Wuj Richin Bix Chire ri Dios 100:3 - Kaqchiquel Bible

³ Tiwetamaj chi ri Jehová ja rija' ri Dios. Ja rija' xbanon qichin y man ja ta roj. Roj kan oj rutinamit rija', kan oj achi'el rukarne'l richin ri ruqejoj.

Wuj Richin Bix Chire ri Dios 100:3 ပူးပေါင်းရင်းမြစ်များ

Wuj Richin Bix Chire ri Dios 46:10

Ri Jehová nubij: Kixtane-qa chubanik ri labal y tiwetamaj chi ja yin ri in Dios. xtinimirisex nuq'ij, pa nima'q taq ruwach'ulew, xtiya'ox k'a nuq'ij chuwech re ruwach'ulew.

Wuj Richin Bix Chire ri Dios 119:73

Ja rat Jehová xanuk'u wichin richin xinaben. Tabana' k'a chuwe richin ta niq'ax chinuwech y xtinwetamaj ri apixa'.

Efesios 2:10

Ja ri Dios xbanon qichin roj, y xuben chiqe chi junan qawech rik'in ri Cristo, richin niqaben banobel ri kan e utz, roma jari' ri runaban-pe chiqe ojer yan ri' richin niqaben.

San Juan 17:3

Ri k'aslen ri man k'isel ta, ja ri niketamaj awech rat nata' Dios, y chuqa' niketamaj nuwech yin Jesús ri Cristo, ri xinateq-pe wawe' chuwech re ruwach'ulew.

1 Juan 5:20

Y qetaman chuqa' chi xok'ulun yan qa ri Ruk'ajol ri Dios chuwech re ruwach'ulew. Rija' xuya' etamabel chiqe, richin xqetamaj ruwech ri qitzij Dios, roma ri' jun qabanon rik'in ri Dios y ri Jesucristo ri Ruk'ajol. Rija' kan qitzij Dios wi, y rik'in rija' peteneq-wi ri k'aslen ri man k'isel ta.

1 Pedro 4:19

Roma ri', wi ri kiniman ri Dios nikitej poqon roma keri' ri nrajo' rija', jantape' k'a tikibana' ri utz, y tikijacha-ki' pa ruq'a' ri Dios, roma ja rija' ri banayon kichin. Y rija' man jun bey xkeruya' ta kan.

Wuj Richin Bix Chire ri Dios 149:2

Ri israelita kan kekikot k'a rik'in ri xbanon kichin. Ri aj-Sión, kan kekikot k'a rik'in ri ki-rey.

Deut 4:39

Roma ri' tiwetamaj y tik'oje' chi'ik'u'x chi ri Jehová kan ja rija' ri rajaw ri kaj y ri ruwach'ulew, y kan man jun chik achi'el rija'.

Deut 4:35

ronojel re' xuk'ut chiqawech richin niqetamaj chi ri Jehová kan jari' ri Dios y kan man jun chik achi'el rija'.

1 Pedro 2:25

Rix ri rubanon kan, xa italun-iwi' achi'el taq karne'l ri e sachineq kan. Jak'a re wakami tzolejineq chik pe ik'u'x rik'in ri Yuq'unel iwichin y ri nichajin ri iwánima.

Wuj Richin Bix Chire ri Dios 79:13

K'ari' roj, ri oj atinamit rat, ri oj achi'el akarne'l richin ri aqejoj, kan jantape' k'a xtiqaya' aq'ij. Y chi wiq chi tanaj xtiqanimirisaj ri aq'ij.

2 Corintios 4:6

Pa rutikeribel, ri Dios xubij chi tik'oje' saqil ri pa q'equ'm. Y ja chuqa' rija' ri nisaqirisan ri pa taq qánima, richin chi roj kan tiqasaqirisaj y tiqaq'alajirisaj k'a chikiwech ri winaqi' ri ruq'ij-ruk'ojlen ri Dios, ri kan nitz'etetej-wi rik'in ri Jesucristo.

Wuj Richin Bix Chire ri Dios 78:52

K'ari' xerelesaj-pe ri qawinaq chikikojol ri aj-Egipto; Xeruyuqej-pe pa tz'iran ruwach'ulew achi'el jun q'ataj karne'l.

Ez 34:11

Yin Jehová ninbij chi xkenbenkanoj ri nuwinaq y kan xkenchajij jebel, achi'el jun utzilej yuq'unel kichin ri taq karne'l.

Wuj Richin ri Jeremías 10:10

Jak'a rat Jehová kan at qitzij Dios. Ja rat ri at k'aslik Dios, rey richin q'asen. Toq nipe awoyowal, ri ruwach'ulew kan nisilon y ri tzobaj taq winaqi' man yetikir ta nikikoch' ri awoyowal.

