Wuj Richin Bix Chire ri Dios 10:7 - Kaqchiquel Bible

⁷ Ri pa ruchi' kan xaxe etzelanik, yoq'onik y q'oloj k'o; ri ruch'abel kan ruyon tz'ukun-tzij y ya'ol q'axo'n.

Wuj Richin Bix Chire ri Dios 10:7 ပူးပေါင်းရင်းမြစ်များ

Wuj Richin ri Achin Job 15:35

Xkiben k'a ch'a'oj y re' xuk'en-pe etzelal chike. Kan pa kánima rije' xalex-wi-pe richin nikiben q'oloj chike ri winaqi'.

Wuj Richin ri Achin Job 20:12

Ri maneq Dios chikiwech, toq yemakun, kan ki' nuna' ri pa kichi', y kan nik'oje' kan ri ruki'il chuxe' ri kaq'.

Wuj Richin Bix Chire ri Dios 12:2

Xa kan chaq nikitz'ukula' k'a tzij chikij ri kachpochel. Rik'in ka'i' kipalej yech'on chikiwech; xa ruyon k'a q'oloj yekiben.

Wuj Richin Bix Chire ri Dios 140:3

Ri kaq' kan achi'el k'a ri raq' ri kumetz. Kan achi'el k'a ri ya' kamisanel richin ri kumetz, keri' rubanon ri pa kichi'.

Wuj Richin Bix Chire ri Dios 140:9

Man taya' q'ij chi ri e etzelanel wichin yinkich'ek. Tabana' chike chi ri ch'abel ri yekibila', chikij ta k'a rije' xtiqaqa-wi.

Wuj Richin Bix Chire ri Dios 144:11

Kinakolo' y kinawelesaj chikiwech ri man e nuwinaq ta, rije' man jun bey nikibij ri qitzij. Stape' nikijikiba' ri kitzij, man jun bey nikibij ri qitzij.

Wuj Richin Bix Chire ri Dios 144:8

Rije' man jun bey nikibij ri qitzij. Stape' nikijikiba' ri kitzij, man jun bey nikibij ri qitzij.

Wuj Richin Bix Chire ri Dios 36:3

Ri ch'abel ri yekibij, kan ruyon richin mak y q'oloj. Kan xk'is k'a kina'oj, y man nikiben ta ri utz.

Wuj Richin Bix Chire ri Dios 41:6

Yepe chinutz'etik richin nokikuquba' kan nuk'u'x, jak'a xa man qitzij ta ri kich'abel. Yepe xaxe richin nokak'axaj-el ri man utz ta rutzijol, y k'ari' nibekitaluj rutzijol.

Wuj Richin Bix Chire ri Dios 5:9

Rije' man jun bey yech'on ri qitzij; kan e nojineq k'a rik'in etzelal. Kan xaxe k'a ri q'oloj ri k'o pa kichi'. Roma ri' rije' kan e achi'el k'a jun muqbel kamineq.

Wuj Richin Bix Chire ri Dios 50:19

Kan ruyon k'a itzel taq ch'abel ri nabila', y kan xaxe q'oloj ri nabanala'.

Wuj Richin Bix Chire ri Dios 52:4

Xa ja ri itzel taq ch'abel ri niqa' chawech, ri awaq' xa kan q'olonel.

Wuj Richin Bix Chire ri Dios 55:21

Ri ruch'abel kan jebel k'a nuben chire, Jak'a ri ránima xa nojineq chi oyowal. Ri ruch'abel kan e ch'uch'uj, más chuwech ri aceite ri niya'ox chirij jun sokotajik. Jak'a ri ch'abel ri' xa e achi'el jun espada ri nikamisan.

Wuj Richin Bix Chire ri Dios 58:3

Rix ri ix banoy etzelal kan pan isanti'il k'a xich'er yan iwi'. Kan xaxe k'a toq xixalex, xich'er kan iwi' richin ri tz'ukuj-tzij.

