Wuj Richin Bix Chire ri Dios 101:6 - Kaqchiquel Bible

⁶ Jak'a ri winaqi' choj kik'aslen, ri' kan xkesamej pa wachoch, ri wineq ri kan nuk'uaj ri utzilej bey, jari' ri xtisamajin wichin.

Wuj Richin Bix Chire ri Dios 101:6 ပူးပေါင်းရင်းမြစ်များ

Wuj Richin Bix Chire ri Dios 119:63

Yin kan in kachibil konojel ri yatkitzeqelibej rat Jehová, konojel ri nikitaqej ri apixa'.

Wuj Richin Bix Chire ri Dios 15:4

ri nretzelaj ri kan ruk'amon richin netzelex, ri nuya' rejqalen ri niya'on ruq'ij ri Jehová; ri kan nuya' ri nusuj, stape' nik'oje' pa k'ayew rija';

Wuj Richin Bix Chire ri Dios 34:15

Ri rutzubal ri Jehová ruya'on k'a pa kiwi' ri choj kik'aslen. Y rija' nrak'axaj ri kich'owen.

Wuj Richin Etamabel-Tzij 28:28

Toq kan ja ri winaqi' e itzel ri nik'oje-q'anej kik'ojlen, konojel ri ch'aqa' chik winaqi' xa nikewaj-ki'; jak'a toq yeken-el ri winaqi' ri e itzel, jari' toq ri utzilej taq winaqi' kan chi'anin yek'iyer-q'anej.

Wuj Richin Etamabel-Tzij 29:2

Toq kan ja ri winaqi' e utz ri nik'oje-q'anej kik'ojlen richin yeq'aton-tzij, ri winaqi' yekikot, jak'a toq xa ja ri winaqi' e itzel ri yeq'aton-tzij pa kiwi', konojel ri winaqi' nikitej poqon.

Wuj Richin ri Chojmirisabelri'il 14:42

K'ari' xke'ik'en-pe ch'aqa' chik abej y ye'iya' kan pa kik'exel ri xe'elesex-el y nibek'ama-pe juba' ulew, nimuba' richin xke'iq'olij kan y xtitz'apej kan kiwech.

San Mateo 24:45

Chupan ri q'ij ri' kan xtibanatej k'a achi'el ri nibanatej rik'in jun rajaw-jay ri ruya'on kan jun rusamajel pa kiwi' ri rusamajela' ri ek'o pa rachoch richin chi yerilij-apo y kan nuben k'a ri ruk'amon richin nuben.

San Juan 12:26

Wi k'o k'a jun ri nrajo' chi yin yinok rajaw, tipe k'a wik'in. Y ri akuchi ink'o-wi yin, kan chiri' k'a xtik'oje-wi ri nusamajel. Y wi rija' xtuben ri nusamaj, xtinimirisex k'a ruq'ij roma ri nata'.

San Juan 14:3

Chubanik k'a ri' toq yibe y kan xkipe chik jun bey, y xkixink'uaj wik'in richin chi akuchi xkik'oje-wi yin, chiri' chuqa' xkixk'oje-wi rix.

San Juan 17:24

Nata' Dios, yin kan ninwajo' k'a chi konojel ri e aya'on chuwe xkebek'oje' ta k'a wik'in richin chi nikitz'et ri nuq'ij-nuk'ojlen ri aya'on. Xaya' chuwe roma xinawajo' yan toq k'a man jani k'o ta re ruwach'ulew.

Apocalipsis 21:3

Jari' k'a toq xinwak'axaj chi k'o jun ri kan rik'in uchuq'a' nich'on-pe akuchi k'o-wi ri tz'uyubel ri chila' chikaj y nubij: Wakami ri Dios kan chikikojol ri winaqi' k'o-wi, kan xtik'ase' chikikojol jantape' y rije' xke'ok rutinamit y rija' xtok ki-Dios.