Wuj Richin Bix Chire ri Dios 101:5 - Kaqchiquel Bible

⁵ Yin kan xkenk'is k'a el ri winaqi' ri pan ewel yech'on itzel chikij ri kiwinaq. Man ninkoch' ta yentz'et ri winaqi' ri janila nikinimirisaj-ki'.

Wuj Richin Bix Chire ri Dios 101:5 ပူးပေါင်းရင်းမြစ်များ

Wuj Richin Bix Chire ri Dios 18:27

Rat kan ye'akol ri nikiqasaj-ki' chawech. Chuqa' kan naqasaj kiq'ij ri kinimirisan-ki' chawech.

Wuj Richin Bix Chire ri Dios 15:3

ri kan man nitz'ukun ta tzij, ni man jun itzel nuben chire ri rachpochel, ri jantape' utz kik'in ri rachk'uljay;

Wuj Richin Etamabel-Tzij 30:13

Ek'o chuqa' sol winaqi' ri kan janila kinimirisan-ki', y chikiwech rije', kan man jun kiq'ij ri ch'aqa' chik winaqi'.

Wuj Richin Bix Chire ri Dios 50:20

Ach'obon k'a richin yach'on itzel chirij ri awach'alal. Natz'uk tzij chirij ri xa junan ate' rik'in.

Tito 2:3

Ke'atijoj chuqa' ri rijita'q taq ixoqi' chi nikik'uaj ta jun utzilej k'aslen ri niqa' chuwech ri Dios. Man ta e yakol-tzij chikij winaqi', man ta yeq'aber, y nikik'ut ta jun utzilej k'aslen chikiwech ri ch'aqa' chik.

1 Corintios 5:11

Ri xinwajo' xinbij chiwe chupan ri wuj ri', ja ri man tiwachibilaj jun achin o jun ixoq ri xa nikikanola-ki' richin yemakun, stape' nikibij chi kan e qach'alal. Y keri' chuqa' ri ye'ajowan chi ronojel kik'in ta rije' k'o-wi, ri k'a nikiya' na kiq'ij ch'aqa' chik dios, ri yeyoq'on, ri yeq'aber, y ri ye'eleq'. Re winaqi' re', ni man ruk'amon ta richin yixwa' kik'in.

San Lucas 18:14

Kan qitzij ninbij chiwe, chi ri achin moloy méro xtzolin-el, y man jun rumak xk'ulun chuwech ri Dios. Jak'a ri fariseo man keri' ta xk'ulun chuwech ri Dios. Roma xabachike k'a ri nunimirisaj-ri', xtiban k'a chire chi xtiqasex ruq'ij. Jak'a ri ruqasan-ri', xtinimirisex ruq'ij, xcha' ri Jesús.

Dn 4:37

Wakami k'a, yin Nabucodonosor, kan ninya' k'a ruq'ij y ninnimirisaj ri Dios ri niq'aton-tzij chila' chikaj, roma ronojel ri nuben rija' kan jari' ri qitzij, y kan pa ruchojmilal-wi. Rija' kan nuqasaj k'a kiq'ij ri janila kinimirisan-ki' chuwech rija', xcha' ri Nabucodonosor.

Wuj Richin Etamabel-Tzij 20:19

Jun wineq kamuluy-tzij kan man nitikir ta nutz'apej ri ruchi'; man tawachibilaj k'a ri wineq ri'.

Ez 22:9

Chuqa' nitz'uk-tzij richin yeken ch'aqa' chik winaqi' ri xa man jun kimak. Yixbe k'a pa taq nima-wa'in richin niya' kiq'ij ri wachibel pa ruwi' taq juyu', y chiri' xaxe jalajoj kiwech itzel taq banobel ri ye'iben.

Wuj Richin ri Isaías 2:11

Y xtapon k'a jun q'ij toq ri kinimirisan-ki' k'o chi xtikiqasaj-ki'. Kan xtiqasex k'a kiq'ij roma ri kibanobal. Kan xaxe chik ri Jehová ri xtinimirisex ruq'ij chupan ri q'ij ri'.

Wuj Richin Etamabel-Tzij 25:23

Ri kaq'iq' ri nipe kere' pa xaman, kan jantape' k'o job nuk'en-pe; keri' ri wineq, ronojel ri royowal ri man nubij ta rik'in ch'abel, xa ja ri nitzu'un jari' ri niq'alajirisan chi royowal.

Wuj Richin Etamabel-Tzij 10:18

Ri nrewaj chi itzel nuna' chire jun chik wineq, xa ka'i' rupalej, ri kan chi'anin nuq'alajirisaj-apo ri nuna', xa maneq runa'oj.

Wuj Richin Bix Chire ri Dios 138:6

Rat Jehová kan atk'o pa ruwi' ronojel, y kan nawak'axaj ri ruch'abel ri wineq ri ruqasan-ri' chawech. Jak'a ri kinimirisan-ki' kan k'a nej atk'o-wi chike.

1 Sam 2:3

Man ke'ibij k'a ch'abel rik'in nimirisanen, ni man tel pa taq ichi' ch'abel rik'in nimirisanen, roma ri Dios, ja rija' ri Jehová ri retaman ronojel, y nutz'et ri achike niqaben.

Wuj Richin ri Chojmirisabelri'il 19:16

Man k'a tikamuluj-tzij chi'ikojol rix: man k'a tiyoj-iwi' kik'in ri yekamisan kichin ri iwinaq. Yin Jehová ri yibin.

Ex 23:1

Kan man jun bey k'a titz'uk-tzij. Man tito' jun wineq ri xa makuwineq y rix kan nibij chi man jun rumak.

Ex 20:16

Man tiyek tzij chirij jun chik iwinaq.

1 Timoteo 3:11

Y keri' chuqa' wi k'o jun ixoq ri nrajo' nilin: Nik'atzin chi nuk'uaj ta jun k'aslen utz chikiwech ri winaqi', man ta kamuluy-tzij, jun chojilej ixoq ta y kan nuben ta ronojel ri nubij.

Wuj Richin Etamabel-Tzij 21:4

Ri nuna-ri' chi kan k'o-wi ruq'ij, ri kan nunimirisaj-ri' y ronojel ri kich'obonik ri e banoy richin ri etzelal, ronojel re' kan mak-wi.