Wuj Richin ri Isaías 63:19

Kan qitzij, roj xa qabanon achi'el xa ta man jun bey aq'aton-tzij pa qawi', y achi'el xa ta man jun bey qak'uan ri abi'.

Wuj Richin ri Isaías 63:11

Jak'a rije' xa xoqaqa k'a chikik'u'x ri xkiq'axaj ojer toq xk'oje' ri Moisés. Xoqaqa k'a chikik'u'x toq ri Dios xerukol ri qati't-qamama' chupan ri Kaqa-Palou, y ri Moisés xeruk'uaj achi'el nuben jun yuq'unel kik'in ri rawej. Chuqa' xoqaqa chikik'u'x toq ri Dios xuteq-pe ri ru-Espíritu pa kiwi'.

2 Rey 19:19

Wakami k'a, Jehová ri at qa-Dios, tabana' utzil qojakolo' pa kiq'a' rije', richin chi niketamaj konojel ri q'atbel taq tzij richin re ruwach'ulew chi xaxe rat Jehová, kan xaxe rat ri at Dios, xcha'.

Deut 7:9

Kan tiwetamaj k'a chi ri Jehová ri qa-Dios jari' ri qitzij Dios y kan nuben ri nubij achi'el ri rutzij ri rujikiban, y kan nujoyowaj iwech ri yixajowan richin y nitaqej ri rupixa' ri richin jantape', stape' yeq'ax janila chi sol winaqi' chuwech ri ruwach'ulew.

1 Pedro 2:9

Jak'a rix kan ix jun tinamit ri kan ix cha'on roma rija', roma ja rija' ri xelesan-pe iwichin chupan ri q'equ'm y xixruya' chupan ri saqil. Xuben chi xixok ru-sacerdote, jun loq'olej rutinamit y xixok ruwinaq richin chi nitzijoj ri meyel taq rubanobal.

Wuj Richin ri Molojri'il 12:1

Kan tik'oje' chi'ak'u'x chupan chijun ri ak'aslen y man tamestaj ri k'iytisanel awichin. Rokik k'a at k'ajol na y man jani katapon chupan ri ajuna' toq xtabij: Ronojel ri k'o xa man jun chik kikoten nuk'en-pe chuwe.

Wuj Richin Bix Chire ri Dios 95:3

Roma ri Jehová jari' ri nimalej Dios. Kan xaxe k'a rija' ri rey pa kiwi' ri ch'aqa' chik dios.

Wuj Richin Bix Chire ri Dios 12:4

ri winaqi' ri nikibij: Rik'in ri qach'abel yojch'akon; ri qaq' kan yojruto', roma ri' kan man jun xtitikir qik'in, yecha'.

Wuj Richin ri Achin Job 10:3

¿Kan ruk'amon kami chawe rat naben chi nutej poqon jun wineq, y kan nimulun ak'u'x chirij ri kan ja rat ri at banayon richin, y naya' ruchuq'a' ri kirayibel ri itzel taq winaqi'?

Ex 6:7

Y xkixok k'a nutinamit y yin xkinok i-Dios, y xtiwetamaj k'a chi ja yin Jehová ri i-Dios ri xixelesan-pe chuxe' ri kowilej taq samaj pan Egipto.

Deut 32:6

¿Man ja ta kami rix ri maneq ina'oj y ix ch'ujerineq, richin chi itzel rutojbalil ri niya' chire ri Jehová? ¿Man ja ta kami rija' ri itata'? ¿Man ja ta kami rija' ri tz'ukuy iwichin? ¿Man ja ta kami rija' ri xmolon iwichin y xa jun xuben chiwe?

Deut 32:15

Jak'a rix aj-Jesurún,*f5* toq jebel xixtzuq yan, xa xixyakatej chirij ri xilin iwichin. Rix xixok k'a achi'el jun chikop ri liq'-liq' rij, kan jebel k'a xixti'ojir. Jari' toq kan xipiskolij-el-iwi', jari' toq xixbe nej chire ri Dios ri xbanon iwichin. Xa xiwetzelaj kan ri Dios, ri nimalej abej, ri akuchi xiwil to'onik.

1 Crón 16:14

Ja rija' ri Jehová ri qa-Dios; Ja rija' ri niq'aton-tzij pa ruwi' chijun ri ruwach'ulew.

Wuj Richin ri Isaías 64:7

Man jun chike ri qawinaq ri nunataj ta ri abi', y man jun najowan nuto-ri' awik'in. Roma ri' rat kan man atk'o ta chik qik'in, y kan xojamalij kan roma ri qamak.