Wuj Richin Bix Chire ri Dios 10:16 - Kaqchiquel Bible

¹⁶ ¡Jehová, ja rat at qa-rey richin q'asen! ri man yatkitzeqelibej ta, xa xkek'is jumul.

Wuj Richin Bix Chire ri Dios 10:16 ပူးပေါင်းရင်းမြစ်များ

1 Crón 29:11

Kan awichin rat ri nimirinen; kan xaxe wi rat ri k'o aq'ij. Kan xaxe rat ri k'o uchuq'a' awik'in, y nim ri aq'ij-ak'ojlen. Awik'in rat k'o-wi ri ch'akonik, y pan aq'a' rat k'o-wi ronojel ri k'o chuwech re ruwach'ulew y ri ek'o chikaj. Ja rat ri at Ajaw ri más nim k'o pa ruwi' ronojel.

Wuj Richin Bix Chire ri Dios 145:13

Ri awajawaren kan richin k'a tibe-q'ij tibe-seq. Ri aq'atbel-tzij rat Jehová kan kichin k'a konojel sol winaqi'.

Wuj Richin Bix Chire ri Dios 146:10

Ri Jehová kan xtuq'et k'a tzij jantape'. Xtuq'et k'a tzij pa ruwi' ri Sión tibe-q'ij tibe-seq. Kan tinimirisex k'a aq'ij rat Jehová.

Wuj Richin Bix Chire ri Dios 29:10

Kan ja ri Jehová ri niq'aton-tzij pa ruwi' ri ya'. Kan nik'oje' k'a richin nuq'et-tzij jantape'.

Wuj Richin Bix Chire ri Dios 78:55

Kan xerelesaj k'a el ri winaqi' aj chiri' ri man nikitzeqelibej ta rija'. Xuch'er k'a ri kiruwach'ulew, chikiwech ri qati't-qamama', richin chi ri kalk'ual nikichinaj kan, chikijujunal rik'in ri kitzobaj.

Wuj Richin Bix Chire ri Dios 9:15

Ri winaqi' richin ch'aqa' chik ruwach'ulew xekibanala' jul, xekiyala' pikbel y xa ja rije' ri xeqaqa chupan.

Wuj Richin Bix Chire ri Dios 9:5

Xaben k'a chike ri winaqi' richin ri ruwach'ulew chi xkixibij-ki'; xe'ak'is k'a ri e banoy taq etzelal; xaben chi ri kibi' man jun bey chik xnatex chuwech re ruwach'ulew.

Wuj Richin Bix Chire ri Dios 9:8

Rija' xtiq'aton-tzij pa ruwi' ri ruwach'ulew rik'in ruchojmilal; kan xtuya' k'a pa kiwi' ri tinamit ri ruk'amon.

Wuj Richin Bix Chire ri Dios 93:1

Ri Jehová jari' ri rey y xuwiq k'a ri' rik'in ruwaq'ijaj. Rija' kan k'o ruchuq'a' y xuch'okoba' k'a jebel ri ruwach'ulew, xuben chire chi man nisilon ta ri akuchi k'o-wi.

Ex 15:18

Xaxe rat Jehová ri atk'o pa ruwi' ronojel, keri' re wakami y richin tibe-q'ij tibe-seq.

Wuj Richin ri Isaías 33:22

Ri kolo' richin ri barco ri' xa xyokoyo', y man nitikir ta nuchop ri che' ri chapayon richin ri kolo'. Chuqa' man nitikir ta nurik' ri tzieq richin nroyoj kaq'iq'. K'ari' xtiqelesaj k'iy beyomel chike ri e etzelanel qichin, y kan pa ruk'iyal ri xtik'oje', jajun ri e jetz' ri xke'ilon chuqa' junan qik'in. Roma ri Jehová kan ja rija' ri nichojmirisan richin ri yebanatej; ja ri Jehová ri qaq'atoy-tzij, Jehová ri qa-rey, y kan ja rija' ri xtikolon qichin.

Wuj Richin ri Jeremías 10:10

Jak'a rat Jehová kan at qitzij Dios. Ja rat ri at k'aslik Dios, rey richin q'asen. Toq nipe awoyowal, ri ruwach'ulew kan nisilon y ri tzobaj taq winaqi' man yetikir ta nikikoch' ri awoyowal.

Wuj Richin ri K'uxla'anik 5:19

Jak'a rat Jehová, kan jantape' k'a xtaq'et-tzij. Stape' xkeq'ax k'iy sol winaqi', ri awajawaren kan richin k'a jantape'.

Dn 4:34

Jak'a toq xtz'aqet ri juna' ri janipe' xq'at pa nuwi', jari' toq yin Nabucodonosor xtzolej-pe nuk'u'x, y kan jari' xich'obon chik achi'el yech'obon ri winaqi'; y jari' k'a toq yin xinnimirisaj ruq'ij ri nimalej Dios. Xinya' ruq'ij ri kan jantape' k'es y kere' k'a ri xinbij: Ri ruchuq'a' ri aq'atbel-tzij rat nimalej Dios, kan richin q'asen, ri awajawaren kan xtik'oje' k'a pa kiwi' ri chi wiq chi tanaj winaqi'.

Dn 6:26

Yin ri in rey ninya' k'a pan iwi' chi'iwonojel re jun pixa' re': Kan konojel k'a ri winaqi' ri ek'o chupan ri wajawaren kan tikiqasaj k'a ki' chuwech ri ru-Dios ri Daniel; Roma ri Dios ri' kan jari' ri k'aslik Dios; ja rija' ri Dios richin tibe-q'ij tibe-seq. Ri rajawaren kan man jun k'a xtiwulan richin; ri ruq'atbal-tzij kan man k'isel ta k'a.

Deut 8:20

Achi'el k'a nuben ri Jehová chike ri winaqi' richin ri ruwach'ulew ri yerujech pan iq'a', keri' chuqa' xtuben chiwe rix wi man xtiqataqej ta ri ruch'abel ri Jehová ri qa-Dios.

1 Timoteo 1:17

Roma ri' niqaya' ruq'ij-ruk'ojlen ri Dios richin jantape'. Ja rija' ri rey pa qawi' qonojel roj richin tibe-q'ij tibe-seq. Rija' man kamel ta y man tz'etel ta xaxe rija' ri Dios. Keri' ta k'a.