Wuj Richin Bix Chire ri Dios 102:1 - Kaqchiquel Bible

¹ Nimalej Jehová tabana' utzil tawak'axaj ri nuch'owen. Toq yin yisik'in-q'anej awik'in kan ta xtawak'axaj.

Wuj Richin Bix Chire ri Dios 102:1 ပူးပေါင်းရင်းမြစ်များ

Wuj Richin Bix Chire ri Dios 18:6

Chupan k'a ri nimalej bis ri' xich'on rik'in ri Jehová, xink'utuj utzil chire richin yiruto'. Rija' kan xirak'axaj-pe k'a ri akuchi-k'o-wi, ri nuch'owen rik'in, xapon k'a chuwech rija' y kan xrak'axaj.

Wuj Richin Bix Chire ri Dios 61:2

Kan k'a pa ruk'isibel chire ri ruwach'ulew xkich'on-wi awik'in, kan xkich'on k'a awik'in toq ri wánima janila nibison. Kinak'uaj, k'a pa ruwi' ri abej ri más nim chinuwech yin.

Wuj Richin Bix Chire ri Dios 39:12

Jehová, tabana' utzil tawak'axaj ri nuch'abel, tawak'axaj ri nuch'owen richin to'onik. Man kak'oje-qa chaq keri' chire ri woq'ej. Chawech rat, yin xa in q'axel, yin xa man in aj wawe' ta achi'el xeq'ax-el ri wati't-numama'.

Ex 2:23

Toq q'axineq chik k'iy q'ij, ri rey richin Egipto xken. Man rik'in ri' ri winaqi' israelita kan k'a yejilon na roma ri ilinri'il ri k'o pa kiwi' y xech'on k'a rik'in ri Dios. Y rija' kan xrak'axaj k'a ri kich'abel, roma kan janila nikitej poqon chupan ri ilinri'il ri'.

Hebreos 5:7

Toq ri Cristo k'a k'o na wawe' chuwech re ruwach'ulew y xapon chuwech ri tijoj-poqonal, xch'on rik'in ri Dios rik'in ronojel ruchuq'a', xoq' y xuk'utuj chire chi tuto', roma retaman chi ri Dios kan nitikir-wi nuto' chuwech ri kamik. Y ri Dios kan xrak'axaj-wi ri Cristo, roma rija' kan ruya'on-wi ruq'ij ri Dios.

San Lucas 22:44

Y kan janila k'a q'axo'n ri k'o pa ránima. Roma ri' kan rik'in k'a ronojel ránima nich'on rik'in ri Dios. Y roma ri' xuchop nitz'oqpin. Y ri ya' ri nel chirij kan nima'q taq tz'uj, achi'el toq jun nibiyin rukik'el.]*f36*

Wuj Richin ri K'uxla'anik 3:44

Xapis k'a awi' chupan jun sutz' richin chi man xapon ta q'anej ri qach'owen awik'in.

Wuj Richin ri K'uxla'anik 3:8

Stape' yisik'in richin nink'utuj to'onik, jak'a ri Jehová kan man nrak'axaj ta ri nuch'abel.

Wuj Richin Bix Chire ri Dios 143:7

Tabana' utzil Jehová, tak'uluba-pe ri nuch'abel chi'anin roma yin xa yiken yan qa. Man tawewaj-awi' chinuwech, man taben chuwe chi in achi'el chik jun kamineq.

Wuj Richin Bix Chire ri Dios 143:4

Yin kan xinmalij k'a nuk'u'x; ri wánima kan xmayamo' yan qa.

Wuj Richin Bix Chire ri Dios 5:2

Nu-rey yin y nu-Dios yin, tabana' utzil tawak'axaj ri nuk'utunik, roma awik'in rat yich'on-wi.

2 Crón 30:27

Chirij ronojel re', ri e sacerdote y ri e levita keri' e pa'el xkiya' urtisanik pa kiwi' ri winaqi'. Y ri Dios kan xrak'axaj k'a ri kich'owen k'a chila' chikaj, akuchi k'o-wi Rija'.

1 Sam 9:16

Ke taq wa' chua'q yin xtinteq-pe awik'in jun achin richin ri tzobaj richin Benjamín y rat xtaqasaj aceite pa ruwi' richin xtok rey pa ruwi' ri nutinamit Israel. Y ja rija' xtikolon ri nutinamit pa kiq'a' ri aj-Filistea, roma nutz'eton ri tijoj-poqonal ri nikik'owisaj y ri kich'abel kan oqawineq k'a wik'in yin, xcha' ri Jehová.

Wuj Kichin ri To'onela' 10:16

Y rije' kan man xekisamajij ta chik ri dios ri ek'o chikikojol, y xkiya' ruq'ij ri Jehová. Y rija' xq'axon ránima roma ri ruk'ayewal ri nikiq'axaj ri rutinamit.

Wuj Richin Bix Chire ri Dios 145:19

Kan naya' k'a ri rurayibel ri kánima ri k'o akiy chikiwech. Nawak'axaj k'a ri kijiloj, y kan ye'akol.

Wuj Richin Bix Chire ri Dios 77:3

Xinch'ob k'a rij ri Dios y kan xusiloj ri wánima janila, y xinoq'; kan yijilo k'a y kan nimayamo' yan k'a qa ri wánima.

Wuj Richin Bix Chire ri Dios 62:8

Chi'iwonojel rix winaqi', jantape' tikuquba' ik'u'x rik'in. Titzijoj chire ronojel ri k'o pan iwánima, roma rija' kan jari' ri qatobal.

Wuj Richin Bix Chire ri Dios 42:4

Toq noqaqa chinuk'u'x ronojel re', kan achike na k'a nuben ri wánima. Noqaqa k'a chinuk'u'x ri ojer toq in beneq kik'in ri tzobaj winaqi', y yenk'uaj k'a chupan ri awachoch. Y qonojel kan yojnimaq'ijun k'a, y ri qabix kan richin k'a kikoten y matioxinik.

Wuj Richin Bix Chire ri Dios 12:5

Jak'a ri Jehová kere' nubij: Xkiyakatej k'a richin xkento' ri man jun ok k'o kik'in y yetz'ilox, chuqa' roma ri kijiloj ri k'o nik'atzin chike kan xkento' pa kiq'a' ri yetz'ilo kichin, ncha'.