Wuj Richin Bix Chire ri Dios 102:18 - Kaqchiquel Bible

¹⁸ Ronojel re' k'o chi xtitz'ibatej kan, richin tiketamaj konojel ri sol winaqi' ri e peteneq; richin chi ri winaqi' ri xkebe'alex kan xtikibixaj k'a chuqa' ri abi' rat Jehová.

Wuj Richin Bix Chire ri Dios 102:18 ပူးပေါင်းရင်းမြစ်များ

Romanos 15:4

Y ronojel ri ruch'abel ri Dios ri tz'iban kan ojer, e tz'ibatel kan richin chi k'o niqetamaj. Kan nuben-wi chiqe chi yojkoch'on y niqakuquba' más qak'u'x chiroyobexik ri rutzil ri Dios.

Wuj Richin ri Isaías 43:21

Ja rix k'a ri tinamit ri xixinwinaqirisaj richin xixok wichin yin, richin kan niya' nuq'ij rik'in bix.

2 Pedro 1:15

Yin kan k'o k'a ri ninwajo' ninben kan, richin keri' stape' yin xa in maneq chik iwik'in, rix kan k'a xtoqaqa na chi'ik'u'x ronojel ri nubin kan chiwe.

1 Corintios 10:11

Ronojel k'a ri xkik'uluwachij rije', kan k'o-wi k'a nuk'ut chiqawech roj, y roma ri' e tz'ibatel kan richin chi roj re ojk'o chupan re ruk'isibel taq q'ij richin re ruwach'ulew niqak'en qana'oj chirij.

Efesios 2:10

Ja ri Dios xbanon qichin roj, y xuben chiqe chi junan qawech rik'in ri Cristo, richin niqaben banobel ri kan e utz, roma jari' ri runaban-pe chiqe ojer yan ri' richin niqaben.

San Juan 20:31

Jak'a ri e tz'ibatel kan, kan e tz'ibatel richin chi rix tinimaj k'a chi ri Jesús jari' ri Cristo ri ruk'ajol ri Dios. Y toq xtinimaj, xtik'ul ri ik'aslen ri man k'isel ta, roma kan xikuquba' ik'u'x rik'in.

Dn 9:2

Jari' k'a toq yin Daniel xintz'et k'a jebel ri wuj ri xuya' ri Jehová chire ri q'alajirisey ruch'abel rubini'an Jeremías, ri akuchi nubij-wi chi nibetz'aqet yan ri juna' oxk'al lajuj ri ek'o pa ximonri'il ri aj-Jerusalem.

Wuj Richin ri Isaías 43:7

Kixanpe chi'iwonojel rix ri ik'uan ri nubi' yin, roma ja yin xik'iytisan iwichin, y yin xibanon iwichin, richin rix niya' nuq'ij yin.

Wuj Richin Bix Chire ri Dios 71:18

Stape' chupan re nurijixinen y kere' seq chik nujolon, tabana' utzil nu-Dios, man kinamalij kan. Roma kan k'a k'o chi nintzijoj ri awuchuq'a' rat, chike ri k'a e ak'uala' na y ri man jani ke'alex.

Wuj Richin Bix Chire ri Dios 48:13

Titz'eta' jebel ri rubanik ri rutz'aq. Chuqa' titz'eta' jebel ri jay richin q'atbel-tzij. Richin chi xtitzijoj chik chike ri iwijatzul

Ex 17:14

Y ri Jehová xubij chire ri Moisés: Tatz'ibaj ronojel re' chupan jun wuj richin natabel y tabij chire ri Josué chi yin kan xkenk'is jumul ri rijatzul kan ri Amalec richin man jun bey chik xkenatex, xcha' ri Jehová.

Wuj Richin Bix Chire ri Dios 69:34

Kan tiya' k'a ruq'ij ri Dios chi'iwonojel rix ri ixk'o chuwech ri kaj y ri ruwach'ulew. Keri' chuqa' ri ixk'o pa nimalej taq palou.