij, xcha'.

1 Corintios 14:15

¿Achike k'a ri k'o chi ninben? Roma yin ninwajo' yich'on rik'in ri Dios rik'in ri wánima y rik'in chuqa' ri nunojibal. Y keri' chuqa' ninwajo' yibixan rik'in ri wánima y rik'in chuqa' ri nunojibal.

Wuj Richin Bix Chire ri Dios 111:1

Tinimirisex ruq'ij ri Jehová. Yin xtinya' ruq'ij ri Jehová rik'in ronojel wánima. Beneq ruwech keri' xtinben chupan ri molojri'il kichin ri choj kik'aslen.

Wuj Richin Bix Chire ri Dios 103:22

Chijun ri rusamaj ri Jehová, kan tikiya' ruq'ij-ruk'ojlen rija', xabakuchi chire ri rajawaren. Yin kan jantape' xtinnimirisaj ruq'ij ri Jehová.

Wuj Richin Bix Chire ri Dios 99:3

Kan tibixex k'a ri rubi' roma rija' kan janila nim y kan k'o rukiy. Kan man jun chik k'o achi'el rija'.

Colosenses 3:16

Kan nik'atzin k'a chuqa' chi ri qánima nojineq ta rik'in ri ruch'abel ri Cristo. Kan rik'in ronojel etamabel tiqatijola-qi' chiqachibil-qi'. Y tiqabixaj rubi' ri ajaw roma ri matioxinik ri k'o pa taq qánima.

Wuj Richin Bix Chire ri Dios 63:5

Xaben k'a chi xch'uch'u' ri wánima achi'el xa ta jebel in wayneq. Kan rik'in k'a kikoten xtinbixaj bix chawe richin ninya' aq'ij.

Wuj Richin Bix Chire ri Dios 47:7

Roma kan ja rija' ri rey richin chijun ruwach'ulew. Kan jebel k'a kixbixan richin niya' ruq'ij rija'.

Filipenses 1:9

Kan nink'utuj k'a chire ri Dios chi ri ajowabel ri k'o iwik'in kan más ta xtinimer, y xtik'oje' ta más etamabel y más na'oj iwik'in,

Wuj Richin Bix Chire ri Dios 138:1

Jehová, rik'in ronojel wánima xtinya' aq'ij; chikiwech k'a ri ch'aqa' chik dios xtinya' aq'ij rik'in bix.

Wuj Richin ri Isaías 6:3

Y chikijujunal rije' yesik'in y nikibila': Loq'olej, loq'olej, loq'olej Jehová k'iytisanel richin ronojel. Chijun ri ruwach'ulew nojineq rik'in ri ruk'ojlemal, yecha'.

Apocalipsis 4:8

Y ri kaji' ri k'o kik'aslen ox-ox k'a k'ulaj kixik' k'o y kan nojineq ri kij y ri chuxe' taq kixik' rik'in wachaj. Y man yetane' ta k'a qa chuya'ik ruq'ij ri Dios y chi paq'ij chi chaq'a' nikibij: Loq'olej, loq'olej, loq'olej ajaw. Ajaw Dios ri kan k'o ronojel uchuq'a' awik'in. Rat ri kan atk'o-pe pa rutikeribel, ri atk'o wakami y xkak'oje' chuqa' re xtibe-apo, yecha'.

Wuj Richin Bix Chire ri Dios 104:1

Yin kan jantape' xtinnimirisaj ruq'ij ri Jehová. Jehová nu-Dios yin, rat kan janila at nim. Kan awiqon k'a awi' rik'in k'ojlemal y ruwaq'ijaj.

Wuj Richin Bix Chire ri Dios 145:1

Xtinnimirisaj k'a aq'ij, nu-Dios, nu-rey. Xtinya' aq'ij jantape', tibe-q'ij tibe-seq.