Wuj Richin Bix Chire ri Dios 100:2 - Kaqchiquel Bible

² Tisamajij rik'in kikoten ri Jehová. Kixapon rik'in matioxinik chuwech rija'.

Wuj Richin Bix Chire ri Dios 100:2 ပူးပေါင်းရင်းမြစ်များ

1 Rey 8:66

Y toq xk'is ri nimaq'ij ri', ri ruka'n q'ij chik, ri Salomón xerutaluj-el ri winaqi', y rije' kan xkinimirisaj ri rubi' rija', y k'ari' xebe chi taq kachoch rik'in janila kikoten pa taq kánima, roma ronojel ri utzil ri xuben ri Jehová rik'in ri ánima David ri rusamajel, y chuqa' rik'in ri rutinamit Israel.

2 Crón 29:30

Chirij re' ri rey y ri e tata'al xkibij chike ri e levita richin tikiya' ruq'ij ri Jehová rik'in bix ri rubanon kan ri David y ri Asaf ri nitz'eton ri peteneq. Y rije' kan xkiben rik'in janila kikoten y chuqa' xexuke' richin xkiya' ruq'ij ri Dios.

2 Crón 31:2

K'ari' ri Ezequías xuch'arala' k'a ri samaj chikiwech ri e sacerdote y ri e levita: Ri rusujik ri chikop ri niporox chijun ri pa taq nimaq'a' y ri tiqaq'ij, ri sipanik ri niq'alajirisan chi ri winaqi' junan kiwech rik'in ri Dios, ri matioxinik y ri bix ri yebixex chuchi' ri rachoch.

Wuj Richin Bix Chire ri Dios 42:4

Toq noqaqa chinuk'u'x ronojel re', kan achike na k'a nuben ri wánima. Noqaqa k'a chinuk'u'x ri ojer toq in beneq kik'in ri tzobaj winaqi', y yenk'uaj k'a chupan ri awachoch. Y qonojel kan yojnimaq'ijun k'a, y ri qabix kan richin k'a kikoten y matioxinik.

Wuj Richin Bix Chire ri Dios 71:23

Rik'in k'a kikoten xtinya' aq'ij. Chuqa' xkikikot roma xinakol.

Wuj Richin Bix Chire ri Dios 95:2

Qojapon k'a chuwech rija' rik'in matioxinik. Kan tiqanimirisaj k'a ruq'ij rik'in kikoten.

Deut 12:12

Y kan xkixnimaq'ijun k'a chuwech ri Jehová ri qa-Dios junan kik'in ri iwalk'ual, ri isamajela' y kik'in ri e levita ri ek'o chi'ikojol roma rije' man jun ulew xtikichinaj kan chi'ikojol.

Deut 16:11

Kan xkixnimaq'ijun k'a chuwech ri Jehová ri qa-Dios ri chiri' ri akuchi ruch'aron-wi rija', richin niya'ox ruq'ij, junan kik'in ri iwalk'ual, ri isamajela', ri levita ri xkek'oje' pan itinamit, ri winaqi' ri man e iwinaq ta, ri meba'i' y ri malkani' ri xkek'oje' chi'ikojol pa taq itinamit.

Deut 16:14

Y kan kixkikot k'a chupan ri nimaq'ij, toq yixuxlan y niya' ruq'ij ri Dios; rix, ri iwalk'ual, ri isamajela', ri e levita, ri winaqi' ri man e iwinaq ta, ri meba'i' y ri malkani' ri ek'o chupan ri iruwach'ulew.

Deut 28:47

Roma man xisamajij ta ri Jehová ri qa-Dios rik'in ronojel iwánima y rik'in kikoten, toq rija' janila k'iy beyomel ri xuya' chiwe,

Filipenses 4:4

Jantape' k'a tikikot ri iwánima rik'in ri Cristo; kan ninkamuluj k'a rubixik chiwe chi kan tikikot ri iwánima beneq-ruwech.