Wuj Richin Bix Chire ri Dios 100:1 - Kaqchiquel Bible

¹ Kixbixan k'a rik'in kikoten chire ri Dios, chi'iwonojel rix ri ixk'o chuwech re ruwach'ulew.

Wuj Richin Bix Chire ri Dios 100:1 ပူးပေါင်းရင်းမြစ်များ

Wuj Richin Bix Chire ri Dios 98:4

Konojel k'a ri winaqi' richin ri ruwach'ulew, kan rik'in k'a kikoten kebixan chire ri Jehová. Rik'in ronojel kuchuq'a' kech'on y tikipaq'apa' ri kiq'a' y tikibixaj bix.

San Lucas 19:37

Jak'a toq xa nikichop yan ri xulan richin ri juyu' richin Olivo, konojel ri e tzeqelibey richin ri Jesús e beneq, y rik'in kikoten xkichop nikiya' ruq'ij ri Dios, roma ri meyel taq banobel kitz'etelon rik'in ri Jesús. Kan rik'in k'a kuchuq'a' nikibila':

Wuj Richin ri Sofonías 3:14

Chupan ri q'ij ri' rix kan kere' k'a xtibij toq xkixbixan: Rix winaqi' richin ri tinamit Sión kan kixbixan k'a, kan kixsik'in k'a roma kikoten rix tinamit Israel. Kan kixkikot y kixnimaq'ijun rix aj-Jerusalem. Kan kixkikot k'a rik'in ronojel iwánima.

Wuj Richin Bix Chire ri Dios 32:11

Kan kenimaq'ijun y kekikot rik'in ri Jehová, ri kikuquban kik'u'x rik'in. Kebixan rik'in kikoten konojel ri choj kibanobal chuwech ri Dios.

Romanos 15:10

Y nubij chuqa':*f53* Rix, ch'aqa' chik tinamit, kixkikot k'a qik'in roj ri ruwinaq ri Dios, nicha'.

Wuj Richin Bix Chire ri Dios 66:1

Chi'iwonojel rix winaqi', tinimirisaj rubi' ri Jehová rik'in kikoten.

Deut 32:43

Rix ch'aqa' chik tinamit kixkikot k'a qik'in, roma ri Jehová xtuya' rutojbalil ri kimak ri e etzelanel qichin, roma rije' xekikamisaj jujun chiqe roj ri rusamajela'. Ri Jehová ri Dios kan xtuya' k'a ruk'exel chike ri e etzelanel richin, y roj xtijunamatej chik qawech rik'in, y rija' chuqa' utz chik xtutz'et ri qaruwach'ulew, xcha' ri Moisés.

Wuj Richin Bix Chire ri Dios 145:1

Xtinnimirisaj k'a aq'ij, nu-Dios, nu-rey. Xtinya' aq'ij jantape', tibe-q'ij tibe-seq.

Wuj Richin Bix Chire ri Dios 47:1

Chinimalej iwonojel rix winaqi', tipaq'apa' ri iq'a'. Tiya' k'a ruq'ij ri Dios rik'in kikoten.

Wuj Richin ri Zacarías 14:9

Ri q'ij k'ari' kan ja ri Jehová xtiq'aton-tzij pa ruwi' chijun ruwach'ulew. Y xaxe chuqa' rija' xtiya'ox ruq'ij.

Wuj Richin Bix Chire ri Dios 67:4

Kan kekikot y kenimaq'ijun k'a konojel, roma rat kan naq'et-tzij pa ruchojmilal. Kan ja rat k'a yayuqen kichin konojel ri winaqi' richin re ruwach'ulew.

Wuj Richin Bix Chire ri Dios 66:4

Konojel k'a winaqi' richin re ruwach'ulew nikiya' aq'ij. Kan yebixan k'a chawe rat y ja ri abi' ri nikibixaj, kixcha' chire.

Wuj Richin Bix Chire ri Dios 47:5

Kan rik'in k'a raqoj-chi'ij richin kikoten, nijote-q'anej ri Jehová chupan ri rajawaren. Ri Jehová kan niya'ox ruq'ij rik'in trompeta.

Wuj Richin Bix Chire ri Dios 68:32

¡Konojel k'a winaqi' richin chijun ruwach'ulew, kebixan richin nikiya' ruq'ij ri Dios; kan tikinimirisaj k'a ruq'ij ri ajaw,