Wuj Richin Bix Chire ri Dios 102:6 - Kaqchiquel Bible

⁶ Yin xa kan in achi'el chik jun túkur ri ruyon k'o pa tz'iran ruwach'ulew. In achi'el jun túkur ri xa ruyon nik'oje' pa taq jay ri xa e tolan chik kan.

Wuj Richin Bix Chire ri Dios 102:6 ပူးပေါင်းရင်းမြစ်များ

Wuj Richin ri Sofonías 2:14

Ri kiruwach'ulew xtok kan soq'olbel kichin nima'q y kokoj taq awej. Chuqa' chiri' xkek'oje-wi ronojel kiwech chikopi' e richin pa k'echelaj. Ri túkur xkewer pa kiwi' ri xata't, y ri qo'ch xkebebixan pa taq ventana. Y ronojel ri tz'alem ri e banon rik'in tiox-che' ri e ya'on chire ri jay xa xketzaq-el.

Wuj Richin ri Isaías 38:14

Xinben achi'el yech'ipch'ot ri taq tz'unun, xijilon achi'el yejilon ri taq paloma. Ri runaq' taq nuwech kan janila xekos rokik xaxe xitzu'un-el chila' chikaj. Yin kan xink'utuj utzil chawe rat Jehová chi xinato' ta, roma xik'oje' pa q'axo'n.

Apocalipsis 18:2

Xch'on k'a rik'in uchuq'a' y xubij: Wakami xtzaq yan, wakami xtzaq yan ri nimalej tinamit Babilonia. Xa xok kan jay richin nikimol-ki' itzel taq espíritu y kisok ri itzel y tz'ilolej taq aj-xik' chikopi'.

Wuj Richin ri Miqueas 1:8

Roma ri' kan yibison y kan yijiq'ijo'x chi oq'ej. Xkiwuyin k'a chi oq'ej achi'el yewuyin ri utiwa', y achi'el ri jiloj ri nikiben ri alaji' aj-xik' taq chikopi' toq e malin kan roma ri kite'. Roma k'a ri nubis kan maneq nuxajab y nutziaq xtinkusaj.

Wuj Richin ri Achin Job 19:20

Yin xa xik'is-xik'is yan qa jumul; xaxe chik ri nutz'umal ri k'o chirij ri nubaqil. Ri nutijul ri k'a k'o na, xaxe chik ri ti'ij ri akuchi e tikil-wi ri wey.