Wuj Richin Bix Chire ri Dios 102:17 - Kaqchiquel Bible

¹⁷ Xtawak'axaj ri ruch'owen ri asamajel. Kan xtawak'axaj k'a ri kich'abel ri kan man jun nito'on kichin.

Wuj Richin Bix Chire ri Dios 102:17 ပူးပေါင်းရင်းမြစ်များ

Wuj Richin ri Nehemías 1:6

kan tatzu' k'a pe y tawak'axaj ri nuch'owen ri ninben yin ri asamajel ri yuqul pa samaj awik'in, ri nuk'utunik ri ninben chawech chi paq'ij chi chaq'a'. Ri ninben pa qawi' roj ri oj asamajela' ri oj yuqul pa samaj awik'in, kan ninq'alajirisaj k'a ri qamak ri xqaben chawech rat; kan jajun yin y ri aj pa rachoch kan ri nata', kan xojmakun chawech.

Wuj Richin Bix Chire ri Dios 72:12

Rija' xtikolon kichin ri k'o nik'atzin chike, toq rije' xtikik'utuj to'onik, xkeruto' chuqa' ri e k'ayewatajineq y man jun nito'on kichin.

Wuj Richin Bix Chire ri Dios 22:24

Roma rija' kan man nupoqonaj ta k'a richin nuto' ri jun ri k'o pa q'axo'n. Kan man nrewaj ta k'a ri' chuwech ri k'o pa tijoj-poqonal. Y xa kan nrak'axaj k'a toq nuk'utuj to'onik.

Wuj Richin Bix Chire ri Dios 9:18

Ri Dios kan man yerumestaj ta ri k'o nik'atzin chike, ri oyobenri'il kichin ri ek'o pa meba'il, kan man xtik'is ta qa.

Deut 32:36

Toq ri Jehová xtutz'et chi ri iwuchuq'a' xa xk'is yan y man yixtikir ta chik nito-iwi', jari' toq xtiyakatej rija' richin xkixruto'. Y toq xtutz'et chi kan man jun chik nito'on iwichin y jujun chiwe rix ix ximil chik pa samaj, jari' toq xtujoyowaj iwech rix rusamajela'.

Deut 4:29

Jak'a wi rix kan nikanoj ri Jehová ri qa-Dios rik'in ronojel ri iwánima y rik'in ronojel ik'u'x, kan xtiwil.

Wuj Richin ri Nehemías 1:11

Roma ri' nink'utuj k'a chawe Jehová Dios, kan xtaya' ta ri axikin chire ri nuch'owen y ri kik'utunik ri ch'aqa' chik asamajela', roma rije' nikajo' nikiya' ri aq'ij-ak'ojlen rat; tabana' chire ri rey ri k'o pa ruwi' ri ruwach'ulew Persia chi xtiq'ax ta chuwech ri ch'abel ri xtinbij chire y kan utz ta k'a xtel ronojel chinuwech, xicha' chire ri Dios.

Wuj Richin Bix Chire ri Dios 69:23

Tabana' chi rije' xkemoyir, chuqa' xkelukulu' ta richin man ta yetikir yepa'e'.

Wuj Richin ri Nehemías 2:20

Jak'a yin xinbij chike: Ri Dios ri rajaw ri kaj, ja rija' ri xtibanon chi utz xtibe chiqawech y roj ri oj rusamajela' xqojyakatej y xtiqayek k'a q'anej re Jerusalem. Jak'a rix kan man xkixilon ta, ni ta xtiq'et-tzij y kan man xkixnatex ta chik wawe', xicha' k'a chike.

Wuj Richin Bix Chire ri Dios 147:2

Ri Jehová nupaba' chik q'anej ri tinamit Jerusalem; Kan xkeruk'en chik pe konojel ri winaqi' ri e talutajineq.

Wuj Richin ri Isaías 40:5

K'ari' k'a ri Jehová xtuk'ut ri ruruwaq'ijaj, y kan konojel winaqi' xtikitz'et junan, xticha'. Keri' xubij ri Jehová.

Wuj Richin ri Isaías 44:26

Ja yin ri yibanon richin xtibanatej ri nikik'utuj ri e nusamajela', y chuqa' ja yin yibanon chi xtibanatej ri nikibij rije' pa ruwi' ri xtibanatej-apo, chi ri Jerusalem xkek'oje' chik winaqi' chupan, y chuqa' ri ch'aqa' chik tinamit richin ri Judá. Y kan xkepabex chik jun bey.

Wuj Richin ri Jeremías 31:38

Chuqa' ninbij chi xtapon k'a ri q'ij chi ri Jerusalem xtipabex chik q'anej jun bey, nitiker k'a el rik'in ri rachoch ri chajinel ri k'o pa ruwi' ri tz'aq richin Hananel y choj nibe akuchi nusutij-ri' ri tz'aq.