Wuj Richin Bix Chire ri Dios 102:9 - Kaqchiquel Bible

⁹ Ronojel ri nintej, xa nuxol-ri' rik'in chaj. Y ronojel ri ninqum, xa kan nuxol k'a ri' rik'in ri ruya'al runaq'-nuwech.

Wuj Richin Bix Chire ri Dios 102:9 ပူးပေါင်းရင်းမြစ်များ

Wuj Richin Bix Chire ri Dios 42:3

Kan chi paq'ij chi chaq'a' k'a yinoq' chawech rat. Ri woq'ej jari' ri nuway. Jak'a ri winaqi' chaq palik nikibij chuwe: ¿Akuchi k'a k'o-wi ri a-Dios richin yaruto'?

Wuj Richin Bix Chire ri Dios 80:5

Xaben chiqe chi ri qoq'ej achi'el xa ta jari' ri qaway, ri ruya'al runaq' taq qawech achi'el xa ta qaya' ri niqaqum pa ruk'iyal.

Wuj Richin ri Miqueas 7:17

Re winaqi' re' kan xtikibeq' k'a ri poqolaj, achi'el nikiben ri kumatzi'. Jehová tabana' chi re winaqi' re' rik'in janila xibinri'il xkebe'el-pe ri akuchi ek'o-wi, y kan xkek'ark'ot ta k'a xke'apon chawech rat Jehová ri at qa-Dios.

Wuj Richin ri Miqueas 1:10

Man tiwelesaj rutzijol, ni man kixoq', richin man yixkak'axaj ta ri tinamit Gat. Pa ruk'exel ri' xa más utz wi nibolqotila-iwi' pa poqolaj roma bis, ri chiri' pa tinamit Bet-le-afrá.

Wuj Richin ri Isaías 44:20

Re' xa achi'el xa ta natej chaj. Re' xa ruyon q'oloj. Re wineq re' man xtitikir ta xukol-ri', man xtiq'ax ta chuwech chi ri k'o pa ruq'a', xa man qitzij ta.

Wuj Richin Bix Chire ri Dios 69:21

Chupan ri nuway xkixol kamisanel aq'om, y toq xchaqi'j nuchi', xa xkiya' k'ayilej-vino chuwe.

Wuj Richin ri Achin Job 3:24

Y keri' yin, roma ri nuq'axo'n, xa man yiwa' ta. Ri ruya'al nuwech nibiyin y nich'otot-qa pan ulew.

Wuj Richin Bix Chire ri Dios 42:11

¿Achike roma yimayamo' yan qa? ¿Achike roma janila yibison? Yin kan ninkuquba' nuk'u'x rik'in ri Dios, y xtapon ri q'ij chi yin xtinya' chik ruq'ij. roma ja rija' nukolotajik y nu-Dios yin.