Wuj Richin Bix Chire ri Dios 102:12 - Kaqchiquel Bible

¹² Jak'a rat Jehová kan jantape' k'a atk'o tibe-q'ij tibe-seq. Ri utzilej atzijol kan jantape' k'a xtinatex koma ri chi wiq chi tanaj winaqi'.

Wuj Richin Bix Chire ri Dios 102:12 ပူးပေါင်းရင်းမြစ်များ

Wuj Richin Bix Chire ri Dios 135:13

Nimalej Jehová, ri abi' rat kan richin q'asen. Ri natabel awichin rat, kan xtikinataj k'a ri chi wiq chi tanaj winaqi' ri xkepe.

Wuj Richin ri K'uxla'anik 5:19

Jak'a rat Jehová, kan jantape' k'a xtaq'et-tzij. Stape' xkeq'ax k'iy sol winaqi', ri awajawaren kan richin k'a jantape'.

Ex 3:15

Chuqa' xubij chire ri Moisés: Kere' tabij chike ri awinaq: Jehová ri Dios kichin kan ri qati't-qamama', ri Abraham, ri Isaac, y ri Jacob, ja rija' ri in taqayon-pe iwik'in rix, xkacha' chike. Ja nubi' re' richin q'asen. Rik'in k'a re bi'aj re' xkinatex koma ri winaqi' chi wiq chi tanaj.

Hebreos 13:8

Ri Jesucristo man nujel ta ri'. Kan achi'el ri iwir, keri' wakami, y keri' chuqa' xtibe-q'ij xtibe-seq.

Wuj Richin Bix Chire ri Dios 9:7

Jak'a ri Jehová kan xtik'oje' tibe-q'ij tibe-seq. Xtik'oje' k'a chupan ri rajawaren richin nuq'et-tzij.

Wuj Richin ri Isaías 44:6

Yin Jehová, ri in rey richin Israel, ri nikolon richin. Ja yin Jehová k'iytisanel richin ronojel. Ja yin ri xik'oje-pe nabey, y ja yin ri xkik'oje' pa ruk'isibel. Man jun chik Dios k'o achi'el yin, y xaxe yin ri in i-Dios.

Wuj Richin ri Isaías 60:15

Stape' xixmalix, xixetzelex kan, y kan xmulun kik'u'x chiwij, jak'a ri chiwech-apo, yin xtinben chiwe chi xtikinimirisaj iq'ij, y kan janila xkixkikot richin jantape'.

Deut 33:27

Ri Dios richin q'asen jari' ri itobal. Ja rija' ix chapayon rik'in uchuq'a' tibe-q'ij tibe-seq. Xtuben k'a chi ye'animej-el chiwech ri e etzelanel iwichin, y nubij chiwe richin ye'ikamisaj.

Wuj Richin ri Achin Job 8:9

Roma roj xa oj richin ok iwir-kabijir k'a man jun ok qetaman, y re qak'aslen chuwech re chuwach'ulew, xa chi'anin niq'ax achi'el niq'ax jun muj.

Wuj Richin ri Achin Job 14:2

Ri k'aslen nik'ulun-pe, achi'el nik'ulun-pe jun kotz'i'j, y xa chi'anin nimayer-qa. Chuqa' achi'el ri muj ri xa junanin niq'ax-el.

Wuj Richin Bix Chire ri Dios 109:23

Ri nuk'aslen xa achi'el ri mach'ach'il toq nik'is-el. Roma maneq chik wuchuq'a', ri kaq'iq' yiruxupupej achi'el nuben chire ri sak'.