Wuj Richin Bix Chire ri Dios 102:19 - Kaqchiquel Bible

¹⁹ Roma kan k'a chila' chikaj ri akuchi atk'o-wi xatzu'un-pe. Rat Jehová kan k'a chikaj k'a xatzu-pe ri ruwach'ulew.

Wuj Richin Bix Chire ri Dios 102:19 ပူးပေါင်းရင်းမြစ်များ

Deut 26:15

Tatz'eta' k'a pe chila' chikaj ri akuchi atk'o-wi. Taya' k'a pe urtisanik pa ruwi' ri atinamit Israel; ri akuchi niwachin-wi ronojel ruwech tiko'n; achi'el ri xasuj chike ri qati't-qamama', xkixcha'.

Wuj Richin Bix Chire ri Dios 14:2

Ri Jehová nitzu'un-pe k'a chila' chikaj pa kiwi' ri winaqi', richin chi nutz'et wi k'o ta jun aj-na'oj, jun ri kan nikanon ri Dios.

Wuj Richin ri Achin Job 22:12

Ri Dios k'a más nej k'o-wi chire ri kaj akuchi ek'o-wi ri ch'umila'; y wi rat natzu' akuchi k'o-wi ri ruk'isibel ch'umil, natz'et chi kan nej-nej k'o-wi.

2 Crón 16:9

Keri' xuben ri Jehová roma rija' kan rutzuliben-pe chijun ri ruwach'ulew richin nuya' kuchuq'a' ri kan qitzij kijachon-ki' pa ruq'a' rik'in ronojel kánima. Rat xa kan achi'el jun nakanik na'oj ri xaben, y roma ri' re wakami chiqawech-apo xtipe más labal chawij, xcha' ri Hananí.

1 Rey 8:43

wi keri', rat xtawak'axaj k'a ri chila' chikaj ri akuchi atk'o-wi y xtaben k'a ronojel ri nuk'utuj chawe ri wineq ri' ri man qawinaq ta. Richin keri' konojel ta k'a ri winaqi' richin ri ch'aqa' chik tinamit xtiketamaj ta ri abi' y xtikiya' ta aq'ij y xtikinimaj ta ri atzij, achi'el nuben ri atinamit Israel. Y keri' xtiq'ax k'a chikiwech re xinpaba-q'anej yin, ri niban-wi ronojel k'utunik chawe rat.

1 Rey 8:39

wi keri', rat kan xtawak'axaj k'a ri chila' chikaj ri akuchi atk'o-wi, xtakuy ta rumak ri atinamit. Kan xaxe k'a rat ri yatz'eton ri kánima konojel ri winaqi', y roma ri' kan xtaben k'a kik'in achi'el ri kibanobal chikijujunal.

Wuj Richin ri Isaías 43:21

Ja rix k'a ri tinamit ri xixinwinaqirisaj richin xixok wichin yin, richin kan niya' nuq'ij rik'in bix.