Wuj Richin Bix Chire ri Dios 10:12 - Kaqchiquel Bible

¹² ¡Wakami, kayakatej k'a nimalej Jehová Dios! Tayaka' ri aq'a' y man ke'amestaj ri ek'o pa meba'il.

Wuj Richin Bix Chire ri Dios 10:12 ပူးပေါင်းရင်းမြစ်များ

Wuj Richin Bix Chire ri Dios 13:1

Jehová, ¿kan richin kami q'asen xinamestaj kan? ¿kan jantape' ta k'a xtawewaj-awi' chinuwech?

Wuj Richin Bix Chire ri Dios 17:13

¡Jehová, kayakatej! ¡tapaba-awi' chikiwech! Rik'in ri akamisabal kinakolo' chikiwech ri e banoy taq etzelal.

Wuj Richin Bix Chire ri Dios 17:7

Tak'utu' k'a ri nimalej ajoyowanik. Tak'utu' chi rat kan ye'akol-wi ri nikito-ki' awik'in, kan ye'akol chuwech ri e etzelanel kichin.

Wuj Richin Bix Chire ri Dios 3:7

Jehová, ¡kayakatej k'a chikij! ¡Kinakolo' k'a nu-Dios yin. Tasoko' k'a ri kipalej ri e etzelanel wichin. Tawulaj k'a key ri e banoy taq etzelal.

Wuj Richin Bix Chire ri Dios 7:6

¡Jehová, kayakatej k'a chi nuto'ik! kan rik'in k'a awoyowal, kayakatej chikij ri e etzelanel wichin. Rat kan abin chi kan naya-wi rutojbalil, kan kinato' k'a wakami.

Wuj Richin Bix Chire ri Dios 74:19

Roj ri oj achi'el jun ti paloma man qojajech pa kiq'a' ri itzel taq winaqi'. Man qojamestaj kan roj y qojato' pa kiq'a' rije'.

Wuj Richin Bix Chire ri Dios 77:9

¿Kan xumestaj kami ri rujoyowanik? ¿Kan rik'in ta k'a royowal xtutanaba' kan ri rujoyowanik pa nuwi'?, xicha-qa.

Wuj Richin Bix Chire ri Dios 9:12

Ri Dios kan ye'oqaqa chuk'u'x ri ek'o pa tijoj-poqonal y nrak'axaj ri kich'owen; y kan nuya' k'a rutojbalil chike ri kamisanela'.

Wuj Richin Bix Chire ri Dios 9:13

Tabana' utzil Jehová tajoyowaj nuwech yin; tatzu' re q'axo'n re nink'owisaj koma ri ye'etzelan wichin, kan kinakolo' k'a chuwech ri kamik,

Wuj Richin Bix Chire ri Dios 9:19

¡Jehová, kayakatej k'a! man taya' q'ij chi ri winaqi' nikinimirisaj-ki' chawech rat. Taq'ata-tzij pa kiwi' ri man yatkitzeqelibej ta.

Wuj Richin Bix Chire ri Dios 94:2

Rat ri yachojmirisan ronojel ri nibanatej chuwech chijun ri ruwach'ulew. Kayakatej k'a y tataqa-pe ri awoyowal pa kiwi' ri kinimirisan-ki'.

Wuj Richin ri Isaías 26:11

Rat Jehová kan atzeqen k'a ri aq'a' pa kiwi' richin naya' rutojbalil-mak chike, jak'a rije' xa man nikajo' ta k'a nikak'axaj. Tabana' utzil tak'utu' ri awajowabal pa kiwi' rije' richin xkek'ixbitej. Taya' q'ij chi ri q'aq' kan xkeruk'is ta rije', achi'el xkek'is ri e etzelanel awichin rat.

Wuj Richin ri Isaías 33:10

Ri Jehová nubij chi wakami kan xtibeyakatej-pe richin niberuk'utu' ronojel ruchuq'a' y ri ruk'ojlen.

Wuj Richin ri Miqueas 5:9

Keri' k'a xkech'akon ri qawinaq chikij ri e etzelanel kichin. Kan konojel k'a ri xkeyakatej chikij, xkek'is.

Wuj Kichin ri To'onela' 16:28

Y ri Sansón xch'on k'a rik'in ri Dios, y xubij: Ajaw Jehová, xaxe ta chik k'a re jun bey re' xkinoqaqa ta chi'ak'u'x. Nink'utuj k'a utzil chawe richin taya' chik jun bey ri wuchuq'a', nu-Dios yin, richin chi jumul ninya' rutojbalil chike ri aj-Filistea roma xkelesaj ri runaq' taq nuwech, xcha'.