Wuj Richin Bix Chire ri Dios 10:11 - Kaqchiquel Bible

¹¹ K'ari' nubij chik qa pa ránima: Ri Dios xa numestaj ronojel; rija' man nitzu'un ta pe, man jun bey xtutz'et re', nicha-qa.

Wuj Richin Bix Chire ri Dios 10:11 ပူးပေါင်းရင်းမြစ်များ

Wuj Richin Bix Chire ri Dios 10:6

Kan nubij k'a qa pa ránima: Yin man jun xtitzaqon wichin; stape' xtibe-q'ij xtibe-seq, man jun ruk'ayewal xtinwil, nicha-qa.

Wuj Richin Bix Chire ri Dios 59:8

Jak'a rat Jehová kan xkatze'en chikij re winaqi' re'; kan xke'awulaj k'a ri man yatkitzeqelibej ta.

Wuj Richin Bix Chire ri Dios 64:5

Kan kipaban k'a ki' chupan ri itzel taq kich'obonik, nikiyala' pikbel, k'ari' nikibij-qa ¿achike ta k'a nitz'eton ri niqaben?, yecha-qa.

Wuj Richin Bix Chire ri Dios 64:6

Nikinojila' k'a q'anej ri etzelal, y kan jebel ruch'obik nikiben chire. Kan qitzij na wi chi rije' kan janila e nowineq rik'in ri kich'obonik.

Wuj Richin Bix Chire ri Dios 73:11

Kan nikibij k'a chi ri Dios man nretamaj ta ri nikiben rije', y chi man jun bey xtunabej.

Wuj Richin Bix Chire ri Dios 94:7

Ri itzel taq winaqi' nikibij-qa chi ronojel re' kan man xtatz'et ta rat. Nikibij chi rat xa kan man xtawak'axaj ta k'a.

Wuj Richin ri Molojri'il 8:11

Roma janila niyaloj richin chi niq'at-tzij pa ruwi' ri banoy etzelal, roma ri' ek'o ch'aqa' chik winaqi' ri xa nipe pa kich'obonik chi nikichop rubanik etzelal.

Ez 8:12

Y ri Dios xubij chuwe: Rat Ezequiel, tatz'eta' k'a ronojel ri yekibanala' pan ewel re achi'a' re' y chikijujunal rije' kan ek'o-apo pa kik'ojelibal ri wachibel richin nikiya' kiq'ij Y kan nikibij-qa chi yin man yentz'et ta y chi yin xenmalij yan kan.

Ez 9:9

Y ri Jehová xubij chuwe: Ri winaqi' israelita y ri aj-Judá kan janila chik nim ri kimak y roma ri' ri ruwach'ulew kan nojineq rik'in kamik y chuqa' rik'in etzelal. Y rije' kan nikibij-qa chi yin man yentz'et ta y chi yin xenmalij yan kan.

Os 7:2

Kan man nikich'ob ta k'a qa chi yin kan nutzuliben ronojel ri nikiben. Wakami kan e nojineq chik k'a chire ri itzel taq kibanobal; ronojel re' kan nutzuliben yin.

Marcos 2:6

Chiri' e tz'uyul k'a chuqa' apo jujun chike ri etamanela', y rije' nikich'ob pa taq kánima:

San Lucas 7:39

Ri Simón, toq xutz'et ri xuben ri ixoq, xuch'ob-qa: Wi ta re Jesús kan qitzij wi chi q'alajirisey ruch'abel ri Dios, nunabej ta achike ixoq nichapo la raqen. Roma la jun ixoq la' itzel ruk'aslen, xcha-qa.