Wuj Richin Bix Chire ri Dios 102:14 - Kaqchiquel Bible

¹⁴ Roma ri asamajela' kan janila nikajo' ri atinamit, stape' wulatejineq kan.

Wuj Richin Bix Chire ri Dios 102:14 ပူးပေါင်းရင်းမြစ်များ

Wuj Richin ri Nehemías 4:2

Y xch'on k'a kik'in ri e rachibil y kik'in ri aj-labal aj-Samaria y xubij: ¿Achike k'a yetajin chubanik re tzalatzeq y nakaneq taq israelita re'? ¿Nikich'ob rije' chi roma nikisuj kamelabel, xtikik'is ri samaj pa jun q'ij? ¿Nikich'ob rije' chi chukojol ri rupoqolajul y ruchajul ri xek'at yan yebe'el chik pe abej richin nikichojmirisaj ri tz'aq?, xcha'.

Wuj Richin Bix Chire ri Dios 79:1

Nimalej Dios, ri winaqi' ri man yatkitzeqelibej ta xepe wawe' chupan re aruwach'ulew. Xepe y xkiqasaj ruq'ij ri awachoch. Y kan xkiwulaj kan jumul ri tinamit Jerusalem.

Wuj Richin ri Nehemías 4:10

Y ri wachibil ri ye'eran abej xkibij chuwe chi xk'is yan qa ri kuchuq'a' y ri tz'aq wuluwik k'a janila k'iy, y man yetikir ta chik nikipaba-q'anej.

Wuj Richin ri Nehemías 4:6

Roj kan chi'anin xqapaba-q'anej nik'aj chire ri rupalen ri tz'aq, roma kan rik'in uchuq'a' xojsamej.

Wuj Richin ri Nehemías 2:17

Ri jun chik q'ij, xinbij k'a chike: Rix nitz'et chi ojk'o pa jun ruk'ayewal: Ri Jerusalem wuluwik wakami y ronojel ri ruchi' xeruk'is q'aq'. Kixanpe y kinito' y qapaba' chik q'anej jun bey ri tz'aq, richin man chik tiqaya' q'ij richin chi yojkik'ixbisaj ri e etzelanel qichin, xicha'.

Wuj Richin ri Nehemías 2:3

Y yin kere' k'a xinbij chire ri rey: Kan xkak'ase' ta k'a jantape' rat rey. ¿Achike ta k'a roma man ta xtibison ri wánima toq ri nutinamit ri akuchi e muqul chuqa' ri aj pa rachoch ri nata' wuluwik wakami y ri tz'alem richin ri ruchi' ri tz'aq e k'atineq roma ri q'aq'?, xicha' chire.

Wuj Richin ri Nehemías 1:3

Rije' xkibij k'a chuwe: Ri qawinaq ri ek'o kan chupan ri qaruwach'ulew nikiq'axaj jun nimalej ruk'ayewal y k'ixbilal. Y ri tinamit Jerusalem k'a ja na rubanon, ek'o ram richin ri tz'aq e wulatejineq chiri' y ri ruchi' ri tinamit e k'atineq, xecha' chuwe.

Wuj Richin ri Esdras 7:27

K'ari' ri Esdras xch'on rik'in ri Dios y xubij chire: Janila utz ruwa-aq'ij rat Jehová ri qa-Dios, ri chuqa' ki-Dios ri qati't-qamama'. Rat xaya' pa ránima ri rey, richin niya'ox aq'ij chupan ri awachoch, ri k'o pa Jerusalem.

Wuj Richin ri Esdras 1:5

K'ari' xeyakatej-q'anej konojel ri aj-raqen kichin ri tzobaj ri Judá y ri Benjamín, y chuqa' ri e sacerdote y ri ch'aqa' chik levita. Kan konojel k'a rije', ri Jehová xuben chike richin xusiloj ri kánima richin xkipaba' chik q'anej ri rachoch rija', ri k'o pa Jerusalem.

Dn 9:16

Qajaw Dios, rat kan at choj-wi, y roma ri' tabana' utzil chi tik'o-qa ri awoyowal pa ruwi' ri atinamit Jerusalem, ri juyu' ri ch'aron chawe rat. Roma ri kimak ri qate-qatata', ri tinamit Jerusalem xa k'o pa jun nimalej ruk'ixbilal, chikiwech ri ch'aqa' chik tinamit.

Wuj Richin ri Rut 1:6

Y k'o k'a jun q'ij xapon rutzijol rik'in ri Noemí ri chiri' pa Moab, chi ri Jehová xujoyowaj ruwech ri rutinamit Israel y kan xrelesaj yan ri wayjal pa ruwi'. Roma ri' rija' kan jari' xuben chi nitzolej pa ruwach'ulew Judá y nel-el chiri' pa Moab yerachibilaj-el ri e ka'i' rali'.

Wuj Richin Bix Chire ri Dios 119:126

Jehová, kan ruq'ijul chik richin naya' rutojbalil-mak, roma ri winaqi' xa kan xkiq'ej ruwi' ri apixa'.

Wuj Richin ri Isaías 14:1

Jak'a ri Jehová xtujoyowaj chik kiwech ri qawinaq, y xkerucha' chik jun bey richin xtuya' urtisanik pa kiwi'. Chuqa' kan xkeruya' chik jun bey pa qaruwach'ulew. Ri winaqi' ri man e qawinaq ta kan xkek'oje' kik'in, y xa jun k'a xtikiben.

Wuj Richin ri Isaías 40:2

Kach'on kik'in ri aj-Jerusalem, y katzijon kik'in rik'in ajowabel. Taya' rutzijol chike chi ri ximonri'il ri ek'o-wi, kan xtik'is, y ri kimak xa xinkuy yan. Kan k'iy yan bey xkik'ul ri rutojbalil ri kimak.

Wuj Richin ri Isaías 51:3

Kan xtinkuquba' kik'u'x ri iwinaq israelita. Ri iruwach'ulew, ri kan xwuluwu' jumul, kan xtinben jun nimalej qejoj chire, achi'el ri qejoj ri kan nik'ases wichin yin. Chiri' kan xtik'oje' kikoten, y kan xtibixex bix richin matioxinik rik'in jalajoj taq q'ojom.

Wuj Richin ri Jeremías 29:10

Yin kan ninjikiba' nutzij chi toq xtitz'aqet ri oxk'al lajuj juna' ri kixk'oje' chiri' pa Babilonia, yin xtinben utzil chiwe richin xkixtzolin-pe wawe' chupan ri iruwach'ulew.

Wuj Richin ri Jeremías 30:18

Chuqa' xtinjel ri ik'aslen y kan xtinjoyowaj iwech. Ri itinamit xtipabex chik q'anej pa ruwi' ri wulatejineq kan y ri rachoch ri rey kan xtipabex chik q'anej ri kan akuchi k'o-wi-pe.