Wuj Richin Bix Chire ri Dios 100:5 - Kaqchiquel Bible

⁵ Roma ri Jehová kan janila utz. Ri rajowabal man k'isel ta, y man jun bey yojrumalij kan roj ri oj ruwinaq.

Wuj Richin Bix Chire ri Dios 100:5 ပူးပေါင်းရင်းမြစ်များ

Wuj Richin Bix Chire ri Dios 106:1

Kan tinimirisaj ruq'ij ri Jehová. Tiya' ruq'ij ri Jehová, roma rija' kan janila jebel, roma ri rajowabal kan richin q'asen.

Wuj Richin Bix Chire ri Dios 107:1

Kixmatioxin rik'in ri Jehová, roma rija' kan janila utz; roma ri rajowabal kan richin q'asen.

Wuj Richin Bix Chire ri Dios 86:5

Roma rat ajaw kan janila at utz y at kuyunel, ri awajowabal man jun bey nik'is kik'in ri yekanon awichin.

Wuj Richin Bix Chire ri Dios 36:5

Jak'a ri awajowabal rat Jehová kan nunojisaj ronojel. Ri awutzil kan nuq'i' k'a chijun ri kaj.

Wuj Richin ri Jeremías 33:11

Jak'a xtapon jun q'ij chi ri chiri' xtak'axatej chik bix richin kikoten, bix richin k'ulubik y bix kichin ri yek'amon-pe sipanik richin matioxinik chuwe. Y kere' ri nikibixaj: Tiya' matioxinik chire ri Jehová ri k'o ronojel uchuq'a' pa ruq'a', roma rija' kan janila utz, y ri rajowabal kan richin q'asen, xkecha' rije'. Roma kan xtinben chi ri kulew xtiwachin chik jun bey achi'el ri pa nabey.

1 Crón 16:34

Kan janila qojmatioxin chire ri Dios, roma rija' kan janila utz; roma ri rajowabal y ri rujoyowanik kan richin tibe-q'ij tibe-seq.

Wuj Richin Bix Chire ri Dios 103:17

Jak'a ri rujoyowanik ri Jehová, pa kiwi' ri k'o rukiy chikiwech, kan richin tibe-q'ij tibe-seq. Y ri ruchojmilal ri nuben kan niyaloj richin jantape'.

San Lucas 1:50

Kan jantape' nujoyowaj kiwech konojel ri winaqi', ri kan k'o ruq'ij-ruk'ojlen rija' chikiwech.

Wuj Richin ri Nahum 1:7

Ri Jehová kan janila utz; rija' kan jun tobel chupan ri q'ij toq k'o q'axomal. Kan yeruto' ri kikuquban kik'u'x rik'in.

Wuj Richin Bix Chire ri Dios 119:68

Rat kan janila at utz y at banoy utzil. Kan tak'utu' k'a chinuwech ri pixa'.

2 Crón 5:13

Konojel k'a re' junan xeq'ojoman-q'anej y xebixan junan richin nikiya' ruq'ij ri Jehová, y nikimatioxij chire: Xkixupuj k'a ri trompeta, xkiq'ojomaj ri platillo y ri jalajoj kiwech taq q'ojom rokik yebixan, y kere' nikibij: Tiya' ruq'ij ri Jehová, roma rija' kan janila utz, ri rujoyowanik kan richin q'asen, xecha'. Y rokik yebixan, ri sutz' richin ri Jehová xunojisaj ri k'ak'a' rachoch,

Wuj Richin Bix Chire ri Dios 107:22

Chuqa' tisuju' sipanik richin matioxinik chire. y kan titzijoj k'a rik'in kikoten ronojel ri nuben rija'.

Wuj Richin Bix Chire ri Dios 107:8

Rije' k'o chi nikimatioxij chire ri Jehová, roma ri rajowabal man k'isel ta, y roma ri nima'q taq banobel ri nuben kik'in ri winaqi'.

Wuj Richin Bix Chire ri Dios 85:10

Rija' janila yojrajo' y kan nuben qik'in ri rusujun chiqe. Nuben ri ruchojmilal qik'in, y kan nuya' uxlanen pa qánima.

Wuj Richin ri Esdras 3:11

Y rije' nikibixaj re bix re': Niqamatiox chire ri Jehová, roma rija' kan janila utz, roma beneq ruwech nujoyowaj qawech roj ri oj aj-Israel. Y ri rujoyowanik kan richin q'asen, xecha'. Y chijun ri tinamit nisik'in roma kikoten y kan nikiya' ruq'ij rija', roma kan xya'ox yan qa ri ruch'okolibal ri rachoch ri Jehová.

Tito 1:2

Y rik'in ri' kan qoyoben k'a ri utzilej k'aslen ri man jun bey xtik'is. Y ja k'aslen ri' ri sujun roma ri Dios ojer kan toq k'a man jani k'o ta re ruwach'ulew. Y kan nuya-wi, roma ri Dios kan nuben-wi ri rubin.

Wuj Richin Bix Chire ri Dios 52:1

Rat ri nim aq'ij banon chawe, ¿achike roma nanimirisaj-awi' rik'in ri itzel taq abanobal? Ri rujoyowanik ri Dios pa kiwi' ri ralk'ual, kan richin jantape'.

Wuj Richin ri Miqueas 7:20

Jehová, jantape' ta k'a xtaya' pa qawi' ri awajowabal ri xasuj chire ri Abraham y ri Jacob. Ronojel ri xasuj chike ri qati't-qamama' ojer kan, jari' ta k'a ri xtaya' pa qawi' roj wakami.

Wuj Richin Bix Chire ri Dios 107:15

Rije' k'o chi nikimatioxij chire ri Jehová, roma ri rajowabal man k'isel ta, y roma ri nima'q taq banobel ri nuben kik'in ri winaqi'.

Deut 7:9

Kan tiwetamaj k'a chi ri Jehová ri qa-Dios jari' ri qitzij Dios y kan nuben ri nubij achi'el ri rutzij ri rujikiban, y kan nujoyowaj iwech ri yixajowan richin y nitaqej ri rupixa' ri richin jantape', stape' yeq'ax janila chi sol winaqi' chuwech ri ruwach'ulew.

Wuj Richin Bix Chire ri Dios 146:6

Roma ja rija' xbanon ri kaj y ri ruwach'ulew, xuben chuqa' ri palou y ronojel ri ek'o chupan; ri kan jantape' nuben ri nubij.

Wuj Richin Bix Chire ri Dios 25:8

Rat Jehová kan janila at utz y at choj; kan nak'ut chikiwech ri aj-maki' ri utzilej bey.

Wuj Richin Bix Chire ri Dios 138:8

Rat Jehová, kan xtaben k'a chupan ri nuk'aslen ri nawajo' rat. Ri ajoyowanik rat Jehová kan richin k'a jantape'. Roma ri' tabana' utzil man ta malij kan ri ja rat at banayon.