Wuj Richin Bix Chire ri Dios 10:18 - Kaqchiquel Bible

¹⁸ Taq'ata-tzij pa kiwi' ri meba'i' y ri yetz'ilox, richin chi ri banoy etzelal man ta chik xtuben etzelal chike.

Wuj Richin Bix Chire ri Dios 10:18 ပူးပေါင်းရင်းမြစ်များ

Wuj Richin Bix Chire ri Dios 10:14

Rat kan atzuliben ri tijoj-poqonal ri nikik'owisaj ri winaqi', kan ach'obon chik richin xke'ato'. Ri man jun nito'on kichin, kan awik'in rat kikuquban-wi kik'u'x; rat kan at to'onel kichin ri meba'i'.

Wuj Richin Bix Chire ri Dios 17:14

Rik'in ri aq'a' kinakolo' chikiwech re winaqi' re'; ri xa rik'in re ruwach'ulew kikuquban kik'u'x, ri xa rik'in re k'aslen chuwech re ruwach'ulew yekikot-wi; ri kan nikinojisaj ri kipan rik'in ri abeyomel rat; rik'in ri' yekitzuq ri kalk'ual y kan k'a k'o nik'oje' kan chike ri kiy-kimam.

Wuj Richin Bix Chire ri Dios 72:4

Xtuq'et k'a tzij pa kiwi' ri e k'ayewatajineq. Xkerukol k'a kalk'ual ri man jun k'o kik'in. Jak'a ri xetz'ilon kichin, rat xke'aya' pa ruk'ayewal.

Wuj Richin Bix Chire ri Dios 74:21

Man taya' q'ij chi yek'ixbitej ri winaqi' ri yetz'ilox. Kan ta k'a xtikiya' aq'ij ri e k'ayewatajineq y ri kan man jun ok k'o kik'in.

Wuj Richin Bix Chire ri Dios 82:3

Kan ke'ito' k'a ri maneq kuchuq'a' y ri meba'i'. Tibana' ri ruchojmilal rik'in ri poqonatajineq, y rik'in ri kan k'o nik'atzin chike.

Wuj Richin Bix Chire ri Dios 9:9

Rija' kan xkeruto' k'a ri yetz'ilox, rik'in k'a rija' xtikito-wi-ki' ri ek'o pa q'axo'n.

Wuj Richin ri Isaías 11:4

Xtuq'et k'a tzij pa ruchojmilal pa kiwi' ri man jun k'o kik'in, chuqa' kan pa ruchojmilal xtuq'et-tzij pa kiwi' ri man kinimirisan ta ki'. Ronojel ri xtubij, jari' ri xtibanatej chupan chijun ruwach'ulew, Y rija' kan xkerukamisaj k'a konojel ri e banoy taq etzelal.

San Lucas 16:25

Jak'a ri Abraham xubij chire: Toqaqa k'a chi'ak'u'x, chi toq xak'ase' chuwech ri ruwach'ulew, yalan jebel xak'owisaj ri ak'aslen, jak'a re Lázaro yalan tijoj-poqonal xuk'owisaj. Jak'a re wakami, rija' yalan jebel ri ruk'aslen ri xorila' wawe', y rat xa jun k'aslen richin tijoj-poqonal xawil.

Deut 10:18

Rija' kan yeruto' k'a ri meba'i' y ri malkani', y chuqa' kan yerajo' ri man e aj pa qatinamit ta, y roma ri' kan nuya' kiway y kitziaq.