Wuj Richin Bix Chire ri Dios 59:12

Kere' tikik'uluwachij roma jantape' yemakun rik'in ri ch'abel ri ye'el pa kichi', Kan ta xtiqasex kiq'ij roma ri kinimirisanen, y roma xaxe ri tz'ukuj-tzij ri xqa' chikiwech.

Wuj Richin Bix Chire ri Dios 59:13

Nimalej Dios, kan ke'ak'isa' k'a el rik'in ri awoyowal, ke'ak'isa' k'a el richin man yeq'alajin ta chik. Kan tetamex k'a chi rat naq'et-tzij pa qawi' roj ri oj rijatzul kan ri Jacob y pa ruwi' chijun ruwach'ulew.

Wuj Richin Bix Chire ri Dios 62:4

Kan chaq niyala' k'a chiwech richin yinitzeq y niqasaj nuq'ij; Kan yixkikot k'a rik'in ri tz'ukuj-tzij; Rik'in ri ichi' ye'ibila' utzilej taq ch'abel, jak'a pan iwánima xa ruyon etzelal k'o.

Wuj Richin Bix Chire ri Dios 64:3

Ri kaq' re winaqi' re' kan achi'el ri espada ri kan ya-ya' rey, y kan nikik'aqala' poqon taq ch'abel ri kan yesokon, achi'el nik'aq ri ch'ab,

Wuj Richin Bix Chire ri Dios 7:14

Ri aj-mak kan xaxe k'a q'axo'n ri nutik, y pa ruk'isibel nibeq'alajin-pe ronojel ri q'oloj yeruben.

Wuj Richin Bix Chire ri Dios 73:8

Kan xaxe k'a yetze'en y ruyon etzelal ri nikibij ri kich'owen kan ruyon rik'in nimirisanen.

Wuj Richin Etamabel-Tzij 21:6

Ri wineq ri nril rubeyomel, roma ri q'oloj ri yerubanala' rik'in ri raq'; ri beyomel ri' xa achi'el ri moyew ri niyakatej-el y nibe; y xa achi'el chuqa' jun pikbel ri nuk'en-pe kamik.

Wuj Richin Etamabel-Tzij 30:8

Ri nurayibel, ja ri man taya' q'ij chi yenq'ol ri winaqi' y man ta nintz'uk-tzij; y chuqa' man taya' meba'il ni beyomel chuwe, xaxe taya' ri nuway ri nik'atzin chuwe.

Wuj Richin ri Isaías 59:4

Man jun chiwe rix ri man pa ruchojmilal ta nibesujun, ni man jun ri pa ruchojmilal nibe rik'in q'atbel-tzij. Kan más k'a nikuquba' ik'u'x rik'in tz'ukuj taq tzij, y ri ich'abel man e qitzij ta. Nitik etzelal, y niwachij itzel taq banobel.

Wuj Richin ri Jeremías 9:3

Y ri Jehová nubij: Xa kan beneq ruwech ye'el-pe tz'ukun taq tzij pa kichi' chikij ch'aqa' chik winaqi' achi'el toq yek'aq k'iy ch'ab. Chupan ri ruwach'ulew ri' más tz'ukun taq tzij ri yeban ke chuwech ri qitzij. Pa ruk'exel utz nikiben xa ja ri etzelal ri más nikiben. Kan man nikajo' ta nikibij chi ja yin ri in ki-Dios.

Wuj Richin ri Jeremías 9:6

Tachajij-awi' roma kan chikikojol atk'o-wi. Y roma ri kiq'oloj, rije' nikibij chi man ketaman ta nuwech. Yin Jehová ri yibin.

Am 8:4

Tiwak'axaj k'a rix winaqi' ri yixtz'ilo kichin ri maneq ok kiq'ij, y xa kan niben chike ri man jun ok k'o kik'in chi yek'oje' kan más pa meba'il.

San Mateo 12:34

Roma ri' ja rix ri ix q'olonela', y chuqa' ix kijatzul kan ri itzel taq q'olonela'. ¿Kan yixtikir kami nibij ri utz, toq xa ja ri etzelal k'o iwik'in? Roma jun wineq kan jak'a ri k'o pa ránima ri nubij.